Tej khoom uas tej zaum yuav ua rau koj raug xa rov qab thaum koj tuaj txog Australia

Yog tias koj yuam Australia tej cai tswj cov kev txheeb thiab tshawb ntawm ciam teb ntawm Australia ces tej zaum koj kuj yuav raug nplua, raug rau txim kaw tsev laj cuj thiab muaj qee zaus ces kuj yuav raug ntiab thiab xa tawm ntawm Australia rov qab mus rau koj lub teb chaws los kuj tau.

Australia is notoriously strict when it comes to going through customs at the airport, with rules about what can be brought in. But some people still try to push the limits. Source: Getty / Mark Evans

Ntsiab lus tseem ceeb ntawm zaj xov xwm no:

• Australia muaj ib cov cai tswj ciam teb nruj tshaj plaws hauv ntiaj teb no.
• Muaj ntau yam cai uas txwv thiab pub koj nqa tau dab tsi tuaj rau Australia yog ib cov kev pov puag Australia tej nroj tsuag xyoo ntoo thiab tsiaj txhu xwb.
• Kuj tau muaj tej zaub mov noj hauv dav hlau, nqaij qhuav, thiab tej nas ncuav tseem ciaj tau ua rau ib txhia neeg raug txim vim ua txhaum Australia tej cai tswj ciam teb thiab.

Kom koj xav tias yus twg ncig ntuj txog nrab ke tab sis ho tsis pub mus rau ib lub teb chaws twg thiab raug xa rov qab vim yus nqa ib cov nqaij qhuav nrog yus yuav zoo li cas.

Tau muaj tej xwm txheej no tshwm sim rau ib tug txiv neej neeg Spainish uas nws tau nqa nqaij qhuav thiab cov mis nyuj khov nrog nws tuaj ces thiaj ua rau nws muab xa rov qab mus tsev thaum ntxov lub li no lawm.

Tej neeg tuaj rau teb chaws Australia no yuav tau sau ib daim ntawm hu ua - incoming passenger card - uas qhia rau nom tswv paub tias ib tug neeg twg nqa khoom dab tsi nrog lawv tuaj rau lub teb chaws no.

Thaum sau daim ntawd no lawm, ces teh neeg ntoj ncig qhia rau nom tswv paub tias lawv nqa khoom dab tsi nrog lawv tuaj.

Tab sis vim Australia yog lub teb chaws uas muaj qee cov cai tswj ciam teb nruj tshaj plaws hauv ntiaj teb no uas yeej tau teev tias tsuas puab koj nqa tau dab tsi tuaj thiab tsis pub koj nqa dab tsi nrog koj tuaj?

Tsiaj txhu

Ntau cov kev txwv uas tau txwv tias tsuas pub nqa tau dab tsi tuaj rau teb chaws Australia no tsuas yog xav pov puag Australia tej nroj tsuag xyoob ntoo thiab nws tej tsiaj txhu ntawm lub tebchaws no xwb, ces thiaj li muaj cov kev tswj tej no nruj heev kom tsis txhob muaj tej kab mob los yog tej kab tej ntsaum coj tuaj tau rau teb chaws no.

Tau muaj ib tug kis ntawm lub tuam chav tswj dej num cog qoob loo yeej tau hais lus rau ib cov xwm txheej tau tshwm sim rau xyoo 2018 dhau los uas ua rau sawv daws ceeb thiab yog tej xwm txheej uas cuam tshuam nrog tej neeg ua hauj lwm tswj kab mob thiab tej taug tshuaj ntawm Australia tej tshav dav hlau ua tau pom muaj dhau los.

Tau muaj ib tug neeg uas nyob teb chaws Australia no zais thiab nqa ib co nas ncuav ciaj hauv nws lub cev ntawm Bali los rau Brisbane.

