ශ්‍රී ලංකා වේලාවෙන් අද (21/04) පෙරවරුවේ ස්ථාන 6 ක ඇතිවූ බෝම්බ පිපිරීම් සිද්ධි හේතුවෙන් මිය ගිය විදේශිකයින් අතර ඔස්ට්‍රේලියානුවන් සිටිනවාදැයි යන්න සොයාබැලීමට ශ්‍රී ලංකා බලධාරීන් සමග මේ වන විටත් කටයුතු ආරම්භ කර ඇති බව ඔස්ට්‍රේලියානු විදේශ කටයුතු දෙපාර්තමේන්තුව පවසයි.
අද පෙරවරුවේ ශ්‍රී ලංකාවේ කොළඹ කොච්චි කඩේ දේවස්ථානය, කටාන කටුවාපිටිය දේවස්ථානය, මඩකලපුව සියොන් දේවස්ථානය, කොළඹ ශැන්ගිලා හෝටලය, කොළඹ සිනමන් ග්‍රෑන්ඩ් හෝටලය සහ කොළඹ කින්ග්ස්බරි හෝටලය යන ස්ථාන හයෙහි මෙම පිපිරීම් සිදුව ඇත.
එම පිපිරීම් වලින් මේ වන විට 141 දෙනෙකු ජීවිතක්ෂයට පත්ව ඇති බවත් 500 කට අධික පිරිසක් තුවාල ලබා ඇති බවත් වාර්තා වේ.
කොළඹ හෝටල් තුනෙහි ඇතිවූ පිපිරීම් වලින් විදේශිකයින් 9 දෙනෙකු මේ වන විට ජීවිතක්ෂයට පත්ව ඇති බවත් තවත් විදේශිකයින් 13 දෙනෙකු තුවාල ලබා රෝහල් ගත කර ඇති බවත් කොළඹ ජාතික රෝහල් ආරංචි මාර්ග වාර්තා කරයි.
පිපිරීම් වලින් ජීවිතක්ෂයට පත්වූ සහ තුවාල ලැබූ පිරිස් වෙත ඔස්ට්‍රේලියානු අගමැති ස්කොට් මොරිසන් සහ විපක්ෂ නායක බිල් ශෝටන් සිය ශෝකය පළ කර සිටිති.
----------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
----------------------------------------------------------------------------------------------------
