Hnub Australia Day

Hnub Australia Day yog hnub dab tsi, tseem ceeb li cas thiab yog vim li cas thiaj muaj hnub Australia Day no? Koj ho xav li cas rau hnub Australia Day no xwb? Cov neeg txum tim (Indigineous Australian) ne ho xav li cas rau hnub no xwb?

lamington cake Source: Getty Images

Yuav hu hnub Australia Day no tias yog hnub dab tsi? Muaj ib txhia hu hnub no tias yog hnyiaj ciaj dim los ntawm txoj kev tuag, ib txhia hu ua hnub Australia Day, hnub cov neeg Askiv tuaj nam cov neeg txum tim tej nrim teb nrim chaw, yog hnub tus siab, uas tej zaum ua rau koj yoob tias yog hnub dab tsi tiag. Zaj xov xwm no mam tshab txhais cov keeb kwm thiab lub ntshiab lus ntawm hnub no uas muaj ntau lub npe rau hnub zwj thaj tim 26 lub 1 hlis ntuaj no.

1. Australia Day yog hnub dab tsi?

Australia Day yog ib hnub ntawm Australia haiv neeg nco txog hnub tim 26/01/1788 uas yog hnub Captain Arthur Phillip tuaj txog ntawm Port Jackson thiab mus rau Sydney Cove thiab txhob Askiv tus chij ntawm tebchaws Australia no thawj zaug.

Thaum xub ces yeej hu hnub Australia Day tias yog hnub " Foundation Day" los yog hnub pib rau ntau xyoo thaum ntxov uas cov neeg Askiv tuaj tswj lub xeev New South Wales, tab sis yeej tseem tsis tau tsim lub tebchaws Australia no los txog rau hnub xyoo tshiab xyoo 1901 mam li tsim lub tebchaws Australia no los ua kiag ib lub tebchaws lawm xwb New Year’s Day, 1901.

Tsis tas li no los yeej tau muaj kev sab txog tias yuav teeb tsa ib hnub coj los ua hnub haiv rau tebchaws Australia no rau lub caij xyoo 1900s ces txog xyoo 1935 cov xeev mam li siv hnub Australia Day no lawm xwb. Tab sis txog rau xyoo 1994 kiag xwb tag nrho tebchaws Australia no thiaj tau los koom ua kev zoo siab rau hnub Australia Day uas yog hnub zwj thaj tim 26/01/2017 thiab muab teeb tsa ua ib hnub so rau haiv neeg Australia lawm xwb national public holiday. 

Lub hom phiaj uas kev zoo siab rau hnub no ne ho yog dab tsi?

Yog xam rau pej xeem Australia feem coob lawm ces hnub Australia Day yog ib hnub ua kev zoo siab rau Australia tej kev coj taug kom ua tau lub zoo neej (values), kev twjlij ywj pheej thiab tej keeb kwm dhau los ntawm lub tebchaws no. Tab sis ib txhia kuj xav tias yog hnub pib lub neej tshiab thiab tau ras los ua pej xeem rau lub tebchaws Australia uas muaj txoj kev thaj yeeb nyab xeb thiab kev twj lij ywj pheej. Hos lwm tus ces yuav siv hnub no mus koom zej zog tej koom txoos los yog ci nqaij noj nrog lawv tsev neeg, phooj ywg thiab tej txheeb ze noj ua ke thiab ntau pob cricket ntawm yus tej qab vag tsib taug, cuam thiab txawb khau khiab, tso qav kaws sib tw khiav seb tus twg yeej nrog rau lwm yam koom txoos.

Ntxiv ntawd ces thiaj tau teeb tsa lub koom haum  National Australia Day Council  rau xyoo 1979 los koom tes thiab npaj ntau yam koom txoos uas muab cov khoom plig tshwj xeeb Australia of the Year Awards rau tej pej xeem uas tau ua ib yam hauj lwm dab tsi muaj txiaj ntsim pab thiab pub rau zej tsoom sawv daws.  Yog li lub koom haum no (They state ) hais tias hnub Australia Day no ces yog ib hnub ua kev zoo siab rau lub tebchaws Australia txoj kev vam meej thiab kev tau ras los ua ib tug pej xeem Australia lawm. Yog hnub qhia txog hnub lub teb chaw no tau ua tiav uas tau pab kom lub tebchaws no vam meej thiab yog hnub qhia rau peb kom kub siab los txhim kho lub tebchaws no kom zoo tshaj ntxiv rau lub neej pem suab.

