Cej luam tsoom fwv tej hauj lwm tiv thaiv teeb meem kub ntxhov hauv lub cuab yig

Thawj tsab ntawv cej luam txheeb txog tsoom fwv Albanese tej tswv yim los tiv thaib thiab tawm tsam nrog tej kev tsim kev kub ntxhov rau poj niam thiab me nyuam.,

Xov xwm luv Credit: SBS/Max Banyat

Xov xwm luv tshaj tawm hnub zwj Feej (Wednesday news 21.08.2024):

Australia tau rau txim rau 20 tus neeg Somali ntawm lub koom haum terrorist Al Shabaab, uas rau txim rau tej cojt seem ceeb tom qab raug tej tub koom siab ntawm UN tsub nias kom tsis txhob pub tej neeg no yuav riam phom, txwv tsis txhob pub lawv ntoj ncig thiab tsis txhob pub lawv siv lawv tej nyiaj txiaj.

Tau muaj ib tsab ntawv cej luam tshiab txheeb tau tais muaj tej neeg Australia coob heev uas pheej subscribe ib co services dab tsi uas lawv tsis xav siv lawm vim rau qhov zoo li tsis muaj peev xwm cancel tau yooj yim. Ces lub koom haum Consumer Policy Research Centre thiaj hasi tias tau muaj tej teeb meem no rau txhua txhua ib tug ntawm kaum tus neeg Australia twg, thiab yeej muaj teeb meem rau txhua txhua ib tug ntawm peb tug twg raug tsub nias kom tsis txhob cancel lawv cov subscription.

Yuav coj thawj tsab ntawv cej luam los qhia rau tsev tsoom fwv txog cov kev txheeb txog tsoom fwv cov hauj lam National Plan to End Violence against Women and Children rau hnub tim 21.08.2024 no. Tsab ntawv cej luam no tau nqua hu kom txiv neej ygo ib feem ntawm txhua yam uas yuav los xaus cov kev tsim kev kub ntxhov thiab yuav tsum muaj kev raus tes los pab rau tej txiv neej uas pheej tsim tej teeb meem no.

Tej nom teb chaws ntawm tsev tsoom fwv yuav ntsib teeb meem yog tias lawv pheej coj tej cwj pwm tsis zoo raws li ib tsab cai tshiab uas yuav coj los sab laj hauv tsev tsoom hwv. Ces thiaj yuav teeb tsa pawg Independent Parliamentary Standards Commission mus tshuaj ntsuam xyuas tej kev ua txhaum tej cai thiab yuav rau txim rau tej nom coj cwj pwm tsis zoo thiab yuav muab lawv tej nyiaj hli txiav 5 feem pua.

Tsoom fwv teb chaws kuj tau muaj 150 lub chaw qhia ntawv kaw vim qhia tias yog cov chaw qhia ntawv cuav. Lo lus ghost colleges ces yog ib lo lus teev txog tej teej kawm uas tsis muaj peev xwm yuav tsim tau tej sob kawm los qhia rau tej tub kawm rau 1 xyoos dhau los. Thiab nom tswv ntseeg tias yog tej chaw uas txhob txim siv Australia cov visa system tos kom tau tej tub kawm pej kum haiv tuaj ua hauj lwm xwb tsis yog tuaj kawm ntawv tiag. Ces thiaj muaj 140 lub chaw qhia ntawv ntxiv raug ceeb toom kom kav tsij qhia ntawv ntxiv rau tej tub kawm tsis li ces yuav tsis pub ua tej lagluam no.

Tej nom tswv, tej niam txiv tau nqua hu kom tsoom fwv teb chaws pab nyiaj ntau ntxiv rau zej tsoom tej teej kawm. Lub koom haum Australian Education Union tau koom nrog tej nom tswj dej num kev kawm ntawm tej xeev, nrog rau tej niam txiv ntawm zej tsoom tej teej kawm, thiab tej tub kawm tau mus rau ntawm tsev tsoom fwv lub tiaj nyom hnub tim 21.08.2024 no nqua hu kom tsoom fwv tshwm nyiaj 22.5 feem pua pab rau zej tsoom tej teej kawm raws li nws tau cob lus tseg. Tab sis pawg neeg no kuj tau hais kom tsoom fwv pab tej nyiaj no ntau ntxi tuaj txog li 25 feem pua.

Tsoom fwv teb chaws tau tso cai pom zoo rau lub tuam txhab Sun Cable Australia-Asia Power Link siv thaj chaw 12,000 hectare los tsim phiaj ziab tshav kom tsim tau hluav taws xob 4 gigawatt uas yuav xa raws cov ncej xa deb txog 800 km thiab cov xov hla qab thu dej hiav txwv rau lwm qhov chaw siv.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.