Ntsiab lius tseem ceeb:
- Tau muaj kev tshawb fawb qhia tias neeg Australia yog cov neeg uas pheej yiam faib tej xov xwm cuav rau lwm tus tshaj plaws hauv ntiaj teb.
- Tej technology uas vam meej tuaj ntxiv thiaj ua rau zoo li muaj neeg nrhiav tau xov xwm cuav hauv online tau yooj yim tuaj ntxiv thiab zoo li yog xov xwm tiag.
- Tej xov xwm cuav yeej yog tej yam tseem ceeb uas yuav ua rau muaj teeb meem rau tib neeg tej cwj pwm vim yog tej yam uas kom muaj cov kev ntseeg uas twb muaj tam sim no haj yam muaj zog ntxiv thiab pheej ua rau muaj co kev xav/kev ntseeg tias ib yam dab tsi muaj tseeb tiag.
Tej xov xwm yuam kev tau ras los ua ib cov teeb meem tseem ceeb rau peb tiam neej digital no lawm.
Raws li Sushi Das uas yog tus Associate Director ntawm lub chaw , uas txheeb txog qhov tseeb ntawm tsev kawm qib siab RMIT University, hais ces xov xwm yuam kev yog ib co xov xwm ua tsis raug/tsis yog uas tej neeg pheej muab coj mus faib qhia rau lwm tus yam tsis paub tias yog tej xov xwm tsis raug.
Yog li tej xov xwm tsis muaj tseeb ces yog cov xov xwm yuam kev uas tej neeg txhob txwm tsim coj los dag lwm tus. Thiab yeej muaj ntau yam laj thawj (reasons) uas pheej tsim li coj los ua kev tso dag tso luag, pab ib cov laj fai kum xeeb dab tsi los yog kom muaj neeg mua nyem nyiam kom khwv tau nyiaj.
Sushi Das thiab nws pab neeg uas yog cov txheeb txog qhov tseeb yeej tau mus txheeb tej xov xwm hauv social media uas tej zaum yuav qhia tej xov xwm cuav los yog xov xwm yuam kev.
Ces lawv mam ua tib zoo txheeb seb tej xov xwm ntawd puas muaj tseeb. Tej no yuav pab los ua tib zoo xyuas kom tej xov xwm raug coj mus nthuav qhia rau zej tsoom yog tej xov xwm muaj tseeb.
Ms Das yeej txheeb ntau yam xov xwm yuam kev los yog tej xov xwm uas tsis yog ntawm Australia. Nws hais tias tej hauv paus xov xwm tam sim no mas yog cov pheej ua rau muaj tej xov xwm cuav tas mus li ntawm tej social media.
Piv txwv li tam sim no ces tseem muaj tsov rog ntawm Russia thiab Ukraine. Ces thiaj muaj xov xwm yuam kev thiab xov xwm cuav txog kob tsov rog no. Tsis tas li ntawd los tseem muaj ib kob tsov rog ntawm Middle East uas cuam tshuam txog Palestine thiab Israel thiab, ces thiaj muaj tej xov xwm cuav thiab xov xwm yuam kev txog kob tsov rog ntawd tib yam thiab. Dua ntawd lawm los, peb kuj tseem pom muaj tej xov xwm cuav txog kev noj qab haus huv thiab nyiaj txiaj uas coj los ntxias dag tej neeg thiab.Sushi Das, RMIT Fact Lab, RMIT University.
Sab laug rau sab xis: Dr Timothy Graham, RMIT FactLab Sushi Das, Dr Darren Coppin.
Tej teeb meem yuav muaj tau los ntawm social media
Social media platforms ces yog ib co twj haub tau yaum tseem ceeb. Thiab yeej raug siv los ua cov kev sib txuas lus thiab sib pauv hloov tswv yim thiab yeej siv ib co cai coj los tswj kom tsim tau tej xov xwm uas tej neeg nyiam thiab qhia txog tej yam uas tej neeg nyiam, kom muaj neeg koom coob tuaj ntxiv thiab kom tshaj tau tej xov xwm haum raws li tej neeg xav tau.
