5 cov kev taw qhia pab kom koj tsis txhob raug dag

Koj puas paub txog koj tej cai tam li yog ib tug neeg yuav khoom siv? Yeej muaj tej neeg tsiv teb tsaws chaw tshiab uas tuaj rau Australia no tsis paub txog tias muaj tej cai los tiv thaiv lawv kom lawv tsis txhob raug lwm tus siv kom tau txais txiaj ntsim rau lwm tus.

Avoid being out of pocket Source: Pixabay

Cov kev paub txog koj tej cai tam li yog ib tug neeg yuav khoom siv muaj peev xwm pab koj txuag tau nyiaj thiab - nod yog lub koom haum

Australian Competition and Consumer Commission (ACCC) 5 co kev taw qhia pab kom koj tsis txhob raug lwm tus siv kom tau txais txiaj ntsim rau lawv.

Kawv koj tej ntawv yuav khoom (receipts)

Ua tib zoo xyuas kom thaum koj yuav khoom los yog siv ib cov services dab tsi ntawd tau ib daim receipt khaws cia. Tsis tas li ntawd los xav kom koj muab tej tw ntawv yuav khoom no khaws cia kom zoo vim tej zaum koj kuj yuav xav rov qab siv rau yav pem suab thiab. Tej lagluam los yuav tsum tau luam ib daim ntawv yuav khoom rau koj yog tias yam khoom ntawd tus nqe kim tshaj $75 lawm.

Nyeem tau ntxiv ntawm no.

Nug seb puas kho tau rov qab coj los siv, puas hloov yam tshiab rau koj los yog seb puas thim nyiaj rov qab rau koj

Xaws thiab ntxiv los yog kho khaub ncaws los sis yog kho ib yam dab tsi. Source: Pixabay

Australia tej cai pov puag tej neeg yuav khoom siv (Australian Consumer Law) consumer guarantees yeej pub koj muaj txoj cai nug ib lub tuam txhab lagluam twg uas koj yuav khoom kom seb kho puas tau yam khoom ntawd, seb puas hloov dua lub/yam tshiab rau koj, los yog seb puas thim tus nqe yuav yam khoom ntawd rov qab rau koj.

Nyeem tau ntxiv ntawm no.

Ua tib zoo xyuas kom koj nkag siab tsab contract tso mam li kos xyeem mem tes rau

Txhua zaus uas koj yuav ib co khoom siv los yog siv ib co services twg, ces koj yuav tau kos xyeem mem tes rau ib tsab ntawv pom zoo. Tab sis ua ntej koj yuav ua li ntawd, xav kom ua tib zoo xyuas kom koj nkag siab ntxaws tias koj tab tom pom zoo yuav ua dab tsi tso.

Nyeem tau ntxiv ntawm no.

Ceev faj txog tej nqe cuav

Competition and heavy discounting from supermarkets are weighing on the value of retail spending. (AAP) Source: AAP

Ntawm teb chaws Australia no ces txhua yam nqe yuav tsum yog cov nqe tiag thiab sau lo kiab rau ntawm pob khoom kom yus pom kiag tias raug tus nqe npaum li cas tiag. Thiaj xav kom ua tib zoo xyuas ntau tus nqe ntawm ib yam khoom twg los yog tej nqe uas siv coj los haub tau yaum ntawd. Tsim nyog tus neeg muag ntawd yuav tsum tau qhia tias yuav muag tus nqe pheej yig tshaj plaws li cas rau koj.

Nyeem tau ntxiv ntawm no.

Be aware of online shopping scams

Yuav tau ceev faj rau tej chaw koj yuav khoom los yog seb koj yuav khoom hauv tej khw online li cas. Tej neeg dag yeej muaj peev xwm tsim ib cov websites cuav los yog tsim ib co kev haub tau yaum cuav rau ntawm tej khw muag khoob tseeb tej vas sab thiab.

Nyeem tau ntxiv ntawm no.

Tej koom haum uas muaj peev xwm yuav pab tau koj

Lub koom haum Australian Competition and Consumer Commission (ACCC) ces yog lub koom haum uas tswj tej cai uas tswj tej lagluam cov kev sib tw thiab tswj tej neeg yuav khoom siv txoj cai. ACCC yeeej txhawb nqa kom muaj kev sib tw ua lagluam thiab ua tau lagluam ncaj ncees kom sawv daws tau txais txiaj ntsim los ntawm tej kiab khw. Koj muaj peev xwm txheeb tau lawv tej vas sab (website) tau ntawm no.  

Choice ces yog lub koom haum uas txheeb txog tej teeb meem muaj rau tej neeg yuav khoom siv thiab pab nrog tej neeg yuav khoom siv hais los yog yws txog ib yam dab tsi uas lawv tsis txaus siab.

MoneySmart ces yog tsoom fwv ib lub vas sab uas muaj tej kev taw qhia ntxaws qhia txog tej neeg yuav khoom siv tej cai thiab lawv lub luag hauj lwm yuav tau ua.

Austrade ces yog tsoom fwv ib lub tuam chav hauj lwm pab rau tej neeg ntoj ncig uas lawv ntseeg tias ib lub tuam txhab lagluam twg ua tsis ncaj rau lawv muaj peev xwm mus yws lawv cov kev tsis txaus siab rau thaum tseem nyob ntawm Australia.

Treasury ces yeej muaj cov kev sab laj txog tej cai tswj Australia cov kev sib tw lagluam los yog tej cai uas pov puag tej neeg yuav khoom siv.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.