ඔස්ට්‍රේලියාවේ ප්‍රධාන වීසා උප ඛාණ්ඩ වල වීසා අයදුම්පත් සලකා බැලීමේ කාලය සහ ඔස්ට්‍රේලියානු පුරවැසිභාවය පිළිබඳ අයදුම්පත් සලකා බැලීමේ කාලය හෙවත් Global visa and citizenship processing times සෑම මාසයකටම වරක් ස්වදේශ කටයුතු දෙපාර්තමේන්තු වෙබ් අඩවිය හරහා යාවත්කාලීන කරයි.
ඒ පිළිබඳ නවතම යාවත්කාලීන කිරීම 2021 අප්‍රේල් 19 වන දින සිදු කර තිබේ.
Highlights
- ශිෂ්‍ය වීසා (subclass 500) ඛාණ්ඩයේ වීසා අයදුම්පතක් සලකා බැලීමට දින 69 ත් මාස 4 ත් අතර කාලයක් ගතවේ.
- අතර Temporary Graduate (subclass 485) වීසා ඛාණ්ඩයේ වීසා අයදුම්පත් සලකා බැලීමේ කාලය මාස 8 ත් මාස 12 ත් අතර කාලයක් දක්වා දීර්ග වී තිබේ.
- Skilled Independent (subclass 189) වීසා ඛාණ්ඩයේ වීසා අයදුම්පත් සලකා බැලීමට මාස 12 ත් 18 ත් අතර දීර්ග කාලයක් ගතවේ.
ඔස්ට්‍රේලියානු වීසා අයදුම්පත් සලකා බැලීමේ නවතම කාල සීමාවන්
ස්වදේශ කටයුතු දෙපාර්තමේන්තු වෙබ් අඩවියේ ඔස්ට්‍රේලියානු වීසා අයදුම්පත් සලකා බැලීමේ කාලයන් දෙකක් දක්වා ඇත.
- 75% ක අයදුම්පත් සලකා බැලීමේ කාලය
- 90% ක අයදුම්පත් සලකා බැලීමේ කාලය
සෑම මසකම මෙම වීසා අයදුම්පත් සලකා බැලීමේ කාලය වෙනස් විය හැකි බවත් ඊට පහත සඳහන් ප්‍රධාන හේතු බලපෑ හැකි බවත් ස්වදේශ කටයුතු දෙපාර්තමේන්තුව පවසයි.
- ඒ ඒ වීසා ඛාණ්ඩ සඳහා යොමු කළ අයදුම්පත් සංඛ්‍යාව
- වසරේ උච්ඡතම සහ උච්ඡතම නොවන කාල සීමාව (seasonal peaks)
- සංකීර්ණ අයදුම්පත්
- අසම්පූර්ණ අයදුම්පත්
එම හේතු වලට අමතරව කොරෝනා වසංගතය නිසා ද ඇතැම් වීසා අයදුම්පත් සලකා බැලීමට සාමාන්‍ය කාලයට වඩා දීර්ග කාලයක් ගත විය හැකි බවද ස්වදේශ කටයුතු දෙපාර්තමේන්තු වෙබ් අඩවිය නිවේදනය කර ඇත.
ඒ අනුව ඔස්ට්‍රේලියාවේ ප්‍රධාන වීසා ඛාණ්ඩ වල සහ පුරවැසිභාව අයදුම්පත් වල සලකා බැලීමේ කාලය 2021 අප්‍රේල් 19 වන දිනට ස්වදේශ කටයුතු දෙපාර්තමේන්තු වෙබ් අඩවිය වාර්තා කර ඇත්තේ පහත අයුරින්ය.
Australian government announces major visa concessions for temporary graduates stuck offshore. Source: AAP
සංචාරක වීසා
Tourist ඛාණ්ඩයේ (subclass 600) වීසා අයදුම්පත් සලකා බැලීමට මාස 5 ත් 10 ත් අතර කාලයක් ගතවන බව ස්වදේශ කටයුතු දෙපාර්තමේන්තු වෙබ් අඩවිය පවසයි.
එමෙන්ම Sponsored Family ඛාණ්ඩයේ (subclass 600) වීසා අයදුම්පත් සලකා බැලීමට මාස 7 ත් 12 ත් අතර කාලයක් ගතවන බව සඳහන්.
රැකියා සහ නිපුණතා වීසා
Employer Nomination Scheme (subclass 186) වීසා ඛාණ්ඩයේ වීසා අයදුම්පත් සලකා බැලීමට මේ දිනවල මාස 5 ත් 11 ත් අතර කාලයක් ගතවන බව වාර්තා වේ.
එමෙන්ම Skilled Work Regional (provisional) (subclass 491) වීසා ඛාණ්ඩයේ වීසා අයදුම්පත් සලකා බැලීමට මාස 10 ත් 12 ත් අතර කාලයක් ගතවන බව සඳහන්.
මේ අතර Temporary Graduate (subclass 485) වීසා ඛාණ්ඩයේ වීසා අයදුම්පත් සලකා බැලීමේ කාලය මාස 8 ත් මාස 12 ත් අතර කාලයක් දක්වා දීර්ග වී තිබේ.
Skilled Independent (subclass 189) වීසා ඛාණ්ඩයේ වීසා අයදුම්පත් සලකා බැලීමට මාස 12 ත් 18 ත් අතර දීර්ග කාලයක් ගතවන බව ස්වදේශ කටයුතු දෙපාර්තමේන්තු වෙබ් අඩවිය පවසයි.
එමෙන්ම Skilled Nominated (subclass 190) වීසා ඛාණ්ඩයේ වීසා අයදුම්පත් සලකා බැලීමට මාස 12 ත් මාස 14 ත් අතර කාලයක් ගතවන බව සඳහන්.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
ශිෂ්‍ය වීසා
Higher Education Sector Student (subclass 500) වීසා ඛාණ්ඩයේ වීසා අයදුම්පත් සලකා බැලීමට දින 69 ත් මාස 4 ත් අතර කාලයක් ගතවන බව 2021 අප්‍රේල් 19 දිනට යාවත්කාලීන කළ දත්ත අනාවරණය කරයි.
සහකාර වීසා
Partner (Migrant) visa (subclass 100) වීසා ඛාණ්ඩයේ වීසා අයදුම්පත් සලකා බැලීමට මේ දිනවල මාස 17 ත් 21 ත් අතර කාලයක් ගතවන බව වාර්තා වේ.
එමෙන්ම 801 - Partner (subclass 801) වීසා ඛාණ්ඩයේ වීසා අයදුම්පත් සලකා බැලීමට මාස 13 ත් 21 ත් අතර කාලයක් ගතවන බව සඳහන්.
ඔස්ට්‍රේලියානු පුරවැසිභාව අයදුම්පත් සලකා බැලීමේ කාලය
Source: Department of Home Affairs
