Ua hauj lwm ntawm tsev thiab ua hauj lwm ntawm chaw ua hauj lwm

Yuav ua hauj lwm ntawm chaw ua hauj lwm los yog ua hauj lwm ntawm tsev zoo dua?

Ib tug neeg ua hauj lwm ntawm tsev Credit: Joe Giddens/PA/Alamy

Tau muaj ib txhia koom haum pheej xav yuam kom tej neeg ua hauj lwm rov qab mus ua hauj lwm ntawm tej chaw ua hauj lwm, tab sis kuj muaj ib txhia tseem cia lawv tej neeg ua hauj lwm ib nrab tom tsev thiab ua ib nrab ntawm tej chaw ua hauj lwm. Tab sis ho yuav tau txais txiaj ntsim dab tsi los ntawm cov kev ua hauj lwm ntawm tsev thiab rov qab mus ua hauj lwm ntawm tej chaw ua hauj lwm?

Ib txhia tswv lagluam kuj siv cov tswv yim los khuj tias yuav txiav nyiaj hauj lwm rau tej neeg tsis mus ua hauj lwm ntawm tej chaw ua hauj lwm ntawm tej chaw ua hauj lwm, tab sis lwm cov ces kuj siv tswv yim lwm yam ntxias li npaj su thiab dej haus rau tej neeg kom rov qab mus ua hauj lwm rau tom tej hauj lwm.

Muaj ib txhia tswv lagluaj hais tias ''cov kev rov qab mus ua hauj lwm ntawm tej chaw ua hauj lwm yuav ua tau hauj lwm zoo dua, thiab tau koom nrog lwm tus ua hauj lwm, vim yuav tau ntau yam laj lim tswv yim zoo dua.''

Hos lwm cov ces hais tias ''tej neeg ua hauj lwm yeej xav ua ib nrab tom tsev ib nrab ntawm chaw ua hauj lwm.''

Tab sis Dr Ruchi Sinha uas yog ib tug associate professor uas paub zoo txog tej koom haum tej cwj pwm ntawm tsev kawm qib siab

University of South Australia lub teej kawm lagluam hais tias ''Yeej tsis muaj peev xwm qhia tau qhov sib txawv ntawm cov kev ua hauj lwm ntawm tsev thiab ntawm chaw ua hauj lwm. Rau qhov tej neeg yeej muaj peev xwm ua tau hauj lwm ntawm tsev, yam tsis tas koom nrog lwm tus los tau. Thiab yuav pab kom lawv txuag tau sij hawm thiab tab meeg ua hauj lwm tau zoo dua.''

Nicholas Bloom uas yog ib tug kws paub zoo txog tej hauj lwm no ntawm Stanford University Department of Economics hais tias ''raws li tau nrog ntau lub tuam txhab loj li Google, Microsoft, Apple thiab ntau cov tuam txhab lagluam start-ups tham, ces lawv hais tias cov kev kho tej technology kom zoo tuaj ntxiv yuav pab kom tej neeg ua hauj lwm ntawm tej chaw ua hauj lwm ntau tuaj ntxiv kom khwv tau nyiaj txiaj. Ces tej zaum kuj yuav pom tias ntev tom ntej no yuav muaj neeg ua hauj lwm ntawm tsev ntau tuaj ntxiv.''

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.