ඔස්ට්‍රේලියාවේ මාර්ග ආරක්ෂාව උදෙසා රථ වාහන සහ මගීන් සම්බන්ධයෙන් විවිධ නීති රීති පනවා තිබේ.
එහිදී බොහෝ විට රියදුරු වැරදි සඳහා මෙන්ම වාහන වල වැරදි හා අඩුපාඩු සඳහාද විවිධ දඬුවම් සහ දඩ මුදල් නියම කර තිබේ.
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
නියමිත වේග සීමාවන් ඉක්මවා රිය ධාවනය කිරීම, මාර්ග සංඥා එළි නොතකා රිය ධාවනය කිරීම වැනි වැරදි ඔස්ට්‍රේලියාවේ බහුලවම සිදුවන රියදුරු වැරදි වන අතර ඒවා හේතුවෙන් සෑම ප්‍රාන්තයකම සහ ටෙරිටරියකම පාහේ විශාල ලෙස දඩමුදල් ආදායමක් අදාළ පොලීසි වෙත ලැබෙයි.
නමුත් දැන් ඔබේ වාහනය නිසි පරිදි සෝදා නොමැතිනම් පවා ඔබට පොලීසියෙන් දඩයක් හිමිවන බව දන්නවාද?
Source: Flickr
වාහනය සෝදා නොමැතිනම් දඩ
තම වාහනය නිසි පරිදි නොසෝදා එය මාර්ගයේ ධාවනය කිරීම හේතුවෙන් ඔබට දැන් විශාල දඩ මුදලක් ගෙවීමට සිදුවන බව වාර්තා වේ.
නිව් සවුත් වේල්ස් පොලීසියේ Traffic and Highway Patrol Command නැමති Facebook පිටුවට අනුව නිව් සවුත් වේල්ස් ප්‍රාන්තයේ යම් රියදුරෙකු තම වාහනය නිසි පරිදි නොසෝදා මාර්ගයේ ධාවනය කළහොත් ඔහුට හෝ ඇයට ඩොලර් 448 ක දඩයක් මෙන්ම demerit points 3 ක්ද හිමිවෙයි.
විශේෂයෙන්ම වාහනයේ ලියාපදිංචි අංකය ඇතුළත් අංක තහඩුව පැහැදිලිව තිබිය යුතු බවත් එය අපිරිසිදුව හෝ වෙනත් ආකාරයකින් වැසී නොතිබිය යුතු බවට ඔවුන් අවධාරණය කරයි.
""Not washing your car properly- $448 and 3 points. Don't wash your car and neglect your number plate. Remover the cover."" යනුවෙන් ඔවුන් එම පණිවිඩය Facebook හි ප්‍රකාශ කර තිබේ.
Source: Facebook
වාහන අංක තහඩුව කෙතරම් වැදගත්ද?
ඔස්ට්‍රේලියාවේ සෑම ප්‍රාන්තයකම සහ ටෙරිටරියකම ඕනෑම වාහනයක් ධාවනය සඳහා මාර්ගයට යොමු කිරීමේදී ලියාපදිංචි අංක තහඩුවක් පැහැදිලිව ප්‍රදර්ශනය කරමින් රිය ධාවනය කිරීම ප්‍රධාන නීතියකි.
වාහනයේ යාපදිංචි අංක තහඩුවක් තිබුණද එය පැහැදිලිව දිස් නොවේනම් ඔබට දඩයක් හිමිවීමේ වැඩි සම්භාවිතාවක් පවතී.
නිව් සවුත් වේල්ස් ප්‍රාන්තයේ මාර්ග ආරක්ෂණ සේවාවේ 25 වන වගන්තියට අනුව සියලු වාහන වල ලියාපදිංචි අංක තහඩු පිරිසිදුව තබාගත යුතු අතර ඒවා පැහැදිලිව ප්‍රදර්ශනය කළ යුතු වේ.
එමෙන්ම එම අංක තහඩු කියවීමට අපහසු වන ආකාරයෙන් පවතිනවානම් ඔස්ට්‍රේලියාව තුළ ඒ සඳහාද ඔබට දඩයක් හිමිවීමේ වැඩි සම්භාවිතාවක් පවතී.
Source: Flickr
ලියාපදිංචි වාහන අංක තහඩුවල ඔස්ට්‍රේලියානු ප්‍රමිතිය
- ලියාපදිංචි වාහන අංක තහඩු, වාහනයේ ඉදිරිපස සහ පසුපස ස්ථිර ආකාරයෙන් (permanently fitted) සවි කළ යුතුය.
- ඒවා සැමවිටම වාහනයේ ඇක්සලයට සමාන්තරව සවි කළ යුතු අතර සාමාන්‍යයෙන් පොළොව මට්ටමේ සිට මීටර් 1.3 කට වඩා උස නොවිය යුතුය.
- ලියාපදිංචි වාහන අංක තහඩු අපැහැදිලි හෝ විකෘති නොවී තිබිය යුතුය.
- මීටර් 20 ක් උපරිම දුරකට වාහනයේ ලියාපදිංචි අංක තහඩු පැහැදිලිව දිස් විය යුතුය.
- එමෙන්ම වාහනය දෙපසින් ඕනෑම පෙදෙසක සිට අංශක 45 ක ආනතියකින් බලන කල වුවද ලියාපදිංචි වාහන අංක තහඩු පැහැදිලිව දිස්විය යුතුය.
- ලියාපදිංචි වාහන අංක තහඩු සහ එහි ආවරණ සැමවිටම පිරිසිදුව හා පරාවර්තක නොවන (no reflective) ආකාරයෙන් තිබිය යුතුය.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