2. Vim li cas thiaj hu hnub Australia Day no tias yog hnub tuaj nam cov neeg txum tim tej nrim teb nrim chaw? (Invasion Day?):

Tseem muaj ib cov neeg uas yog cov neeg txum tim Aboriginal thiab Torres Straight Islander pom tau tias tsis tsim nyog ua kev zoo siab rau hnub tim 26 lub 1 hlis ntuj no vim lawv ntseeg tias yog hnub nco txog cov neeg Askiv tuaj nam nrim txeeb lawv tej nrim teb nrim chaw los yog txeeb lawv lub tebchaws uas lawv yog tus tswv ntawd xwb.

Yog hnub tu siab (A mourning day):

Xyoo 1938 uas yog xyoo nco txog 150 xyoo uas cov neeg Askiv tau tuaj nyob rau lub tebchaws Australia no, ces William Cooper uas yog ib tug tub koom siab ntawm lub koom haum Aboriginal Progressiv Association thiab ib cov neeg tawm tsam tau sib ntsib thiab teeb tsa hnub tus siab thiab mus tawm tsam no 'Day of Mourning and Protest'. 

Yog xam rau feem coob lawm ces yog hnub nco txog Australia cov neeg txum tim Aboriginal and Torres Strait Islander uas raug tsoom hwv Australia tej cai uas xav kom cov neeg txum tim los ua cov neeg Askiv lub neej thiab hnov qab lawv lub neej qub, tej cai tau faib thiab cai lawv tsev neeg coj mus tu los yog coj mus nyob rau lwm qhov tsis tau nyob ua ke, muab lawv tshem tawm ntawm lawv tej tebchaws ib txwm nyob mus rau lwm thaj chaw thiab cai tsis pub lawv coj ntseeg lawv tej kab kis kev cai thiab tsis pub hais lawv tej lus ces thiaj tsim teeb meem piam sij puas ntsoog rau lawv lub cev nqaij daim tawv thiab fab ntsuj plig.

Tsis tas li no los kuj yog hnub lees paub tej tsov rog thiab kev kub ntxhov uas cov neeg txum tim tau tawm tsam sib tua nrog cov neeg Askiv tuaj rau lub caij xyoo 1788 mus txog rau lub caij uas cov neeg Askiv muab cov neeg txum tim tua tuag coob heev xyoo 1928 ntawd (Coniston massacre, 1928).

Nakkiah Lui, uas yog ib tug neeg Gamilaroi  thiab yog cov neeg Torres Strait Islander uas yog tus neeg ua yeeb yam thiab sau dab neeg ua yeeb yam tau sau ib cov lus tawm tswv yim rau phau ntawv xov xwm Guardian  tshab txhai tias yog vim li cas nws thiaj tsis kam ua kev zoo siab rau hnub Australia Day thiab nws xav tias hnub no tsuas yog ib hnub tu siab heev xwb. Nws hais tias:

"Peb tu siab tias cov neeg Askiv tseem muab peb lub tebchaws Australia no tis npe tias yog lub tebchaws tsis muaj tsw (Terra nullius), tuaj txeeb peb liaj ia tebchaws thiab vaj tse, tuaj tua peb tej neeg npog nroj ntsuab thiab tsis lees paub tias peb yog neeg, tuaj muab saw hlau khi peb ua tsheej pab, muab peb ntaus tsub muj tsim txom thiab xa peb coj mus kaw tsev laj cuj thiab coj peb mus nyob rau tej chaw lawv npaj rau peb nyob xwb".

Cov neeg txum tim txoj txoj cai tswj hwm nws lub tebchaws twj lij ywj pheej (Indigenous sovereignty):

Hnub Invasion Day kuj yog ib lub caij nyoog cib fim zoo rau cov neeg txim tim no rov qab los qhia txog lawv txoj cai tswj hwm lawv lub tebchaws txoj kev twj lij ywj pheej thiab. Txhua txhua xyoo ces lawv yeej muaj cov kev tau kev  marches are held hauv Australia cov nroog loj mus tawm tsam tsis pom zoo rau cov kev ua kev zoo siab rau hnub Australia Day no thiab tau nqua hu kom lawv rov qab tau lawv txoj cai tswj hwm twj lij ywj pheej ntawm lub tebchaws no thiab hais kom tau txoj cai ncaj ncees rau cov neeg txum tim Australians (Indigenous Australians).

