ඔස්ට්‍රේලියාවේ විශ්ව විද්‍යාල සඳහා පිවිසීමේදී ජාත්‍යන්තර සිසුන්ගේ ඉංග්‍රීසි භාෂාවේ ප්‍රවීණත්වය මැන බැලීම පිළිබඳ නැවත විමර්ශනයක් කරන ලෙස ඔස්ට්‍රේලියානු මධ්‍යම රජයට ඉල්ලීමක් සිදුකර තිබේ.
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
වික්ටෝරියානු ප්‍රාන්තයේ ප්‍රාන්ත අගමැති Daniel Andrews විසින් මේ සම්බන්ධව ලිපියක් National Tertiary Education Union (NTEU) හි වික්ටෝරියානු ශාඛාව වෙත යවා ඇති බව සඳහන්.
Source: AAP
ඔස්ට්‍රේලියාවේ ශිෂ්‍ය වීසා සහ ඉංග්‍රීසි භාෂාවේ ප්‍රවීණත්වය
වර්තාමන නීති යටතේ ඔස්ට්‍රේලියානු ශිෂ්‍ය වීසා ලබාගැනීමට ජාත්‍යන්තර සිසුන්ට International English Language Testing හෙවත් IELTS ඉංග්‍රීසි විභාගයෙන් අවම වශයෙන් ලකුණු 5.5 ක් හෝ ලබාගත යුතුවේ.
බොහෝ විශ්ව විද්‍යාල වල පාඨ මාලාවන් සඳහා ප්‍රවේශ වීමට නම් ජාත්‍යන්තර සිසුන්ට IELTS ලකුණු 6 ත් 7 ත් අතර ප්‍රමාණයක් ලබාගත යුතුවේ.
කෙසේවෙතත්, ඉල්ලුම් කරන IELTS ලකුණු ප්‍රමාණයට වඩා අඩුවෙන් නමුත් IELTS ලකුණු 4.5 මට්ටමේ ඉංග්‍රීසි දැනුමක් තිබෙන ජාත්‍යන්තර සිසුන්ට කොන්දේසියක් මත ශිෂ්‍ය වීසා ලබා දීමට වර්තමානයේ ඔස්ට්‍රේලියානු මධ්‍යම රජය ක්‍රියා කරයි.
එනම් එම ශිෂ්‍යයින් Elicos හෙවත් අවම වශයෙන් සති 20 ක ඉංග්‍රීසි භාෂා පාඨ මාලාවකට ලියා පදිංචි විය යුතුය.
එම පාඨ මාලාව සමත්වන සිසුන්ට නැවතත් තමන්ගේ විශ්ව විද්‍යාල ප්‍රවේශය සඳහා අවශ්‍ය ඉංග්‍රීසි ලකුණු ප්‍රමාණය ලබාගැනීමට IELTS විභාගයට මුහුණ දිය යුතු නැත.
Source: Twitter
ජාත්‍යන්තර සිසුන්ට අසාධාරණයක්
විශ්ව විද්‍යාල වලට ජාත්‍යන්තර සිසුන් බඳවා ගැනීමේදී ඉංග්‍රීසි භාෂාව සම්බන්ධයෙන් වර්තාමානයේ පවතින නීති හා මැනුම් ක්‍රම නිසා ජාත්‍යන්තර සිසුන්ට අසාධාරණයක් වන බව වික්ටෝරියා ප්‍රාන්තයේ උසස් අධ්‍යාපන කටයුතු පිළිබඳ වැඩබලන අමාත්‍ය James Merlino පවසයි.
ජාත්‍යන්තර සිසුන් යනු වික්ටෝරියානු ප්‍රාන්තයේ අධ්‍යාපන ක්ෂේත්‍රයට අත්‍යවශ්‍යම කොටසක් වන නමුත් අවශ්‍ය ප්‍රමාණයේ ඉංග්‍රීසි දැනුමක් නොමැති සිසුන් පාඨ මාලාවලට ලියා පදිංචි වී ඔවුන් හට ඒවා සම්පූර්ණ කරගැනීමට නොහැකිව දැඩි අපහසුතාවන්ට පත්ව ඇති බව ඔහු පෙන්වා දෙයි.
