Ntsiab lus tseem ceeb:
- Muaj peb lub txoj xub ke rau koj muag tsheb ntawm Australia li: koj muag rau lwm tus, muab rau dealer pab muag, los yog auction.
- Yog koj muag koj xwb ces yuav tau txheeb tus nqe muag, seb puas kho lub tsheb ntawd tso, vim muaj ib txhia xeev yeej hais kom yuav tsum muaj daim ntawd roadworthy certificate.
- Tej chaw teev zwm tsheb siv ntawm koj lub xeev yeej xav kom koj hloov npe ua tswv tsheb rau lwm tus thaum koj muag koj lub tsheb.
Yeej muaj tej neeg coob heev xav yuav tsheb coob heev yog tias koj yog ib tug neeg uas muag tej tsheb uas yus twg siv ib ntus lawm ntawm Australia.
Raws li tau muaj , ces pom tias muaj tej tsheb uas tej neeg twb siv lawm coj mus muag ntau txog li ntawm peb npaug ntawm tej tsheb tshiab uas muag ntawm Australia no.
Tab sis ho yuav muag koj lub tsheb li cas?
Raws li Kathy Townsend uas yog tus tswj cov hauj lwm Ragulatory Engagement ntawm lub New South Wales lub koom haum Fair Trading hais tias thawj yam ces yuav tau txiav txim siab seb koj xav siv txoj xub ke twg muag: li yus muag yus kheej rau lwm tus los yog tso rau ib lub chaw muag tsheb muag, los yog coj mus auction.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
Credit: Alan Powdrill/Getty Images
Thiab cov kev auction muag ntawd ces feem ntau yeej yog cov tsheb qub uas tej neeg xav yuav cia saib xwb, txawm tias cov kev tso koj lub tsheb rau ib tug dealer muag yeej yog ib txoj xub kev xaiv zoo dua rau koj thaum koj coj lub qub mus pauv lub tshiab kom koj tsis txhob tau lis tej txheej txheem muag.
Hos yog koj cia li muag koj kheej rau lwm tus xwb, ces feem ntau yeej muaj tej tej chaw rau koj haub tau yaum hauv online li Facebook Market los yog lwm cov chaw rau tej neeg ntiag tug muag lawv tej tsheb.
Ms. Townsend thiaj piav txog tias koj yuav tau npaj tej ntaub ntawv zoo li cas thaum koj muag koj tsheb kheej.
ib tug poj niam neeg Asian uas yog neeg Suav tab tom piv ib daim nqe nrog lub txhab nyiaj thaum tseem tham xov tooj Credit: Edwin Tan /Getty Images
Tej tswv yim pab koj yog koj muag koj tsheb kheej
Kara Faella yog ib tug Consumer Marketing Manager ntawm lub tuam txhab Carsales uas muag tsheb hauv online, thiaj qhia txog qee yam txuam thawj tseem ceeb uas yuav pab kom koj muag tau koj lub tsheb.
- Qhia qhov tseeb txog tej keeb kwm ntawm koj lub tsheb, thiab seb lub tseb ntawd zoo li cas, li seb puas puas qhov twg: “Tej no thiaj yog tej yam uas yuav txiav txim tias seb tus neeg xav yuav koj lub tsheb puas yuav thaum lawv tuaj saib koj lub tsheb, thiab yuav pab kom lawv tsis txhob ceeb dab tsi rau hnub lawv tuaj saib koj lub tsheb.''
- Lub caij koj teb tej neeg xav yuav: “Cov kev teb tej lus nug kom haum raws li caij nyoob tsim nyog yog tej yam tseem ceeb. Thiab yog tej yam tsim nyog koj ua vim muaj ib tug neeg yuav tsheb nug txog koj lub tsheb, thiab tej zaum lawv kuj mus xyuas lawm cov tsheb thiab, yog li ntawd ua tib zoo xyuas kom siv tau lub cib fim no kom tau txais txiaj ntsim rau koj.''
- Cov kev sib khom nqe thiab teeb tus nqe muag: “Tus nqe muag yog tej uas qhia tias seb puas muaj neeg xav yuav koj lub tsheb. Thiaj xav kom muag raws li tus nqe tsim nyog muag ntawm tej kiab kws muag tsheb xwb, mas thiaj yuav muaj neeg xav yuav. Thiab xyuas kom koj muaj peev xwm txo tau tus nqe muag me ntsis thaum sib khom nqe, thiab paub tias tus nqe twg yog tus nqe qes tshaj plaws uas koj muaj peev xwm muag kuj yuav yog tej yam pab tau koj thiab."
Alex Forrest ces yog tus Manager uas tswj tej hauj lwm Tsheb thiab Roj tsheb ntawm Western Australia lub koom haum Royal Automobile Club (RAC).
Nws hais tias cov kev kho koj lub tsheb kom siv tau zoo ua ntej uav muag koj lub tsheb muag kuj yuav muaj peev xwm pab tau tus nqe muag thiab pab kom muaj peev xwm sib khom tau nrog tej neeg uas xav yuav koj lub tsheb thiab.