Xyoo 2013 ces Michael mansell uas yog ib tug neeg tawm tsam thiab yog ib tug kws lij choj tsis pom zoo los lees ua tus laus neeg Australian uas tau txais lub meej mom tshwj xeeb ntawm xyoo (Senior Australian of the Year) ntawm lub xeev Tasmania thiab tau qhia rau phau ntawv xovxwm tias:

"Cov kev ua kev zoo siab rau hnub "Australia Day" no yog ib cov kev ua kev zoo siab nco txog cov kev tuaj nam cov neeg txum tim tej nrim tebchaws uas tau ua rau cov neeg txum tim raug ploj raug tuag kom tu noob xwb yog tseem koom cov kev ua kev zoo siab no thiab ces haj yam ua rau nws cov neeg txum tim muaj kev nyuaj siab ntxhov plawv ntxiv tuaj xwb"

Tsis tas li no Mansell kuj tau nqua hu kom Australia yuav tsum tau los xyuas cov neeg txum tim txoj kev twj lij ywj pheej li yuav tau muab ib cov av faib rau cov neeg txum tim nyob, teeb tsa lawv ib tug tsoom hwv sawv cev rau lawv thiab muaj cov nom sawv cev ntawm ntau pab pawg neeg txum tim los lis huaj lwm hauv cov neeg txum tim lub tsev tsoom hwv (Indigenous Assembly).

3. Vim li cas thiaj hu hnub Australia Day no tias yog hnub tu siab (Day of Mourning?)

Cov neeg txum tim tau xub tsa hnub tu siab (Day of Mourning) ntawm Sydney xyoo 1938 rau cov kev ua kev zoo siab nco txog 150 xyoo uas Askiv thawj cov nkoj tau tuaj nres rau ntawm Sydney Cove.  Ces thiaj muaj neeg mus tawm tsam ntsiag to pib ntawm Town Hall mus rau Australia Hall ntawm txoj kev Elizabeth St uas muaj li ntawm 100 tawm leej tau mus koom ntawd.

Source: Day of mourning 1938 (SBS-NITV)

Day of Mourning 1938

Jack Patten uas yog tus coj ntawm lub koom haum Aborigines Progressives Association thiaj tau los hais cov lus li hauv qab no:

"Peb yog cov neeg sawv cev rau cov neeg txum tim Aborigines hauv tebchaws Australia, peb tau tuaj koom lub rooj koom txheej rau ntawm Australian Hall ntawm nroog Sydney no rau tim 26/01/1938 uas yog hnub tau 150 xyoo uas cov neeg dawb tau tuaj txeeb peb lub tebchaws lawm. Yog li peb thiaj tuaj tawm tsam tsis pom zoo rau cov neeg dawb tej kev ntxub ntxaub tsub muj tsim txom txov txo peb cov neeg rau lub caij 150 dhau los no. Thiab peb xav nqua hu kom haiv neeg Australia tam sim no tsim kom tau tej cai los txhawb nqa peb cov neeg txoj kev kawm txuj kawm ci, tsim cai los tsokwm tu thiab saib xyuas peb cov neeg Aborigines, peb xav kom tsim tsab cai tshiab los txhawb nqa thiab lees paub peb cov neeg lus ua pej xeem ntawm lub tebchaws no thiab tau txais vaj huam sib luag hauv tej neeg zejzog."

Ces nom tswv Australia thiaj tau pom zoo ua tib lub suab los tsim tej cai coj los txhawb nqa thiab pov puag cov neeg txum tim li hais ntawd lawm.

Tom qab tau lis lub rooj koom txheej no tej dej nuam tiav lawm, ces kuj muaj cov neeg mus koom lub rooj sab laj no ntau tus tau mus rau ntawm La Parouse thiab mus tso cov paj uas Perl Gibbs tau npaj tseg coj mus tso ntab rau hiav txwv tam li yog lub chim qhia txog cov neeg txum tim uas raug ploj raug tuag thiab raug tsub muaj tsim txom los tau 150 lub xyoo txij li thaum cov neeg Askiv tau tuaj tswj hwm lub tebchaws Australia no.

