ඔස්ට්‍රේලියාවේ ස්ථිර පදිංචිය සඳහා අයදුම් කිරීමට අවස්ථාව සලසන නිපුණතා සංක්‍රමණික ලැයිස්තුවට (Skilled Migration List) අදාළ 2021 ජනවාරි මාසයේ ආරාධනා පත්‍ර වටයේ (Invitation Round) තොරතුරු මේ වන විට ඔස්ට්‍රේලියානු ස්වදේශ කටයුතු දෙපාර්තමේන්තුව නිවේදනය කර තිබේ.
ඔස්ට්‍රේලියාවේ 2020/21 නව මුල්‍ය වර්ෂයේ Skilled වීසා වලට අදාළ පස්වන ආරාධනා පත්‍ර වටය ලෙස මෙය වාර්තා වේ.
Highlights
- 2021 ජනවාරි මාසයේ ආරාධනා පත්‍ර වටයේ දී Skilled Independent වීසා (subclass 189) සඳහා ආරාධනා පත්‍ර 200 ක් නිකුත් කර තිබේ.
- IT සහ Accounting වෘත්තීන් ට අදාළ වෘත්තීන් සඳහා මෙවර කිසිදු ආරාධනා පත්‍රයක් නිකුත් කර නැති බව වාර්තා වේ.
- මෙම කාලය තුළ නිකුත් වී ඇති ආරාධනා පත්‍ර වලින් බහුතරයක් නිකුත් වී ඇත්තේ සෞඛ්‍ය වෘත්තීන් සඳහාය.
2021 ජනවාරි මාසයේ ආරාධනා පත්‍ර වටය
2021 ජනවාරි මාසයේ ආරාධනා පත්‍ර වටයේ දී Skilled Independent වීසා (subclass 189) සඳහා ආරාධනා පත්‍ර 200 ක් ද Skilled Work Regional (Provisional) – Family Sponsored වීසා (subclass 491) සඳහා ආරාධනා පත්‍ර 163 ක් ද නිකුත් කර ඇති බව ඔස්ට්‍රේලියාවේ ස්වදේශ කටයුතු දෙපාර්තමේන්තු නිල වෙබ් අඩවිය වාර්තා කරයි.
කොරෝනා වසංගතයට පෙර සාමන්‍යයෙන් මසකට ආරාධනා පත්‍ර 2500 ක් නිකුත් කෙරුණු නමුත් ඉන් අනතුරුව එම සංඛ්‍යාව බොහෝ සෙයින් කප්පාදු කෙරිණි.
ඒ අනුව බලන කල මෙවර එම ප්‍රමාණය 2137 කින් කප්පාදු කර තිබේ.
එය ප්‍රතිශතයක් ලෙස ගත් කළ 85.5% ක කප්පාදුවකි.
ඔස්ට්‍රේලියාවේ ස්ථිර පදිංචිය අපේක්ෂාවෙන් නිපුණතා සංක්‍රමණික වීසා (Skilled Migration Visa) සඳහා අයදුම් කිරීමට බලාපොරොත්තුවන අයදුම්කරුවන්ට මේ හේතුවෙන් විශාල කාලයක් බලා සිටීමට සිදුව තිබේ.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
ආරාධනා පත්‍ර කප්පාදුවට හේතු
Skilled Independent වීසා (subclass 189) සහ Skilled Work Regional (Provisional) වීසා (subclass 491) – Family Sponsored සඳහා ආරාධනා පත්‍ර කප්පාදුවට ප්‍රධානතම හේතුව පවතින කොරෝනා වසංගතය බව අනුමාන කළ හැකිය.
විශේෂයෙන්ම ඔස්ට්‍රේලියාවේ දේශ සීමා තවමත් වසා දමා ඇති බැවින් විදෙස් රටවල සිටින තාවකාලික හෝ නිපුණතා සංක්‍රමණිකයින් හට තවමත් ඔස්ට්‍රේලියාවට පැමිණීමට අවස්ථාව නොලැබේ.
මේ හේතුවෙන් ඔස්ට්‍රේලියානු 2020/21 අය වැයේදී Skilled වීසා සඳහා තිබෙන වාර්ෂික කෝටාවද සැලකිය යුතු ලෙස අඩු කර ඇත.
ඊට අමතරව සංක්‍රමණිකයින් ඔස්ට්‍රේලියාවේ ප්‍රාදේශීය කලාප වෙත යොමු කිරීම උදෙසා subclass 189 වීසා නිකුත් කිරීම සැලකිය යුතු අඩු කිරීමටද රජය කටයුතු කරමින් සිටින බවත් ඒ වෙනුවට ඔස්ට්‍රේලියාවේ ප්‍රාන්ත හා ටෙරිටරි මගින් ක්‍රියාත්මක වන නිපුණතා සංක්‍රමණික වැඩසටහන් වලින් සැලකිය යුතු ආරාධනා පත්‍ර සංඛ්‍යාවක් නිකුත් කිරීමට ද පියවර ගෙන තිබේ.
Empregadores ameaçaram estudantes de deportação depois que eles pediram por salários devidos Source: Getty Images
IT සහ Accounting සඳහා මෙවරත් ආරාධනා පත්‍ර නැහැ
ඔස්ට්‍රේලියාවේ නිපුණතා සංක්‍රමණික ලැයිස්තුවේ වඩාත් ජනප්‍රියම සහ වැඩිම ඉල්ලුමක් ඇති IT සහ Accounting වෘත්තීන් ට අදාළ වෘත්තීන් සඳහා මෙවර ආරධනා පත්‍ර වටයේ කිසිදු ආරාධනා පත්‍රයක් නිකුත් කර නැති බව ඔස්ට්‍රේලියාවේ ස්වදේශ කටයුතු දෙපාර්තමේන්තු නිල වෙබ් අඩවිය වාර්තා කරයි.
2020/21 මුල්‍ය වර්ෂයේ අවසන් ආරාධනා පත්‍ර වට තුනෙහිම IT සහ Accounting වෘත්තීන් සඳහා කිසිදු ආරාධනා පත්‍රයක් නොලැබුණු තරම්ය.
මෙම කාලය තුළ නිකුත් වී ඇති ආරාධනා පත්‍ර වලින් බහුතරයක් නිකුත් වී ඇත්තේ General Practitione, Medical Practitioner, Psychiatrist, Registered Nurse, Midwife වැනි සෞඛ්‍ය වෘත්තීන් සඳහා බවද පැවසේ.
පිටුවට පිවිස ඔස්ට්‍රේලියාව පිළිබඳ නවතම තොරතුරු දැනගන්න.
