Yog thaum tham txog cov kev noj tshuaj tshaj qhov tsim nyog lawm ces tej zaum koj tseem xav tias tsuas yog cov yaj yeeb txhaum cai li yeeb dawb (Heroin) xwb tab sis qhov tseeb tiag ces cov tshuaj doctors sau rau koj noj yog cov ua rau muaj teeb meem ntau tshaj plaws rau cov pej xeem ntawm teb chaws Australia no.
Cov tshuaj hais ntawd yog ib cov tsuaj tseem ceeb heev rau ib txhia neeg. Tab sis Bee Mohamed uas yog tus coj lub koom haum ScriptWise thiab yog ib lub koom haum not-for-profit yog lub koom haum kub siab los daws cov teeb meem no thiab ceeb toom tias muaj neeg muaj yees thiab quav tau cov tshuaj no sai heev.
Mohamed hais tias "Tshwm sim muaj cov yees quav tshuaj no tau sai heev, tej zaum lawm raug mus phais loj rau tom tsev kho mob los yog mus rho hniav los siv mob nrob qaum ntev ces kws kho mob sau cov tshuaj no rau lawv noj. Tab sis yog ib qho tsis muaj hmoo uas muaj qee zaus cov neeg mob tsis noj raws li cov kev taw qhia ces thiaj muaj tej teeb meem no."
Cov neeg raug teeb meem noj tshuaj tsis noj raws cov kev taw qhia los siv noj tshuaj ntau tshaj qhov tsim nyog feem coob yog cov muaj hnoob nyoog li ntawm 30 txog 60 xyoo tab sis txhua leej txhua tus tsis hais hnoob nyoog li cas, poj niam los sis txiv neej los tej zaum yeej raug cov teeb meem no tau thiab.
Source: AAP
Koj muaj peev xwm yuav pab tau li cas?
Yog cov kws kho mob sau cov tshuaj noj zoo mob ib ce muaj zog heev rau koj noj li morphine los yog oxycodone, ces koj yuav tsum tau ua tib zoo mloog cov kev taw qhia seb yuav noj li cas thiab yog tsis totaub qhov twg yuav tau nug koj tus kws kho mob thiab tus kws muab tshuaj kom koj noj raug raws li qhov tsim nyog thiab yog xwb.
Tsis tas li koj yuav tau txheeb xyuas tias seb noj cov tshuaj ntawd puas cov nyom nrog lwm cov tshuaj uas koj noj ntawd thiab. Vim muaj ib txhia tshuaj noj tsis tau sib xyaws ua ke thiab yuav muaj teeb meem tsis tau txais kev nyab xeeb yog tsis noj kom raug raws cov kev taw qhia los yog noj tab sis haus dej haus cawv nrog ntawd.
Yog koj tsis paub tseeb thiab ua xyem xyav tias yuav noj li cas los yog tsam muaj teeb meem cuam tshuam li cas rau tje tshuaj koj nom ces hu xov tooj rau lub koom haum Australian .
(AAP) Source: AAP
Tsoom hwv los yeej los nrog xyuas cov teeb meem muaj yees quav tshuaj no thiab
Vim rau qhov muaj neeg muaj yees quav thiab noj tej tshuaj kws kho mob no coob tuaj ntxiv lawm ces tsoom hwv thiaj tau nqes tes los nrog xyuas lawm.
Tsoom hwv tau tsim ib cov system los tshuaj ntsuam xyuas tej kws kho mob thiab cov kws muab tshuaj cov kev sau tshuaj rau tej neeg mob noj. Qhov no txhais tau tias cov xov xwm sau tshuaj rau txhua tus neeg ntawd yuav raug teev khaws tseg cia rau tib qhov chaw lawm xwb, kom lawv thiaj muaj peev xwm txheeb tau tias leej twg pheej mus ncig yuav tej tshuaj muaj zog heev no los siv.
Tsis tas li no los xyoo tshiab no yuav tsis muaj peev xwm cia li mus yuav tau cov tshuaj codeine li cov tshuaj Nurofen Plus tom tej chaw muag tshuaj lawm thiab tsuas yog kws kho mob sau lawm xwb mas thiaj yuav tau los siv xwb.
Tam sim no ces tseem muaj peev xwm yuav tau cov tshuaj Nurofen Plus tom khw muag tshuaj (Chemist los sis pharmacy). Tab sis txij lub 2 hlis ntuj xyoo 2018 no mus ces tsuas yog tau ntawv tso cai thiab sau los ntawm kws kho mob lawm xwb mas thiaj yuav tau los siv xwb.
Tej hais no ces yog ib cov cai coj los tswj cov kev siv cov tshuaj zoo mob ib ce thib cov kev sau tshuaj rau tej neeg siv kom zoo dua tuaj ntxiv.
Source: Getty Images
Mus nrhiav kev pab cuam
Yog koj xav tias koj los yog tej neeg koj hlub tshua xav tau txais kev pab cuam, ces qhov ozo tshaj plaws xav kom mus sab laj nrog koj tus kws kho mob, vim lawv muaj peev xwm yuav pab daws tau koj cov teeb meem no.
Los yog koj hu xov tooj rau cov xov tooj pab cuam helpline li Lifeline tus xov tooj 13 11 14, los yog mus txheeb ntxiv hauv lub koom haum thiab cov vam sab los yog sab laj online tau ntawm no .
Feem ntau mas pheej ua rau tej neeg uas muaj yees thiab quav cov tshuaj no mloog tau tias lawv raug cai nyob ib leeg thiab yog tej yam txaus txaj muag heev thaum lawv quav tej tshuaj no lawm, tab sis yog mus nrhiav kev pab cuam lawm ces yeej yog tej yam yog thiab tsim nyog kom pab tau lawv los daws tej teeb meem no lawm.
John Ryan uas yog tus coj lub chaw teeb txheeb Penington Institute uas sab laj txog cov teeb meem siv tshuaj hais tias “Cov kws kho mob yog ib cov neeg paub zoo thiab yuav los sab laj tham txog cov teeb meem no. Thiab kuv tsis xav kom tej neeg tsis txhob txaj muag mus nrog lawv cov kws kho mob tham. Yeej yog tej yam tsis yuav cia li tham tau yooj yim tab sis yuav zoo dua qhov lawv muab zais npog tsis tham qhia lwm tus paub li."
Useful phone numbers
Lifeline (to get help and for crisis support): 13 11 14
Family Drug Support: 1300 368 186
Beyond Blue (to get help and for crisis support): 1300 22 4636