A man travelling home to Australia from Bali was found with a squirrel. Source: Getty / NurPhoto

“Tej zaum nas ncuav kuj yuav muaj peev xwm kis tau kab mob dev vwm - uas yeej pom muaj tej xwm txheej no ntawm Bali (Indonesia) - thiab yog tias ho coj tau tus kab mob no los rau teb chaws Australia, ces yuav ua rau muaj teeb meem rau tej neeg thiab tej tsiaj txhu ntawm lub teb chaws no loj heev li,'' raws li Dr Chris Walker ntawm lub tuam chav tswj dej num cog qoob loo tau tawm tswv yim rau xyoo 2021 thaum uas txheeb tau ntau qee yam xwm txheej no.

Ces thiaj muab tus txiv neej uas nqa tus nas ncuav los rau Australia no kaw 1 xyoos 6 hli thiab tseem muaj lus zoj kho nws ntxiv tias kom nws yuav tsum coj cwj pwm zoo rau lub sij hawm 5 xyoos thiab mas thia li yuav muab nws tso kiag tom qab txim tag lawm.

Zaub mov

Yeej tso cai rau tej neeg nqa tau qee yam zaub mov tuaj rau Australia tau yog tias yog tej uas nom tswv pub nqa tuaj tau.

Txawm tias tej nqaij qhuav uas tej tuam txhab muag khoom ua cov tsim coj los muag rau sawv daws noj ntawd yuav tau txais kev tso cai nqa tau tuaj, los yog tias cov nqaij qhuav ntawv yog nqaij npuas ua ces tej neeg tswj ciam teb yeej tsis pub kom tej nqaij no hla dhau ntawm lawv mus kiag li.

Tab sis kuj yog tej yam txawv thiab uas kuj nqa tau ib txhia nqaij ntawm teb chaws New Zealand tuaj tau rau lub teb chaws no thiab yog tias tej cai tso cai nqa tau tuaj, tab sis ho tsis pub nqa tej zaub mov noj hauv dav hlau tuaj.

Tau muaj ob tug neeg ua hauj lwm ntawm tshav dab hlau paub txog tej xwm txheej no thaum nkawv ua hauj lwm tam li yog cov fligh enfineers ntawm tshav dav hlau Brisbane Airport xyoo 2022 thiab tau coj Australia tsab cai Customs Act coj los siv. Ces nkawv thiaj tau muab tej zaub mov ntawm pej kum haiv tej dav hlau tshem pov tseg lawm.

Kuj tau muaj ib tug txiv neej raug ntuas thiab ceeb toom vim lawv txheeb tau tias nws nqa tej khoom noj puv nkaus hauv nws lub hnab kheej uas yeej muaj tej mov mog (khaub cij), tej khoom noj txom ncauj qhuav (qhos yaj ywm kib etc.,) chocolates, yogurt thiab tej khoom noj hauv dav hlau uas muaj nqaij xyaw.

The airport worker found with these plane food items in a duffle bag risked a fine of thousands of dollars. Source: Supplied / Australian Border Force

Yav tag los mas tej neeg yuav raug nplua nyiaj txog li $111,000 yog tias tseem nqa tej khoom noj li hais ntawd nrog lawv tuaj.

Ntxiv ntawd los kuj muaj ib tug txiv neej raug nplua nyiaj txog li $3,300 vim nws tau ib pob khoom noj qab zib ntawm cov neeg ua hauj lwm uas faib rau tej neeg noj hauv ib lub dav hlau ntawd.

Nws kuj raug liam tias nws tau muab pob khoom noj ntawd pov tseg rau ib lub thoob rau khoom seem txheej (thoob khib nyiab) thaum muaj ib tug neeg ua hauj lwm nrog nws ua ke nug tias seb puas yog nws tau nqa pob khoom noj li hais ntawd nrog nws.

