Xov xwm luv tshaj tawm hnub zwj Feej (Wednesday news 07.08.2024).
Kamala Harris uas yog Meskas tus lwm president tau xaiv Minesota tus governor Tim Walz los ua nws tus lwm president rau cov kev sib tw US President election 2024.
Queensland Unions tau tshwm ib daim ntawv kos xyeem mem tes yuav laug txog li 2000 cov xyeem mem tes kom tsoom fwv xeev Queensland sau tus nqe siv public transport 50 cents li qub tom qab tag sij hawm 6 hli rau lub caij tseem yuav xaiv nom tswv xeev.
Tau muaj ib tug lees kais poj niam hnoob nyoog 30 xyoo raug muab txhom ntawm ib lub teej kawm ntawm Southwest Sydney vim raug liam tias tau deev ib tug me nyuam tub, ces nws thiaj yuav raug coj mus hais plaub ntawm lub tsev hais plaub Liverpool Local Court.
Penny Wong uas yog Australia tus nom txawv teb chaws tau qhia tias cov kev xaus tsov rog ntawm cheeb tsam Middle East yog tej yam tseem ceeb uas yuav tau kub siab nrog xyuas rau lub caij nom tswv Meskas tseem sib khom uas ze rau qhov yuav txiav txim tias seb zoo li cas, rau lub caij nws nrog Meskas tej nom txawv teb chaws thiab nom tiv thaiv teb chaws sib tham ntawm lub rooj sab laj AUSMIN ntawm Annapolis, Maryland.
Cov kev sib tw Paris Olympic 2024 ces Australia pab txiv neej caij tsheb kauj vab kuj sib tw yeej Italy uas yog tus yeej chau los thiab tau mus sib tw final nrog Meskas tag kis seb puas tau npib kub, thiab Arisa Trew yog Australia tus neeg sib tw skateboard hnoob nyoog yau tshaj plaws uas tau yeej cov kev sib tw no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