Txawm li cas los Dr Timothy Graham uas yog ib tug zes kais theem qes uas paub txog phab Digital Media ntawm tshab txhais tias tej algorithms no tej zaum kuj yuav ras los ua ib co twj uas nthuav xov xwm cuav los yog tej xov xwm yuam kev thiab.
Dr Graham hais tias "Yuav muaj tej xov xwm no thoob plaws rau tej neeg cov newsfeed thiab yog tej yam uas lawv tsis saib tsis tau li lawm. Vim tib neeg yeej yog cov neeg nyiam koom nrog zejzog thiab nyuam tej xov xwm uas cuam tshuam txog tej kev xav uas tej zaum tsis yog tej xov xwm muaj tseeb tiag.''
Nws kuj hais ntxiv tias tias tej social media platforms yog ib cov uas coj tej xov xwm coj los tshaj tawm kom nthuav dav tuaj ntxiv thiab txhawb tej xov xwm, thiab ua kom tej neeg siv muaj cov kev tawm tswv yim muaj ceem tuaj ntxiv. Thiab tej neeg yeej nyiam faib tej xov xwm uas ua rau yuav muaj cov kev tawm tswv yim muaj ceem tsis hais rau phab zoo los yog phem.
Yog li ntawd thiaj yuav muaj tej xov xwm yuam kev los ntawm ntau yam tsis hais yuav yog tej zaum sau yuam kev, yog cov kev cej luam uas tuaj ib tog twg, yog cov xov xwm ua kom tej neeg kub siab txog, los yog txhob txwm tsim kom tau txais txiaj ntsim rau tej laj fai kum xeeb, los yog qhia txog ib lub tswv yim twg, los sis ua kom tau txiaj ntsim rau phab lagluam ib yam dab tsi.
Tej tswv yim conspiracy theories ces yeej ib txwm cuam tshuam txog tej dab neeg uas qhia txog ib co tswv yim tsis qhia rau lwm tus paub uas yuav ua ib yam dab tsi. Thiab yeej txawv tej xov xwm yuam kev uas cuam tshuam txog tej xov xwm cuav los yog tej xov xwm tsis raug uas tej zaum yuav cuam tshuam los tsis cuam tshuam txog tej tswv yim tsis qhia rau lwm tus paub.
Ib co piv txwv ntawm lub tswv yim conspiracy theory uas RMIT Fact Lab pab neeg tau mus tshuaj ntsuam ces yog cov
Lub tswv yim no tau cav tias tej no yeej muaj hom phiaj pab tej lagluam tsoos zam (fashion industry) kom ua tau lagluam ntev ntxiv, thiab yog ib co tswv yim uas tej koom haum li , tej txhab nyiaj, thiab tsoom fwv tsim coj los txheeb thiab tswj tej neeg xwb.
Ms Das hais tias "Tej no yog tej tsis raug lawm. Yog tej yam xav yuam kev lawm. Vim tej codes ntawd tsuas qhia tej xov xwm ntau yam txog yam khoom ntawd xwb, li tsim qhov twg, puas ua yam khoom ntawd raws kev raws cai tsim nyog ua, qhia tias yuav ntxhua lub ris tsho ntawd li cas, thiab ho siv ntaub xov dab tsi ua. Tab sis tseem muaj neeg cav tias tej codes no ces yeej yog tsim coj los soj yus xwb ntag.''
Ib tug poj niam tab tom siv nws lub xov tooj ntawm tes (Smartphone) scan ib tug QR Code ntawm daim tw ntawv dai ntawm ib lub tsho ntawm ib lub khw muag ris tsho. Source: iStockphoto / javitrapero/Getty Images/iStockphoto
Tej teeb mem muaj tau los ntawm tej xov xwm yuam kev
Dr Darren Coppin uas yog ib tug kws tshawb fawb uas paub zoo txog tib neeg tej cwj pwm ntawm Sydney hais tias yeej muaj tej xov xwm yuam kev txij thaum tau pib muaj tej ntaub ntawv siv los lawm.
