Yog tseem nqa khoom txwv tuaj rau Australia ces yuav raug nplua $260,000.

Australia tej cai biosecurity tshiab raug tsim coj los daws tej teeb meem uas pheej muaj neeg nqa nqaij tuaj rau lub teb chaws no yam tsis raug cai.

Senator Murray Watt said the new legislation was in response to a number of recent "disturbing" incidents of people attempting to bring food into the country illegally. Source: AAP / MICK TSIKAS

Ntsiab lus tseem ceeb:

Murray Watt tau uas yog Australia tus nom tswj dej num ua liaj ua teb tau qhia tias cov kev rau txim tshiab no yog ib cov kev rau txim hnyav tshaj plaws rau tej neeg ntiag tug uas ua txhaum Australia tsab cai Biosecurity Act.
Yog leej twg tseem yuam tsab cai no ces tej zaum yuav raug nplua txog li ntawm $266,400 los sis yog yuav raug nplua kiag ntawm chaw txog li $4,440.
Tsab cai tshiab no yog tsim coj los daws tej teeb meem 'txaus txhawj xeeb heev'.

Tej neeg uas raug txheeb tau tias tseem nqa tej zaub mov uas yuav muaj teeb meem rau teb chaws Australia ces yuav raug nplua hnyav heev kiag ntawm thaj chaw lawv raug txheeb tau raws li Australia tej cai biosecurity tshiab uas tau coj los siv, uas yuav ua rau tej neeg raug nplua ntau tuaj ntxiv txog ob npaug thiab yuav raug nplua nyiaj txog li ntawm $260,000.

Murray Watt uas yog Australia tus nom tswj dej num ua liaj ua teb tau qhia tias cov kev raug txim no yog ib cov kev rau txim hnyav tshaj plaws rau tej neeg ntiag tug uas yuam Australia tsab cai Biosecurity Act.

Qhov peb tau ua ces yog nplua yuav laug txog li ob npaug rau tej neeg uas nyiag nqa nqaij los yog nqa lwm yam hauv lawv tej hnab uas yuav muaj teeb meem loj rau Australia.
Australia's Minister for Agriculture Senator Murray Watt.

Oh, duck!: Man trying to bring six kilos of meat into Australia has visa axed

Cov kev yuam tsis ua raws li tsab cai tshiab no yuav ua rau ib tug twg raug nplua nyiaj txog li ntawm $266,400 los yog yuav raug nplua kiag ntawm chaw txog li $4,440.

Qhov peb txheeb tau mas tsis yog tej neeg pheej tsis nco qab qhia txog ib yam dab tsi xwb tab sis tseem muaj ib txhia neeg nyiag nqa tuaj tsis kam qhia rau nom tswv paub thiab.
Australia's Minister for Agriculture Senator Murray Watt.

Nws tau qhia tias cov kev rau txim dhau los ntawd ces yog tej neeg ntiag tug twg tseem nyiag nqa tej khoom yuav tsim tau kev phom sijr au Australia tuaj ces yeej yuav raug txim tib yam li tej neeg ua txhaum me dua thiab.

Tab sis senator Watt tau qhia tias thiaj tau tsim tsab cai tshiab no coj los daws tej xwm txheej 'txaus txhawj xeeb heev' uas tej neeg pheej tseem xav nqa zaub mov tuaj rau lub teb chaws no yam tsis raug cai.

Lub 10 hli ntuj dhau los xyoo 2023 no ces kuj tau muaj ib tug txiv neej nqa 6 kg nqaij tuaj rau ntawm Perth lub tsav dav hlau ntawm Australia no hauv nws lub thawv ntim khoom ces nom tswv thiaj tsis pub visa rau nws siv thiab raug nplua nyiaj $2,700.

'Most expensive Maccas meal': Traveller fined for carrying McMuffins from Indonesia

Tus neg Indonesia no thiaj raug muab xa rov qab, tab sis tej neeg ua liaj ua teb tau nqua hu kom raug txim hnyav tshaj qub ntxiv, li muab tej neeg yuam tsab cai no kaw tsev laj cuj thiab.

Tab sis senator Watt tau hais tias cov kev muab tej neeg kaw tsev laj cuj no yuav daws tsis tau tej teeb meem no.

Raws li kuv xav mas muab lawv xa kiag rov qab xwb zoo dua thiab tsis txhob pub lawv tuaj. Muab nplua thiab muab xa rov qab.
Australia's Minister for Agriculture Senator Murray Watt.

Raws li tau kho dua Australia tsab cai Biosecurity Act, ces tej neeg tswj tej dav hlau thiab tej nkoj uas ua txhaum Australia tsab cai Biosecurity Act ces yuav raug nplua txog li $222,000 rau tej neeg ntiag tug los sis yog nplua txog li $1.1 million rau tej tuam txhab lagluam.

Senator Watt tau qhia tias cov kev kho tsab cai no tshiab yuav pab kom Australia muaj peev xwm hloov tau thiab daws tau tej kev phom sij cuam tshuam txog biosecurity.

Lub 10 hli ntuj 2023 dhau los ntawd ces tsoom fwv teb chaws kuj tau rau txim hnav tshaj qub ntxiv rau tej neeg uas nqa nqaij ntawm ntau cov teb chaws uas pheej muaj tus kab mob xoo pob thiab sawv hlwv rau tej tes taw los yog qhov ncauj rau tej tsiaj txhu, uas yuav ua rau muaj teeb meem loj rau Australia tej lagluam ua liaj ua teb.