ශ්‍රී ලංකාවේ ඊයේ (21/04) ස්ථාන 8 කදී සිදුවූ බෝම්බ පිපිරීම් සිද්ධි හේතුවෙන් මේ වන විට 228 දෙනෙකු ජීවිතක්ෂයට පත්ව ඇති බවත් 500 කට අධික පිරිසක් තුවාල ලබා ඇති බවත් වාර්තා වේ.
කොළඹ කොච්චි කඩේ දේවස්ථානය, කටාන කටුවාපිටිය දේවස්ථානය, මඩකලපුව සියොන් දේවස්ථානය, කොළඹ ශැන්ගිලා හෝටලය, කොළඹ සිනමන් ග්‍රෑන්ඩ් හෝටලය, කොළඹ කින්ග්ස්බරි හෝටලය, දෙහිවල සහ දෙමටගොඩ යන ස්ථාන අටෙහි මෙම පිපිරීම් සිදුව ඇත.
අදාළ දේවස්ථාන වල ඊයේ පෙරවරුවේ පාස්කු දේව මෙහෙය පවත්වන වෙලාවේ මෙම පිපිරුම් සිදුවී ඇති අතර මේ සියලු පිපිරීම් සංවිධානාත්මකව සිදුකළ පිපිරුම් බවට ආරක්ෂක අංශ සැක කරයි.
එම පිපිරීම් වලින් විදේශිකයන් 32ක් මියගොස් ඇති බවද වාර්තා වේ.
ඔවුන් බෙල්ජියම, චීනය, එක්සත් රාජධානිය හා අමෙරිකාව යන රටවලින් ශ්‍රී ලංකාවට පැමිණි බව සඳහන්.
මේ අතර අනතුරට පත් විදේශිකයන් පිළිබඳ තොරතුරු ලබා ගැනීමට ශ්‍රී ලංකා විදේශ කටයුතු අමාත්‍යාංශයේ විශේෂ ඒකකයක් ද පිහිටුවා ඇති අතර +94112323015 යන දුරකථන අංකයෙන් ඒ පිළිබඳ තොරතුරු දැනගැනීමට හැකිවේ.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