Txawm li cas los, yeej yog ib co xwm txheej muaj ntau tuaj ntxiv thiab yeej muaj teeb meem loj rau teb chaws.
Yav tag los ces tej neeg yeej nrhiav tau qhov tseeb, thiab kev ntseeg los ntawm lawv tej zejzog, tsev neeg thiab lawv tej kab lis kev cai. Tab sis niaj hnub no ces peb yeej tau xov xwm thoob ntuj thiab tau los ntawm ntau qhov chaw.
Dr Coppin hais tias "Raws li , ces tej neeg Australia yog ib co hauv ntiaj teb uas pheej nyiam faib tej xov xwm cuav rau lwm tus tshaj plaws. 80 feem pua ntawm tej zaj xov xwm uas lawv faib rau lwm tus ces yeej yog ib zaj xov xwm uas lawv xav tias tsis txaus ntseeg li. Ces thiaj yog tej yam uas haj yam ua rau peb ntsib tej xov xwm cuav los yog tej xov xwm yuam kev no ntau tuaj ntxiv xwb.''
Nws tshab txhais tias, tej xov xwm yuam kev los yog tej xov xwm cuav no yeej muaj peev xwm ua rau muaj teeb meem ntau heev rau tib neeg tej cwj pwm thiab, vim haj yam ua kom lawv cov kev ntseeg uas twb muaj tam sim no lawm kom haj yam muaj ceem ntxiv los yog pheej ua kom tej neeg xav tsis thoob ntxiv. Ces thiaj yuav ua rau muaj teeb meem nthuav dav ntxiv rau cov kev xaiv nom, yog tias ib co xov xwm cuav twg ua rau muaj teeb meem rau tej neeg tej kev xa txog ib tsab cai twg, los yog tej nom tswv txhob txwm siv lub tswv yim no ua kom zej tsoom nyiam lawv.
Dr Coppin tseem nco tau "Hais tsi ntsees rau lub caij tseem muaj tus kab mob COVID, ces peb yeej tau pom tias muaj teeb meem ntau yam cuam tshuam txog tej xov xwm cuav txog txhua yam ntawm tus kab mob COVID. Thiab yeej tau hais tias tsis yog peb yuav tau tawm tsam nrog tus kab mob kis thoob ntuj xwb tab sis - Peb tseem yuav tau tawm tsam nrog tej xov xwm cuav uas muaj ntau heev thiab.''
Dr Coppin thiaj txheeb tej laj thawj hauv qab no tias vim li cas tib neeg thiaj muaj peev xwm txhob txwm los yog tsis txhob txwm nthuav tej xov xwm cuav.
Xov xwm cuav yog tej yam muaj feem rau tej neeg cov kev tsis nyiam tej xwm txheej uas tsis paub tias xyov yuav zoo li cas. Thiab peb yeej nyiam kom tau txais kev nyab xeeb thiab nyiam kom muaj peev xwm tswj tau ib co xwm txheej twg. Thiab peb pheej xav txov kom tsis txhob muaj tej xwm txheej tsis paub tias yuav zoo li cas. Ces peb thiaj xav tau tej tswv yim los daws tej xwm txheej no. Thiab yog thaum tsis muaj tej tswv yim no pab peb, ces peb thiaj yuav tau ua ib yam dab tsi los tswj. Tsis tas li ntawd los peb yeej xav tau ib yam xov xwm dab tsi uas pheej tsis muaj hlo li thiab.Behavioural Scientist, Dr Darren Coppin
Raws li nws xav, ces peb tej kev pauv hloov yav dhau los yeej tau cog cov kev xav tsis zoo rau tib neeg los ntev heev lawm. Vim peb tej cej pwm pab kom peb ciaj dim pheej ua rau peb yeej ib txwm xav rau kis tsis zoo ntau dua - vim tej neeg uas txhawj txog tej kev phom sij yog cov uas ciaj dim ntau dua thaum poob rau tej xwm txheej phom sij.