Feem ntau mas peb yeej pom ntau cov kev haub tau yaum tias seb puas tau kho thiab txheeb lub tsheb ntawd tshiab, puas hloov log tsheb tshiab, uas yog tej yam uas kuj yuav pab kom tej neeg xav yuav ib lub tsheb twg zoo siab xav yuav lub tsheb uas lawv xav yuav ntawd dua.Alex Forrest
“Tab sis raws li ib txwm paub, ces tej khoom tshiab uas nruab ntxiv rau lub tsheb qub uas yuav muab muag ntawd yeej tsis pab kom tau nqe zoo ntxiv, yog tias tus neeg xav yuav lub tsheb ntawd tsis nyiam."
Australia Explained - Selling your Car - woman driving a car Credit: FG Trade/Getty Images
Ms. Faella thiaj muaj ib cov lus taw qhia txog tej no tias.
“Koj muaj peev xwm teem caij ntsib tus neeg uas tej zaum xav yuav koj lub tsheb ntawd li mus sib ntsib rau ntawm zej tsoom ib qho chaw qhov twg los tau, piv txwv li ntsib ntawm ib qho chaw nres ntsheb ntawm ib lub khw twg, uas muaj neeg dua kev mus los.''
“Hos yog thaum sim tsav ntawd ces yus muaj peev xwm khaws tus neeg sim tsav yus lub tsheb ntawd tus yawm sij ntawm nws lub tsheb nws tsav tuaj ntsib yus los sis yog hais kom muab nws daim ntawv tsav tsheb rau yus khaws cia ua kev ruaj ntseg thiab. Los yog yus kuj muaj peev xwm zaum nram qab nrog tus neeg ntawd mus sim tsav yus lub tsheb ntawd thiab.''
Txawm li cas los, kuj nyob ntawm seb yus yuav nruab los tsis nruab tej khoom tshiab rau xwb thiab, vim tej zaum kuj tsis yog tej yam tseem ceeb uas yus ua ua ntej yuav muag yus lub tsheb thiab.
Australia Explained - Mechanic fixes engine Credit: Reza Estakhrian/Getty Images
Yuav tau npaj dab tsi ua ntej yuav muag thiab tom qab muag koj lub tsheb
Tsuas nyog ntawm seb koj lub xeev xav kom ua li cas xwb, tab sis ib txhia xeev yeej xav kom yuav tau txheeb koj lub tsheb kom tseem siv tau zoo ua ntej yuav muag thiab.
Piv txwv li ntawm xeev Victoria ces koj yuav tsum tau ua kom tau daim ntawv roadworthy vehicle certificate ua ntej koj yuav hloov npe rau tus tswv tshiab. Tab sis ntawd xeev Western Australia ces tsis tas ua daim ntawv no li.
Mr Forrest thiaj hais tias “Ces thiaj ua rau kuj kev sib txawv txav deb heev rau tej kev txheeb tej tsheb ntawm tej xeev thoob Australia no."
“Thiab tsis tas li ntawd los kuj tsis tas txheeb seb puas tseem siv tau lub tsheb ntawd zoo li cas, tab sis yeej tsis yog tej yam uas koj yuav tsum tau ua thiab, txawm li cas los tej neeg uas xav nrhiav yuav ib lub tsheb qub uas lwm tus twb siv lawm yeej xav kom txheeb tej no thiab."
Qhov kawg ces thauj koj muag koj lub tsheb lawm, ces muaj peb yam tseem ceeb uas yuav tau ua li:
- Hu qhia koj lub tuam txhab insurance thiab roadside assistance providers
- Ua zoo xyuas kom muab koj phau tollway account hloov rau tus tswv tshiab, thiab
- yuav tau qhia rau tej nom tswv teev zwm tsheb ntawm koj lub xeev paub tias koj muab koj lub tsheb muag rau tus tswv tshiab lawm.
Piv txwv li nyob ntawm New South Wales ces koj yuav tau qhia rau lub koom haum Service NSW paub yog koj muab koj lub tsheb muag rau lwm tus lawm.
Ms Townsend ntawm NSW lub koom haum Fair Trading thiaj tshab txhais tias “Tej no yog tej tseem ceeb uas koj yuav tsum tau ua kom sai li sai tau tom qab koj muag koj lub tsheb lawm, vim yuav pab kom koj tsis txhob tau them ib yam nqe dab tsi uas tej zaum tus tswv tshiab raug nplua."
Tus txiv neej kho tsheb muab tus yawm sij rau tus customer tom qab uas kho lub tsheb ntawm chaw kho tsheb tiav lawm. Source: Moment RF / thianchai sitthikongsak/Getty Images
“Txheeb seb koj tej nom tswv xeev xav kom yuav tau ua dab tsi. Thiab yeej sib txawv ntawm ib lub xeev rau lwm lub xeev. Tab sis feem ntau ces koj yuav tsum tau qhia rau tej nom tswv teev zwm tej tsheb siv paub. Thiab yeej muaj tej nom tswv no ua tej hauj lwm no siv txawv ntawm ib lub xeev rau ib lub xeev thiab."
Puas yog koj muag tau koj lub tsheb lawm?
Yog ces nrog koj zoo siab! Nod yog tej uas tsim nyog koj yuav tau ua ntxiv, tsuas nyog rau ntawd seb koj nyob rau lub xeev twg ntawm Australia no xwb.
