Puas yog tej nuj nqes siv ua lub neej muaj teeb meem rau zej tsoom cov kev koom npoj?

Raws li tau muaj ib co kev teeb txheeb tsis ntev los no qhia, ces tej lagluam yog ib co neeg Australia txhawj xeeb tshaj plaws tam sim no, thiab yog tej tab tom ua rau muaj kev sib twg tswj rau peb tej zej tsoom.

People who say they are struggling financially are less likely to believe that ‘accepting migrants from many different countries has made Australia stronger’. Source: Getty / Jordan Lye

Jon uas yog ib tug neeg ntawm xeev Queensland tau qhia rau SBS Examines tias nws kuj yuav tau los tawm tsam nrog nws lub tswv yim uas tau pauv hloov lawm cuam tshuam nrog cov kev tsiv teb tsaws chaw thiab cov kev nrhiav dua ib qho chaw nyob txij thaum nws ntsib cov xwm txheej txom nyem nyiaj txiaj siv.

Nws hais tias “Kuv tau loj hlob nyob rau ntawm plawv nroog, thiab yeej ib txwm tau ntau yam txiaj ntsim los ntawm lub tswv yim multiculturalism. Tab sis tam sim no ces kuv tsis xav li ntawd lawm.''

Nws tau hais tias nws pheej tseem yuav tau sib tw nrog tej neeg ntoj ncig uas xav txuas lawv cov working holiday visas seb puas ntiav tau ib lub tsev rau nws nyob ntawm ib lub zos yaj sab thiab.

Nws hais tias ''Yog tias yus tsis muaj nyiaj coj los sib tw ntiav tsev nyob ces yus yeej tsis muaj hmoo yuav ntiav tau nyob lawm.''

Jon los yeej tsis yog tib tug neeg uas thiaj xav li ntawd xwb.

Lub chaw teeb txheeb Scanlon Institute cov kev teeb txheeb txog zej tsoom cov kev koom npoj yeej txheeb tau tias tej neeg txom nyem nyiaj txiaj siv yeej tau cov zauv zej tsoom muaj kev koom npoj no tsawg tshaj.

Anthea Hancocks uas yog tus coj lub koom haum Scanlon Institute tau hais tias ''Tej neeg no pheej xav tias lawv tsis yog ib feem ntawm tej zejzog, lawv muaj kev tso siab ntseeg siab rau nom tswv tsawg dua, thiab lawv yeej muaj kev ntseeg siab rau lwm tus ib nyuag tsawg dua, thiab pheej ib txwm mloog tau tias lawv raug cais ntawm lwm tus.''

“Thiab lawv pheej xav tias xyov lub neeg ntawm Australia no puas yuav zoo tshaj qub ntxiv, thiab pheej mloog tias ntau tsav neeg tsiv teb chaws chaw xyov puas yuav pab kom Australia yog ib lub teb chaws ruaj khov dua.''

Rachael Leah Jackson ces yog ib tug coj zejzog ntawm Sydney lub zos Northern Beaches thiab kuj nrog xyuas kom tej neeg koom npoj tom qab pom tias muaj kev sib tu ncua loj tuaj ntxiv ntawm tej neeg txom nyem nyiaj txiaj thiab tej neeg muaj txiaj nplua nuj.

Nws tau hais tias “Yeej muaj tej neeg txom nyem coob heev, thiab yeej muaj tej neeg xav tau ntau yam kev pab thiab muaj txoj kev sib tu ncua tsis muaj peev xwm sib cuag tau nrog lwm tus. Tej neeg los kuj nyob twm zeej, thiab kuv yeej paub zoo tias tej kev nyob twm zeej kho siab khuv no zoo li cas lawm. Txawm li cas los zejzog yog peb lub zog thiab qhia txog peb tias peb yog leej twg, yog li ntawd peb thiaj yuav tau koom tes ua ke los sib pab ib tug twg.''

SBS Examines toom xov xwm kaw uas suab no txheeb txog tias cov kev raug tej nuj nqes siv ua lub neej ntau yam tsub nias no ho ua rau peb tej zejzog muaj cov kev sib tawg tswj li cas.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.