ඔස්ට්‍රේලියාවේ මහ මැතිවරණය එළඹෙන මැයි 21 වනදා පැවැත්වීමට නියමිතය.
ඔස්ට්‍රේලියාවේ මහ මැතිවරණය ක්‍රියාත්මක වන්නේ මනාප ඡන්ද ක්‍රමය යටතේ වන අතර කුඩා පක්ෂවල සංඛ්‍යාව සහ විවිධත්වය පිළිබිඹු කිරීමට ඒ හරහා ඉඩ සලසයි.
එය ඇමෙරිකා එක්සත් ජනපදය, එක්සත් රාජධානිය, කැනඩාව සහ ඉන්දියාව ඇතුළු රටවල භාවිතා කරන ලද පළමු අතීත ඡන්ද ක්‍රමයට වඩා වෙනස් වේ.
Highlights
- පාර්ලිමේන්තුවේ සභා දෙක වන පහළ මන්ත්‍රණ සභාව සහ සෙනට් සභාව තෝරා ගන්නා මනාප ඡන්ද ක්‍රම දෙකක් තිබේ.
- ඔබට ලැබෙන පහළ මන්ත්‍රණ සභාවේ ඡන්ද පත්‍රිකාව කොළ පැහැයෙන් යුක්ත වන අතර සෙනෙට් සභා ඡන්ද පත්‍රිකාව සුදු පැහැයෙන් යුක්ත වේ.
- අපේක්ෂකයෙකුට ඉදිරියෙන් අංක එක සටහන් කිරීම පළමු මනාපය හෝ මූලික ඡන්දය ලෙස සැලකේ.
මනාප ඡන්දය යනු කුමක්ද?
මෙය ඔස්ට්‍රේලියාවට බොහෝ දුරට අනන්‍ය වූ ක්‍රමයකි.
මනාප ඡන්ද ප්‍රකාශ කිරීම සඳහා පුරවැසියන්ට ඔවුන්ගේ මනාපයන් අනුව, පාර්ලිමේන්තු මන්ත්‍රී මණ්ඩල දෙක සඳහා ඔවුන්ගේ ඡන්ද පත්‍රිකාවේ සියලුම අපේක්ෂකයින්ව තනි තනිව අංක කර ශ්‍රේණිගත කිරීම අවශ්‍ය වේ.
එය භාවිතා කරනුයේ පළමු මනාප මත පදනම්ව කිසිඳු අපේක්ෂකයෙකු හෝ පක්ෂයක් සම්පූර්ණයෙන් ජයග්‍රහණය නොකරන විටය.
අවසානයේදී, ඡන්ද හිඟයක් හේතුවෙන් ඔවුන්ගේ පළමු අපේක්ෂකයා තේරීම ඉවත් කළද, පුද්ගලයෙකුගේ ඡන්දය තවමත් ගණන් කළ හැකි බව එය පවසයි.
මෙයින් අදහස් වන්නේ පාර්ලිමේන්තුවේ ඔබ වඩාත්ම කැමති හෝ ඔබට වඩාත්ම අවශ්‍ය අය අනුව හෝ ඔබේ අඩුම ප්‍රියතම උදවිය අනුව අපේක්ෂකයින් ශ්‍රේණිගත කළ හැකි බව ඔස්ට්‍රේලියානු මැතිවරණ කොමිසමේ (AEC) ප්‍රකාශක Evan Ekin-Smyth, SBS පුවත් වෙත පැවසීය.
මෙය ක්‍රියා කරන්නේ කෙසේද?
ඡන්දය භාවිත කිරීමේදී ඔබට ලැබෙන පහළ මන්ත්‍රණ සභාවේ ඡන්ද පත්‍රිකාව කොළ පැහැයෙන් යුක්ත වන අතර සෙනෙට් සභා ඡන්ද පත්‍රිකාව සුදු පැහැයෙන් යුක්ත වේ.
අපේක්ෂකයෙකුට ඉදිරියෙන් අංක එක සටහන් කිරීම පළමු මනාපය හෝ මූලික ඡන්දය ලෙස සැලකේ.
කිසිදු අපේක්ෂකයෙකු ප්‍රාථමික ඡන්දවලින් පැහැදිලි බහුතරයක් ලබා නොගන්නේ නම්, අඩුම ඡන්ද සහිත අපේක්ෂකයා ගණන් කිරීමෙන් ඉවත් කරනු ලැබේ.
මෙම බැහැර කරන ලද අපේක්ෂකයාගේ ඡන්ද සෑම ඡන්ද පත්‍රිකාවකම අංක දෙක ඇති අපේක්ෂකයාට මාරු කරනු ලැබේ.
එක් අපේක්ෂකයෙකුට ප්‍රකාශිත විධිමත් ඡන්දවලින් අඩකට වඩා හෝ පැහැදිලි බහුතරයක් ලැබෙන තෙක් හෝ මෙම ගණන් කිරීමේ ක්‍රියාවලිය දිගටම සිදුකරයි.
ඩිජිටල් සහ සමාජ මාධ්‍ය ජාලයන්හි අපගේ SBS සිංහල සේවය හා සම්බන්ධ වීමට:
SBS Radio App: හෝ වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
පහළ මන්ත්‍රණ සභාව
පාර්ලිමේන්තුවේ සභා දෙක වන පහළ මන්ත්‍රණ සභාව සහ සෙනට් සභාව තෝරා ගන්නා මනාප ඡන්ද ක්‍රම දෙකක් තිබේ.
පහළ මන්ත්‍රණ සභාව තුළ එක් එක් කොට්ටාසය සඳහා තනි නියෝජිතයෙකු බැගින් තේරී පත් වේ. ඡන්දදායකයා තම කැමැත්ත අනුව අපේක්ෂයාගේ නමට ඉදිරියෙන් ඇති කොටුවල සරලව අංක යෙදිය යුතුය.
සෙනට් සභාව
සෙනෙට් සභාවේදී, එක් එක් ප්‍රාන්තය සඳහා බහු නියෝජිතයන් තෝරා ගනු ලබන අතර එය තරමක් සංකීර්ණ වේ.
ඡන්දදායකයාට ඡන්ද පත්‍රිකාවේ රේඛාවට ඉහළින් (above the line) ලැයිස්තුගත කර ඇති පක්ෂ ශ්‍රේණිගත කළ හැකි තේරීම් දෙකක් ඇත.
විකල්පයක් ලෙස, ඔවුන්ට රේඛාවට පහළින් (below the line) ලැයිස්තුගත කර ඇති සියලුම තනි අපේක්ෂකයින්ට අංක ලබා දිය හැකිය.
ඔබ රේඛාවට ඉහළින් ඡන්දය දෙන්නේ නම්, ඔබ අවම වශයෙන් කොටු හයක්වත් අංක කිරීමට අවශ්‍ය වනු ඇත. පක්ෂයේ ප්‍රකාශිත මනාප අනුමත කරමින් ඔබගේ ඡන්දය සමග ලබාදුන් මනාප තවමත් වලංගු වන අතර, එම ඡන්ද පාලනය කිරීමට පක්ෂයටම ඉඩ සලසයි.
රේඛාවට පහළින් ඡන්දය ප්‍රකාශ කිරීම වඩාත් සංකීර්ණ සහ කාලය ගතවන අතර, ඡන්ද දායකයා අවම වශයෙන් අපේක්ෂකයින් දොළහක්වත් ඉදිරියේ අංක යෙදිය යුතුවේ.