මෙය එම සිසුන්ට මෙන්ම ඔවුන්ට ඉගැන්වීම් කරන ගුරුවරුන්ට ද කරන මහත්වූ අසාධාරණයක් බවද එනිසාම මේ ගැටළුව මධ්‍යම රජය විසින් විමසා බැලිය යුතු බවද අමාත්‍ය James Merlino පවසයි.
නමුත් අදාළ ජාත්‍යන්තර සිසුන්ට ඔවුන් ලියා පදිංචි වීමට යන පාඨ මාලාව සඳහා අවශ්‍ය ඉංග්‍රීසි භාෂා දැනුමක් තිබේදැයි පරීක්ෂා කිරීම අදාළ විශ්ව විද්‍යාල වල වගකීමක් බව ඔස්ට්‍රේලියානු මධ්‍යම රජයේ අධ්‍යාපන අමාත්‍ය Dan Tehan නිවේදනයක් නිකුත් කරමින් පැවසීය.
Source: AAP
විශ්ව විද්‍යාල වල වගකීම
අදාළ පාඨ මාලාවන්ට අවශ්‍ය ඉංග්‍රීසි භාෂාවේ ප්‍රවීණත්වය ඇති ජාත්‍යන්තර සිසුන් පමණක් බඳවා ගැනීම විශ්ව විද්‍යාල වල වගකීමක් බව National Tertiary Education Union හි ජාතික සභාපතිනී ආචාර්ය Alison Barnes පවසයි.
නමුත් මේ වන විටත් ජාත්‍යන්තර සිසුන් උපාධි පාඨ මාලාවන්ට ඇතුළත් කරගැනීමේදී ඉහළ ඉංග්‍රීසි භාෂා දැනුමක් තිබිය යුතු වීම අත්‍යවශ්‍ය සාධකයක් ලෙස විශ්ව විද්‍යාල සලකන බව ඔස්ට්‍රේලියාවේ ජාත්‍යන්තර අධ්‍යාපන සංගමයේ ප්‍රධාන විධායක Phil Honeywood පැවසීය.
මේ අතර ඔස්ට්‍රේලියාවේ ශිෂ්‍ය වීසා ලබා දීමේදී සලකනු ලබන ඉංග්‍රීසි දැනුම පිළිබඳ නැවත විමර්ශනයකට සිදු කෙරෙන ඉල්ලීමට තම සංගමය සහය දෙන බව ජාත්‍යන්තර සිසුන්ගේ සභාව ප්‍රකාශ කළේය.
නමුත් එහිදී විශ්ව විද්‍යාලද තමන්ගේ වගකීම ඉටුකළ යුතු බව ජාත්‍යන්තර සිසුන්ගේ සභාවේ නියෝජිත Manfred Mletsin පැවසීය.
විශ්ව විද්‍යාල තමන් වෙත විශාල ජාත්‍යන්තර සිසුන් සංඛ්‍යාවක් බඳවා ගැනීම සහ අධික ලාභ ලැබීම යන අරමුණු ක්‍රියාත්මක කරන අතරතුර ගුණාත්මක අධ්‍යාපනයක් ජාත්‍යන්තර සිසුන්ට ලබාදීම පිළිබදවද අවධානය යොමු කළ යුතු බව ජාත්‍යන්තර සිසුන්ගේ සභාව පෙන්වා දෙයි.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
Read & Watch More
මෙල්බර්න් නුවර වැඩිපුරම දඩ ලැබෙන speed camera ඇති ස්ථාන 10. (SBS සිංහල/වීඩියෝ)
