පසුගිය මාස කිහිපය තුළ සිට ඔස්ට්‍රේලියාවේ නිවාස වෙළෙඳ පොළ කඩා වැටෙමින් පවතින බව දේපළ වෙළෙඳාම් ක්ෂේත්‍රයේ ප්‍රවීණයින් මෙන්ම බැංකු හා මුල්‍ය අංශ ප්‍රවීණයින් පවසයි.
ඒ සඳහා ප්‍රධාන හේතු කිහිපයක්ම පවතින අතර මෙහි ප්‍රතිඵලයක් ලෙස නිවාස ණය ලබා ගැනීමේ ප්‍රමාණය පහළ බැසීම සහ නිවාස අලෙවිය පහත බැසීම කැපී පෙනෙන සිදුවීම් වේ.
Source: AAP
නව නිවාස අලෙවි කිරීමට අපහසු වෙයි.
ඔස්ට්‍රේලියාව තුළ ඉදිකෙරෙන නව නිවාස අලෙවි කරගැනීමේ දැඩි අපහසුවක් පවතින බව news.com.au වෙබ් අඩවිය වාර්තා කරයි.
ඔස්ට්‍රේලියාවේ නිවාස හා දේපළ වෙළෙඳ පොළ පිළිබඳ සිදුකළ සමීක්ෂණ වලින් ලබාගත් තොරතුරු විශ්ලේෂණය කිරීමෙන් Realestate.com.au වෙබ් අඩවිය හෙළිදරව් කලනවත්ම දත්ත ඇසුරෙන් මේ බව පෙනී ගොස් තිබේ.
එම දත්ත වලට අනුව ඔස්ට්‍රේලියාව තුළ ඉදි කළ නව නිවාස අලෙවි කරගැනීම සඳහා ඉතා දීර්ග කාලයක් බලා සිවීමට අලෙවිකරුවන්ට සිදුව තිබේ.
උදාහරණයක් ලෙස Canberra කලාපයේ Gungahlin දිස්ත්‍රික්කයේ Moncrieff උප නගරයේ අලුතින් ඉදි කළ ඇතැම් නිවාස අලෙව් කරගැනීමට නොහැකිව මේ වන විට මාස ගණනාවක් ගතවී ඇත.
$755,000 කට වැනි මුදලකට අලෙවි කිරීමට දැමූ නිවාසයක් 2017 ජුලි මාසයේ සිට තවමත් අලෙවි කරගැනීමට නොහැකිවී පවතී.
Source: AAP
නිවාස වල මිල තවත් පහළට
ඔස්ට්‍රේලියානු වෙළෙඳ පොළේ මිල ගණන් පහත බැසීම නිසා මේ තත්ත්වය ඇතිවී ඇති නමුත් මෙය පළමු නිවාසය මිලට ගන්නන් හට කදිම අවස්ථාවක් බව realestate.com.au වෙබ් අඩවියේ ප්‍රධාන ආර්ථික විද්‍යාඥ Nerida Conisbee පැවසුවාය.
ඉදිරියටත් නොකඩවා නිවාස මිල පහත බසිනු ඇති බවත් එනිසාම ඉහළ ඉල්ලුමක් හා මිල ගණන් තිබෙන ප්‍රදේශ වලින් දැනට නිවාසයක් මිලට නොගෙන සිටීම වඩා සුදුසු බවත් ඇය පෙන්වා දුන්නාය.
ඔස්ට්‍රේලියානු නිවාස වෙළෙඳපොළේ ප්‍රධාන ස්ථානයක් ගන්නා සිඩ්නි හා මෙල්බර්න් නිවාස වෙළෙඳ පොළ මෙන්ම බ්‍රිස්බන්, පර්ත් නිවාස වෙළෙඳපොළ වලද මේ තත්ත්වය බොහෝ දුරට සමාන බව සඳහන්.
නමුත් ටස්මේනියා දේපළ වෙළෙඳපොල ඉතා ශීග්‍රයෙන් ඉහළ යන බවත් Rokeby වැනි Hobart කලාපයේ උප නගර වල මේ තත්ත්වය තීව්‍රව දැකිය හැකි බවත් ආර්ථික විද්‍යාඥ Nerida Conisbee පැවසුවාය.
Source: AAP
නිවාස වෙන්දේසි සඳහා ඔස්ට්‍රේලියාවේ දුර්වලම නගර
ඔස්ට්‍රේලියාවේ නිවාස අලෙවි කරන ප්‍රධානතම ක්‍රමයක් වන නිවාස වෙන්දේසි සඳහා ඔස්ට්‍රේලියාවේ දුර්වලම නගර පිළිබඳ සිදු කළ සමීක්ෂණයකින් CoreLogic ආයතනය නවතම වාර්තාවක් සකස් කර තිබේ.
එහිදී වැඩි වශයෙන්ම හසුවී ඇත්තේ සිඩ්නි, මෙල්බර්න් සහ බ්‍රිස්බන් කලාප වල උප නගරය.
වෙන්දේසියකදී නිවසක් අලෙවි කරගැනීමට දැඩි ලෙස නොහැකි බොහෝ කාලයක් ඒ සඳහා බලා සිටිය යුතු නගරය ලෙස සිඩ්නි කලාපයේ Kellyville නම් කර තිබේ.
එම ලැයිස්තුවේ ඊළඟ උප නගර දෙකද සිඩ්නි කලාපයෙන් වාර්තා වන අතර ඒවා පිළිවෙලින් Miranda සහ parramatta වේ.
--------------------------------------------------------------------------------------------------------
AUSTRALIA’S WORST PERFORMING SUBURBS Source: Facebook
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