Day of Mourning and Protest Source: Day of mourning 1938 (SBS-NITV)

4. Puas tsim nyog hloov hnub Australia Day no mus rau lwm hnub zwj thaj? (Change the Date?):

Vim rau qhov tseem muaj ib txhia pom tau tias cov kev ua kev zoo siab rau hnub Australia Day no tseem yog hnub qhia txog txoj kev tuaj tswj kav lub tebchaws uas tsis yog lus lub ntawd xwb, uas yeej txawv lwm lub tebchaws cov kev ua kev zoo siab rau lawv hnub haiv national day  uas qhia txog lawv txoj kev tau txais kev twj lij ywj pheej thiab yog ib hnub tshwj xeeb ntawd. Piv txwv li tebchaws New Zealand ua kev zoo siab rau hnub Waitangi Day  rau tim 6 lub 2 hlis ntuj coj los nco txog tsab cai Waitangi uas tau kos xyeem mem tes pom zoo ntawm cov neeg Askiv uas tuaj nyob rau lub tebchaws New Zealand thiab cov neeg txum tim Maori ntawm lub tebchaws rau xyoo 1840 ntawd.

Lowitja O’Donoghue ces yog tus neeg tau cov khoom plig ua tus neeg tshwj xeeb (Australian of the Year Award) rau xyoo 1984 tau cog lus tias yuav los sab laj kom hloov tau hnub Australia Day no mus ua lwm zwj thaj (pleaded for dialogue ). Nws hais tias:

"Xav kom peb los nrhiav ib hnub uas ua rau sawv daws mloog tau tias lawv muaj feem koom puv npo nrog thiab txhaus siab hlo los ua kev zoo siab tias peb lub cim thawj yog neeg Australian no.

5. Vim li cas thiaj hu tias yog hnub ciaj dim ntawm txoj kev tuag? (Survival Day?):

Yog hais rau cov neeg txum tim Aboriginal thiab Torres Strait Islander lawm ces hnub Australia Day kuj yog ib lub cib fim zoo rau lawv lees paub txog lawv cov neeg txoj kev ciaj dim los ntawm txoj kev tuag thiab ceev txuag tau lawv tej kab lis kev cai. Txawm yuav tau muaj lwm haiv neeg tsis yog tswv teb chaws tuaj tswj hwm lawv, txawm lawv yuav raug faib cai ntxub ntxaug tsub muaj tsim txom thiab txov txo nrog rau cov kev tsis tau txais vaj huam sib luag los lawv yeej tseem khaw tau thiab lis lawv tej kab lis kev cai txuav ntxiv ua ntuv zus, lawv tseem muaj peev xwm los saib xyuas lawv lub tebchaws thiab tawm tsam kom lub tebchaws no hnov txog lawv lub suab uas tau pab kom lawv ciaj dim ntawm txoj kev tuag thiab tseem muaj txoj siab ua neej nyob ntawd.

Txog xyoo 1988 uas yog txwm rau 200 xyoo uas cov neeg txum tim raug lwm haiv neeg tswj hwm los tau 2 00 xyoo ntawd,ces kuj tau muaj cov neeg txum tim thiab cov neeg tsis yog neeg txum tim tau mus rwg npoj ua ke. Tuas neeg tawm tsam (Activist Gary Foley described ) qhia tias tsis hais tej neeg no yuav yog neeg dub neeg dawb los lawv yeej los sib sau ua ke yam thaj yeeb thiab sawv cev rau tebchaws Australia.

Gustav Nossal spoke uas yog tus neeg nqua hu kom yuav tsum tau los sib kho kom muaj kev sib haum xeeb rau cov neeg dawb thiab cov neeg txum tim thiab yog tus Australian of the Year xyoo 2000 los kuj hais tias hnub Australia Day no ces yog cov kev ua kev zoo siab thiab fim hawm txog cov neeg txum tim thiab lawv tej keeb kwm thiab. Nws hais tias:

'Cov neeg txum tim Indigenous feem coob yeej xav nyob tib lub tebchaws Australia xwb, thiab xav koom lub cim thawj (identity) no, lawv yeej xav muaj feem koom nrog txhim kho lub tebchaws no kom vam meej txuas ntxiv, tab sis lawv kuj xav kom lwm tus lees paub lawv thiab fim hawm lawv lub cim thawj thiab tej kev vam meej tau muaj los tau ntau txheeb xyoo thiab'.