Dr Coppin hais tias "Tsis paub seb koj puas tau nrog ib tug neeg Australia tham, thiab thaum kom tseem mus ncig txawv teb chaws dhau los ntawd ho zoo li cas, tab sis yeej ib txwm hnov tej neeg txwv teb chaws mas tsuas tham txog Australia tej kab tej ntsaum, tej kab laug sab, tej nab tej ntses tom neeg uas muaj thoob teb chaws no xwb, yeej tsis tshua tham txog tias lub teb chaws no yog ib lub teb chaws zoo nkauj thiab muaj cib fim ntau yam ntawm no li.''
Lwm yam laj thawj pheej ua rau peb nyiaj nthuav tej xov xwm cuav los yog xov xwm yuam kev ces yog ''ib cov kev qhia txog peb txoj kev tsis ncaj''.
Raws li Dr Coppin hais, ces yog tias peb yog pawg neeg uas tsis pom zoo hno tshuaj vaccines, ces peb yeej yuav mus nrhiav tej xov xwm haum raws li peb tej kev ntseeg, uas yog tej yam uas peb nco txog xwb.
Nws hais tias peb yeej yuav nco tau tej xov xwm uas pheej qhia txog peb tej kev ntseeg uas muaj tam sim no, ces haj yam ua rau peb muaj kev sib twg tswj los yog haj yam ua rau peb muaj cov kev xav uas muaj ceem tshaj qub ntxiv xwb.
Dr Coppin kuj qhia tias cov kev muaj tej technology vam meej siv mas haj yaj ua rau muaj tej xov xwm cuav zoo li tej xov xwm tseeb ntau tuaj ntxiv thaum peb nyeem hauv online, thiab kuj yog lwm yam ntxiv uas pheej ua rau muaj tej xov xwm yuam kev raug coj mus nthuav qhia lwm tus sai tshaj thiab.
Nws thiaj tshab txhais tias "Yog thaum yus nrog ib tug twg tham tim ntsej tim muag lawm, ces yus yeej muaj peev xwm qhia tau seb puas yog tus neeg ntawd coj tej cwj pwm uas zais npog tsis qhia qhov tseeb los yog puas coj tej yam cwj pwm txawv li pheej tawm fws rau ntawm lawv tej xib teg; uas yog tej yam uas yuav qhia rau peb tias seb tus neeg ntawd puas yog tus neeg txaus ntseeg los sis tej lus lawv hais ntawd puas yog cov lus txaus ntseeg.''
Yeej muaj ntau yam ua rau muaj tej xov xwm yuam kev, tsis hais yuav yog tej zaum yeej ua yuam kev tiag, yog ib cov kev cej luam tsis ncaj, yog ib cov xov xwm ua kom muaj cov kev xav muaj ceem tuaj ntxiv, thiab yog ib lub tswv yim kom tau txiaj ntsim rau laj fai kum xeeb, los yog ib lub tswv yim dab tsi los sis yog ib lub tswv yim los tswj lagluam. Source: iStockphoto / nicoletaionescu/Getty Images
Txheeb thiab tawm tsam nrog xov xwm cuav
Vim muaj tej xov xwm cuav rau lub ntuj tam sim no, ces thiaj yog tej yam tseem ceeb tshaj qub uas yuav tau ua tib zoo xyuas kom yus paub txog qhov sib txawv ntawm qhov tseeb thiab cuav.
Cov kev tsim kom yuav muaj txuj ci paub txheeb thiab qhia kom tau tej xov xwm tias yog li cas tiag thiaj tseem ceeb heev.
Sushi Das thiaj qhia nws tej tswv yim tseem ceeb txog cov kev los txheeb tej xov xwm tseeb ntawm tej xov xwm cuav tias.
"Yus muaj peev xwm siv qee lo lus rau ntawm lub lub website yus qhib tshiab, thiab nrhiav seb ho puas muaj ib tug twg sau ib yam dab tsi, los yog xov xwm dab tsi txog lo lus ntawd los yog qhia txog qhov tseeb txog lo lus ntawd dab tsi.''