Tej khoom uas xuas xyoob ntoo ua

Nyob rau xyoo 2020 ua ntej uas Australia yuav kaw ciam teb tsis pub pej kum haiv tuaj vim tseem muaj kab mob sib kis ntawd ces, muaj ob tug neeg kuj raug txheeb pom tias nqa txiv kab ntxwv uas muaj kab mob uas tej zaum yuav ua rau muaj teeb meem loj rau Australia cov lagluam cog txiv kab ntxwv tau.

Kuj muaj ib tug nqa cov kua txiv qaub ib kilogram hos ib tug ces nqa cov tawv txiv kab ntxwv siab qhuav, uas tej khoom no raug txheeb tau tias muaj kab mob.

Ces thiaj muab tej khoom no txov pov tseg tag lawm, tab sis vim ob tug neeg no tau sau ntawv qhia tias lawv nqa dab tsi tuaj, ces nawv thiaj tsis raug nplua los yog tsis raug rau txim dab tsi xwb.

Luam yeeb

Xyoo 2019 ntawd ces tau muaj 8 tus txiv neej neeg Suav tau nqa 170,000 pob luam yeeb tuaj rau Australia yam tsis qhia rau nom tswv paub thiab kuj tau muaj xov xwm tshaj tawm tias nom tswv tsis pub tej neeg no nkag los rau teb chaws Australia.

Txawm tias yeej muaj peev xwm nqa tau tej luam yeeb thiab cawv me ntsis nrog yus yam tsis tau them se (stamp duty free), los yuav tsum tau qhia tias koj nqa tej khoom no nrog koj - uas yog tej yam uas tej txiv neej neeg Suav no tsis qhia rau nom tswv paub.

A list of items travellers must declare on entry. Source: SBS

Tej neeg ntoj ncig (neeg ncig teb chaws) hnoob nyoog tshaj 18 xyoo muaj peev xwm nqa tau ib pob luam yeeb muaj 25 tug uas tsis tau tev nrog rau ib pob ntxiv uas tev haus lawm nrog lawv tau.

Tej hais no thiaj xam tias yog cov khoom uas tsis tau them se (duty free) uas pub nqa tau xwb, yog tias ib tug twg nqa ntau tshaj ntawd lawm ces yuav tsum tau them se.

Thaum uas koj qhia koj tej khoom

Tej zaum tej neeg ncig teb chaws kuj yuav raug nplua los yog raug rau txim tau thiab yog nom tswv txheeb tau tias lawv tsis teev tej khoom uas lawv nqa tuaj ntawd rau hauv daim ntawv incoming passenger card.

Tej neeg ua hauj lwm tswj thiab txheeb khoom ntawm tshav dav hlau kuj yuav nug ntau yam lus nug txog tej khoom ntawd, los sis yog tej neeg ua hauj lwm tswj kev ruaj ntseg txog kab mob ntawd kuj yuav coj tej khoom ntawd mus txheeb xyuas los kuj tau.

Txawm li cas los feem ntau ces lawv yeej yuav thim tej khoom yus teev/qhia rau nom tswv paub no rov qab rau yus tom qab lawv coj mus txheeb xyuas tas lawm.

Muaj qee zaus ces tej ntoo uas coj los txua thiab txausg ua ib yam dab tsi ntawd kuj yuav rau coj mus tsau tshuaj kom tau txais kev nyab xeeb, tab sis muaj qee zaus ces muaj ib cov khoom no yeej tsis pub nqa nkag rau teb chaws Australia hlo li.

Yog tias tej neeg ua hauj lwm ntawm tshav dav hlau uas txheeb tej khoom no tshawb pom tej khoom no ces tej zaum lawv kuj yuav muab tej khoom no xa tawm txawv teb chaws los sis yog kuj yuav muab coj mus txov pov tseg lawm.

Tsis tas li no los kuj muaj ib cov thoob rau khoom seem txheej (thoob khib nyiab) rau ntawm tej chaw tawm thiab tos caij dav hlau rau tej neeg pov tej khoom no rau ntawm tshav dav hlau yog tias lawv tsis xav tau yam khoom lawv nqa tuaj ntawd lawm.