Yog li ces hnub Australia Day tej koom txoos no raws li keeb kwm tau muaj lawm ces nom tswv yeej tsis sab laj nrog tej neeg txum tim hauv zejzog li uas txawv nub Survival Day cov koom txoos uascov neeg txum tim tej neeg zejzog tau xub pib coj los ua kev zoo siab rau tej hauj lwm lawv tau ua tiav thiab ua kev zoo siab rau lawv tej kab lis kev cai. Ces thiaj li muaj ntau cov koom txoos rau hnub Survival Day thoob plaws rau lub tebchaws no ua kev zoo siab rau cov neeg txum tim thiab lawv tej kab lis kev cai thiab lawv txoj kev ciaj dim ntawm kev tuag muaj sia ua lub neej nyob tam sim no.

Mick Dodson uas yog ib tug mekais qhia cai lij choj thiab tau lub meej mom ua tus Australian of the Year xyoo 2009 tau nrog nrog cov neeg muab xovxwm Koori Mail  tham txog tias tej neeg zejzog yeej pom zoo thiab txhawb nqa kom cov neeg Australia lees paub Australia cov neeg txum tim Indigenous people. Nws hais tias "

'Muaj txog 90% ntawm tej zej tsoom yeej hais tias tsim nyog hnub Australia Day yog ib hnub uas muaj cov neeg txum tim Aboriginal thiab Torres Strait Islander tej kab lis kev cai los koom nrog thiab. Yog li no kuv cia siab tias muaj ib hnub twg ces peb yeej yuav xaiv tau ib hnub twg coj los ua hnub Australia Day kom txhua tus pej xeem Australia tau koom thiab"

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.

Puas yog cov teeb meem kub ntxov tau muaj rau lub koom haum NATO, cov tsov rog pej xeem ntwam cov tebchaws Middle East thiab cov kev cov nyom ntawm hiav txwv South China Sea yog ib cov kev ua yeeb yam rau sawv daws saib xwb, lub hom phiaj tiag yog dab tsi?

30 xyoo mam tsim tau cov tshuaj kho tau kab mob cancer tab sis ho yog hom tshuaj dab tsi?:

Centrelink yuav txiav cov nyiaj pab cuam dab tsi rau Australia cov cuab yig xyoo 2017 no:

Koj puas raug tsoom hwv Austrlia lub chaw lis laj fai pab cuam zej tsoom Centrelink tsib nuj nqi?:

Dr. Vam Huas Yaj tawm tsiv yim txog cov teeb meem cov nyom ntawm hiav txwv South China Sea:

Koj puas yog cov neeg txawj txuag nyiaj? Haiv neeg twg txuag tau nyiaj ntau dua yog vim li cas?:

Koj puas tau npaj tswv yim qhia kom tej teej kawm thiab cov lees kais paub pab cawm koj tej me nyuam yog lawv noj zaub mov fab thiab tau cov kab mob hawb pob:

Nom tswv tswj ib puag ncig qhia kom zej tsoom txhob mus ua luam dej ntawm cov ntug hiav txwv muaj cov raj dej qias tsam tsis tau txais kev nyab xeeb rau txoj kev noj qab haus huv:

Puas tseeb li cov kws tshawb fawb tau qhia tias yog koj nyob ze cov kev tsheb loj ces yuav mob tau cov kab mob hlwb ua tem toob (Dementia)?