Ms Das kuj hais ntxiv thiab tias yog yus tab tom nrhiav ib daim duab thiab xav paub tias seb puas yog daim tseeb los cuav tiag, ces yus muaj peev xwm nyem phab xis ntawm Google search ces kuj muaj ntau txoj xub kev rau yus nrhiav daim duab ntawd thiab.
Nws kuj qhia ntxiv tias ib txoj xub ke uas siv tau zoo coj los tawm tsam nrog tej xov xwm cuav uas pheej raug coj mus nthuav qhia rau lwm tus ntawd ces yog nrog zej tsoom sib tham, cheem cov kev siv kev sib thuam, thiab yuav tsum tau xyuas kom qhia tau tej xov xwm tseeb tas mus li xwb.
Thiaj yog tej yam tseem ceeb uas peb ras txog tias cov kev pauv hloov yog ib co txheej txheej maj mam hloov uas yuav tau ua siab ntev.
Dr Coppin los kuj xav kom peb tsis txhob lam ntseeg tej xov xwm cuav los yog tej xov xwm peb tsis paub meej tias yog li cas ua ntej peb yuav coj tej xov xwm no coj mus faib qhia rau lwm tus ntxiv hauv online.
Nws hais tias "Xav kom peb tso tseg thiab xav tso, tias kuv puas yuav xav rov qab coj tej xov xwm cuav no mus qhia rau lwm tus dua ntxiv, los yog seb kuv puas yuav xav tham txog tej xov xwm cuav no nrog ib tug twg ntawm zej tsoom chaw? Thiab yog tias yus tsis ntseeg siab, ces xav kom tsis txhob faib tej xov xwm no ntxiv thiab los yog qhia lwm yam kom yus tsis txhob yog tus uas pheej haj yam ua rau muaj tej xov xwm yuam kev ntau ntxiv tuaj. Ob tuaj ntxiv ces xav kom yus yuav tau ras txog yus cov kev nrhiav tej xov xwm uas pheej tsis tshuaj ncaj thiab tuaj ib tog twg ntau dua ntawd.''
Tej kws ntseeg tias ntshe tseem yuav muaj ntau yam teeb meem nyuaj tuaj ntxiv rau cov kev los tawm tsam nrog tej xovxwm cuav rau lub caij uas muaj cov kev siv AI (Artificial Intelligence) ntau tuaj ntxiv no. Credit: We Are/Getty Images
Tej xwm txheej yav pem suab
Lub caij uas muaj tej technology vam meej tuaj ntxiv no ces yeej yuav muaj cov kev pauv hloov rau cov kev nthuav tej xovxwm cua no lawm thiab.
Professor Timothy Graham tshab txhais tias tias tej teeb meem dab tsi yuav muaj rau yav pem suab uas tsim nyog peb yuav tau kub siab txog rau lub ntuj digital uas muaj cov kev pauv hloov sai heev no.
Nws hais tias ib yam teeb meem nyuaj tshaj plaws ntawm ntau yam uas Artificial Intelligence (AI) tsim ntawd mas yog cov kev muaj peev xwm tsim tau tej xovxwm uas zoo li tib neeg tso cai tsim tau thiab thaum xub thawj uas yus tau nyeem lawm ces zoo li yeej yog tej xov xwm tiag thiab.
Dr Graham hais tias "Tsis yog tej xov xwm sau ua ntaub ntawv xwb, tab sis tseem cuam tshuam txog tej duab nrog thiab. Ces ib qho nyuaj ntxiv ces yog peb tseem muaj tej xov xwm uas tej AI tsim coj los sib xyaw ntxiv rau thiab, ces haj yam sib chab sib chaws ntau tuaj ntxiv rau peb yuav muaj peev xwm txheeb tau tias tej duab twg yog cov tseeb los yog tej duab twg yog cov cuav thiab tej xov xwm twg yog cov tseeb cuav li cas."
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
