Jason Lee uas yog ib tug hluas Hmoob Australia thiab ua hauj lwm tam li ib tug Australian Border Officer hais tias muaj qee yam laj thawj uas tej zaum yuav ua rau koj tsis tau visa siv thaum koj tuaj txog teb chaws Australia.
Nws hais tias yog koj nqa tej khoom txhaum cai tuaj rau Australia no thiab ho tsis sau qhia rau hauv daim ntawv qhia khoom tias koj nqa dab tsi tuaj ces tej zaum koj yuav raug nplua nyiaj thiab raug txim xwb. Tab sis Australia cov neeg ua hauj lwm tswj ciam teb (Australian Border Officers) yuav tsis muaj peev xwm tsis pub visa rau koj siv.
Peb cancel visa tsis tau, yog peb yuav cancel visa mas peb yuav tsum muaj ib qho purpose ib qho reason tias tos peb cancel koj daim visa yog vim li no.Jason Lee
Mr Lee hais tias ''piv txwv li peb txheeb koj lub xov tooj es peb paub tias koj daim visa koj tuaj ntawd tsis pub koj ua hauj lwm, tab sis yog peb tshawb tau tias koj yeej muaj tej ntaub ntawv los yog tej text message hauv koj lub xov tooj tias koj yuav tuaj ua hauj lwm, ces thaum ntawv peb thiaj muaj peev xwm tsis pub visa rau koj siv.''
Ib qho piv txwv ntxiv uas Mr Lee hais ces ''piv xam li koj daim pib dav hlau koj yuav tuaj nyob li ob hlis, tab sis koj nqa nyiaj $100 nyiaj Australia xwb, es koj yuav noj yuav nyob yuav pw li cas tau rau lub caij ob hlis. Thaum ntawd peb thiaj li tshawb ntau. Rau qhov peb paub tias nyob teb chaws no $100 yeej tsis kav koj ob hnub. $100 ntshe tsuas txaus koj ntiav hotel pw ib hmo xwb. Koj yuav ua cas nyob yuav ua cas noj kom txoj lub caij koj yuav rov qab. Thaum ntawd ces peb thiaj li txiav txim hais tias koj tsis muaj nyiaj txaus yuav tuaj pab koj nyob tau ob lub hlis. Peb xav hais tias koj yuav tuaj ua hauj lwm es koj thiaj pab tau koj tus kheej. Thaum ntawd ces peb thiaj li txiav txim muab koj xa rov qab.''
Yog tham txog qhov yuav muab ib tug neeg tuaj rau Australia no xa rov qab vim cuam tshuam txog tej xwm txheej li Mr Lee hais no ces, ib tug neeg tuaj rau Australia yeej yuav pib dav hlau tuaj thiab tej zaum yeej muaj pib rov qab lawm. Yog zoo li ntawd ces tsuas kom lub tuam txhab dav hlau ntawd hloov sij hawm thiab nrhiav dua fij dav hlau tshiab kom muab tus neeg ntawd xa tau rov qab xwb. Tab sis yog tias ho yuav daim tuaj xwb, ces Mr Lee hais tias lub tuam txhab dav hlau coj koj tuaj rau Australia no yog tus yuav tsum tau nrog xyuas kom muab koj xa tau rov qab mus rau koj lub teb chaws.
Ib yam uas Mr Lee xav qhia rau cov kev tij neej tsa Hmoob uas yog yus xav tos yus tej txheeb ze tuaj ces nws hais tias 'Yog yus yog tus tos los yog yus yog tus sponsor tim no, ces yus ua ib daim ntawv rau yus tus neeg ntawd nqa nrog nws tuaj thiaj li tsis daig tom tshav nyob hom. Vim yog lawv tsis muaj nyiaj ces thaum lawv tuaj ces lawv tsuas hais tias lawv tsis muaj nyiaj xwb, yog li ntawd koj (tus sponsor-tus neeg tos) yuav tsum ua daim ntawv support tias kuv yog leej twg, npe hu li cas, xov tooj yog li no, kuv tus neeg no tuaj mas nws yuav tuaj nyob hauv kuv tsev,
thiab kuv yog tus yuav saib xyuas txhua yam, suav cov kev noj haus tib si. Ces lawv (nom tswv) thiaj tseeg tias nws yog ib tug neeg tourist (neeg ntoj ncig - neeg ncig teb chaws) tiag tiag.
Tiam sis yog tuaj txog tom tshav nyob hoom, es peb nug tus Hmoob no, nws tsis qhia rau peb tias nws yuav tuaj nyob hauv nod, nws cov neeg tim nod yeej yuav take care nws txhua yam, yog nws tsis qhia li ntawd ces nws yuav mag xa rov qab od.Jason Lee
Jason Lee hais tias ''Thiab ib qho kuv pom lawm ces cov Hmoob tuaj lawv pheej tuaj ua teb kom lawv xyuam xim, yog peb txhom tau ces lawv yuav raug xa rov qab thiab yuav tsis pub rov qab tuaj rau Australia rau lub sij hawm 3 lub xyoos.''
Tab sis ho yuav muaj teeb meem dab tsi rau tus neeg tos los yog tus neeg raug muab xa rov qab ntawd?
Cov tos mas tsis tshua muaj teeb meem, tab sis cov tos mas nyob hauv peb qhov record lawm nas. Ces txhua zaus nws tos, npe tawm hauv peb lub computer ces tej zaum yuav nyuab nas. Tus neeg tom ntej nws yuav tos yuav nyuab. Cov npe uas nws tos tuaj los lwm hnub ces lawv yuav ua visa nyuab thiab. Qhov no yog qhov kuv lam hais rau Hmoob, kom yuav ua dab tsi yus tuaj es yus daim visa tsis pub ua (hauj lwm) kom yus xyuam xim me ntsis tsam lawv (nom tswv) tsis pub tuaj lawm.Jason Lee
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