Mloog tau Kim Vang Xiong cov lus tham txog lub koom txoos coj Hmoob cov cev raug Thaib thiab Suav khawb ntawm Vaj Loog Tsua Wat Thamkrabok mus zais rau ntawm lub zos Lao Ou, Chianrai, Thaib teb tau ntawm no:

Meskas yuav tam tsam yog Suav tsis xaus nws cov kev txhawb dag zog tub rog thiab tsim teeb meem kub ntxhov rau cov kev nam nrim dej nrim av ntawm hiav txwv South China Sea:

Teeb meem faib cai ntxub ntxaug lwm pawg neeg:

2016 yog xyoo muaj yeej rau cov kev tshawb fawb (science):

Mloog Dr. Suav yaj cov lus tawm tswv yim tias yuav daws cov teeb meem cov nyom ntawm Hmoob zaj dab neeg cov nyom uas tej zaum yuav puas Hmoob koob npe li cas tau ntawm no:

Mloog tuam thawj tswj koom haum Hmoob Australia cov lus tawm tswv yim txog Hmoob zaj dab neeg cov nyom ntawm no:

Mloog tau Hmoob tus kwv txawj hais dab neeg seb nws xav li cas rau Hmoob zaj dab neeg cov nyom:

Mloog tau tuam thawj tswj 18 xeem ntawm xeev Minnesota cov kev tawm tswv yim txog Hmoob zaj dab neeg cov nyom:

Mloog tau Dr. Ywj Pheej Xyooj cov lus tawm tswv yim txog cov xwm txheej uas QongChing tus tswv nroog Paj Tawg Lag Wenshan ntawm xeev Yunan hauv Suav tuam tshoj hais lus thuam saib tsis tau kwv tij Hmoob suav thiab cov lus tawm tswv yim txog zaj dab neeg cov nyom hauv Nplog teb tau hauv qab no:

Hmoob zaj dab neeg uas muaj teeb meem cov nyom uas ib tug poj niam Hmoob Hawj hais hauv Nplog teb ua rau puas tsev neeg Hmoob lub koob lub npe tau hauv qab no :

Koj puas pom zoo kom tus neeg American uas yog tus tswj lub tuam txhab Luang Prabang Film Festival thiab tus poj niam Hmoob uas tsim zaj dab neeg cov nyom yuav tsum tshem zaj dab neeg no tawm txhob tso hauv internet ntxiv lawm?

Mloog tau Kim Vang Xiong cov lus tham txog lub koom txoos coj Hmoob cov cev raug Thaib thiab Suav khawb ntawm Vaj Loog Tsua Wat Thamkrabok mus zais rau ntawm lub zos Lao Ou, Chianrai, Thaib teb tau ntawm no:

Meskas yuav tam tsam yog Suav tsis xaus nws cov kev txhawb dag zog tub rog thiab tsim teeb meem kub ntxhov rau cov kev nam nrim dej nrim av ntawm hiav txwv South China Sea:

Teeb meem faib cai ntxub ntxaug lwm pawg neeg:

2016 yog xyoo muaj yeej rau cov kev tshawb fawb (science):

Mloog Dr. Suav yaj cov lus tawm tswv yim tias yuav daws cov teeb meem cov nyom ntawm Hmoob zaj dab neeg cov nyom uas tej zaum yuav puas Hmoob koob npe li cas tau ntawm no:

Mloog tuam thawj tswj koom haum Hmoob Australia cov lus tawm tswv yim txog Hmoob zaj dab neeg cov nyom ntawm no:

Mloog tau Hmoob tus kwv txawj hais dab neeg seb nws xav li cas rau Hmoob zaj dab neeg cov nyom:

Mloog tau tuam thawj tswj 18 xeem ntawm xeev Minnesota cov kev tawm tswv yim txog Hmoob zaj dab neeg cov nyom:

Mloog tau Dr. Ywj Pheej Xyooj cov lus tawm tswv yim txog cov xwm txheej uas QongChing tus tswv nroog Paj Tawg Lag Wenshan ntawm xeev Yunan hauv Suav tuam tshoj hais lus thuam saib tsis tau kwv tij Hmoob suav thiab cov lus tawm tswv yim txog zaj dab neeg cov nyom hauv Nplog teb tau hauv qab no:

Hmoob zaj dab neeg uas muaj teeb meem cov nyom uas ib tug poj niam Hmoob Hawj hais hauv Nplog teb ua rau puas tsev neeg Hmoob lub koob lub npe tau hauv qab no :

Koj puas pom zoo kom tus neeg American uas yog tus tswj lub tuam txhab Luang Prabang Film Festival thiab tus poj niam Hmoob uas tsim zaj dab neeg cov nyom yuav tsum tshem zaj dab neeg no tawm txhob tso hauv internet ntxiv lawm?