Pov Lauj qhia tias tom qab yog koj raug neeg phem ntxias dag poob nyiaj los yog poob koj tej ntaub ntawv tseem ceeb tag li tej chaw nyob, hnub yug, xov tooj, bank account detail, passport los yog bank card detail los sis yog driver's license lawm ces koj muaj peev xwm mus thov tau kev pab cuam nrog tej txhab nyiaj tau raws li 3 theem txuas ntxiv no.
Thawj theem raws li Mr Lauj hais ces, ''yuav tsum tau xub xub qhia rau koj lub txhab nyiaj paub tias tej zaum koj mag neeg phem dag poob nyiaj lawm thiab qhia koj tej xov xwm rau lawv ces lawv mam li mus nrhiav seb puas tau tej nyiaj ntawd rov qab rau koj. Yog lawv nrhiav tsis tau tej nyiaj ntawd rov qab rau koj ces koj yuav tsum qhia rau bank tias kuv tsis zoo siab thiab xav kom muaj tej teeb meem no refer rau bank cov neeg tswj cov complaints (Complaint team) mus txheeb xyuas txuas ntxiv seb rhiav puas tau koj tej nyiaj ntawd rov qab los rau koj yog tseem nrhiav tsis tau thiab koj tsis zoo siab thiab ces mam li muaj lwm txoj xub ke hais txuas ntxiv.
Mloog tau toom ib (Part I) uas Pov Lauj qhia tias tej neeg phem siv tswv yim dab tsi los ntxias dag kom tej neeg sawvdaws qhia lawv tej xov xwm ntiag tug los yog kom lawv poob nyiaj rau tej neeg phem ntawm no:
Theem txuas ntxiv ntawd ces yog koj tsis txaus siab tias bank nrhiav tsis tau koj tej nyiaj raug neeg phem dag poob lawm rov qab los ces koj muaj peev xwm mus hais ntxiv nrog rau Financial Ombudsman Services los yog tam sim no hu ua the Australia Financial Complaint Authority (AFCA) txuas ntxiv. Ces lub koom haum no mam li los txheeb tias seb tej txhab nyiaj puas tau ua txhua yam kom nrhiav tau koj tej nyiaj rov qab rau koj, thiab cov kev pab cuam no yog ib cov kev pab cuam pub dawb xwb kom tsis tau them nyiaj dab tsi nws yog ib qho free services pub rau koj xwb tab sis koj lub txhab nyiaj yog tus them tej nqe los mus txheeb xyuas tej teeb meem no rau koj. Ces yog tias thaum koj refer tej teeb meem no rau AFCA ces lawv twb poob nyiaj li 100 dollars lawm, yog hais ntxiv es koj pab nrhiav tsis tau thiab koj tsis zoo siab ces lawv tseem yuav poob txog li ntawm 900 los yog 1,000 dollars los sis yog poob li 2,000 rau theem txuas ntxiv thiab tseem poob txog li 4-5 txhiab dollars los tau thiab.
Mr Lauj thiaj tau qhia ntxiv tias tej zaum txawm yus yog tus txhaum uas tau muab tej xov xwm ntiag tug tseem ceeb rau tej neeg phem tag lawm thiab ho mus hais nrog lub koom haum AFCA lawm ces tej zaum tej txhab nyiaj kuj yuav nrog yus sib khom seb puas tuaj yeem them tej nyiaj yus poob ntawd ib nrab rau yus kom rooj plaub ntawd tag mus xwb vim txawm lawv mus hais ntxiv thiab yeej los lawv tsis tau dab tsi thiab lawv tseem yuav yog tus tau them tej nqe hais plaub no thiab ces lawv thiaj xav muab tej teeb meem no tu kom tiav kom tag mus xwb.
Mloog tau Pov Lauj cov lus tham txog tias yog thaum koj raug neeg phem txias tau koj tej xov xwm ntiag tug tseem ceeb thiab koj poob nyiaj lawm yuav muaj tau teeb meem dab tsi rau koj toom 3 (Part III) ntawm no:
Yog li ntawd thaum koj paub tias koj raug neeg phem dag thiab poob koj tej cim thawj thiab xov xwm tseem ceeb tag lawm, koj yuav tsum tau qhia kom meej rau bank kom lawv muab daim card qub tshem tawm txhob siv ntxiv, thiab yog tej txhab nyiaj lub luag hauj lwm los lis tej dej num no, yog koj qhia rau lawv tag lawm es lawv tseem tsis kub siab los cancel koj daim card thiab neeg phem tseem rho nyiaj tawm ntxiv thiab ces bank yog tus yuav tsum tau them tej hyiaj raug nyiag zaum 2 ntawv rov qab rau koj raws li Pov Lauj hais.
Yog hais tias tus customer ntawd ho raug neeg phem dag poob nyiaj ntau txheeb dollars txog li 100,000 thiab tsis txaus siab ces bank mam li mus nug Australian Securities and Investment Commission (ASIC) seb tus customers ho qhia tej xov xwm li cas rau ASIC ces yog txheeb tau tias yog tus customer fault xwb ces bank yuav tsis tau them tej nyiaj uas neeg phem nyiag ntawm tus neeg ntawd rov qab tab sis yeej tseem tau them tej nqe txheeb tej teeb meem no los yog hais tej plaub no. Ces thiaj yog tej yam tsis ncaj rau banks thiab raws li Pov Lauj hais.
Disclaimer:
Zaj lus tawm tswv yim no tsuas yog qhia ua xov xwm kom sawv daws paub txog tias tej neeg phem siv tswv yim dab tsi los ntxias dag tej neeg kom sawv daws thiab txhob raug dag xwb thiab tsis tau ua tib zoo txheeb xyuas tej xwm txheej uas tau tshwm sim rau koj cov kev raug neeg phem ntxias dag. Yog li ntawd thiaj xav kom koj yuav tsum tau mus sab laj nrog cov neeg muaj ntaub ntawv raug cai uas muaj cai sab laj tawm tswv yim thiab pab tej neeg raug cov teeb meem no tsi ntsees thiaj yuav pab cuam tau raws li qhov tsim nyog. Yog koj lam ua raws li tej lus ntawm zaj xov xwm no ya tsis tau sab laj nrog cov financial counsellor thiab muaj teeb meem tuaj ces koj yog tus yuav tau ris tej teeb meem tshwm sim kheej xwb.
SBS Infographic - SBS Source: SBS
Siv ntau txoj xub ke sib txuas lus nrog lwm tus kom peb txhob nyuaj siab (SBS) Source: SBS
