Ntsiab lus tseem ceeb:
- Koj daim resume yog daim qhia txog koj tej keeb kwm ua hauj lwm, kev kawm, txuj ci, thiab tej koj tau ua tiav.
- Kho koj daim resume kom haum raws li txoj hauj lwm tas mus li.
- Nrhiav tej xub ke los qhia txog koj tej txuj ci thiab tej kev paub ua hauj lwm rau hauv koj daim ntawv ua hauj lwm thiab thaum jus koom job interview.
Cov kev nrhiav hauj lwm ua yeej siv caij nyoog thiab dag zog hais tsi ntsees rau thaum koj nyuam qhuav pib ua hauj lwm ntawm Australia.
Tej tswv lagluam feem coob yeej xav kom yus sau ib co pov thawj qhia txog yus tej keeb kwm ua hauj lwm thiab qhia seb yus muaj tej txuj ci dab tsi - thiab yuav tau ua tej no ua ntej tso seb lawv puas yuav hu yus mus interview ntxiv li cas.
Yuav txhais txoj hauj lwm haub tau yaum li cas
Thaum koj pom ib txoj hauj lwm haub tau yaum, ces yog tej yam tseem ceeb tsim nyog txheeb tias seb yus xav ua hauj lwm ntawm cov lagluam twg thiab seb txoj hauj lwm ntawd xav tau tus neeg zoo li cas.
Mandy Ratcliffe uas yog tus Service Delivery Manager ntawm lub koom haum hais tias “Tej zaum tej tswv lagluam kuj xav tau ib daim police check (daim ntawv txheeb seb yus puas raug txim) ... Thiab tej zaum lawv kuj yuav xav tau daim ntawv tso ua hauj lwm nrog me yaus (Working with Children Check) thiab tsuas nyob rau ntawm seb yus nrhiav hom hauj lwm twg xwb.”
Kuj ruam tseem ceeb ntxiv ces yog yuav tau ua tib zoo xyuas kom yus nyeem kom nkag siab txog txoj hauj lwm uas raug coj mus haub tau yaum ntawd kom ntxaws. Seb ho yuav ua txoj hauj lwm ntawd li cas? Thiab yus puas muaj tej peev xwm uas tus tswv lagluam ntawd xav tau?
Thawj yam ces yuav tau txheeb kom sai tias seb txoj hauj lwm ntawd puas phim rau yus ua. Ntxiv ntawd ces yuav tau nrhiav cov lo lus tseem ceeb ntawm txoj hauj lwm ntawd raws li Natalie Peart ntawm lub koom haum Jobspeak Academy taw qhia. Nws yeej xyaum tej neeg pej kuj haiv ua hauj lwm kom muaj peev xwm ua tau hauj lwm ntawm Australia.
Yog peb tham txog lo lus tseem ceeb (keywords) ces txhais tias seb yuav ua txoj hauj lwm ntawd li cas, muaj txuj ci dab tsi, los yog qualification dab tsi los yog tej kev paub ua hauj lwm dab tsi uas txoj hauj lwm ntawd xav tau. Txuas ntxiv ntawd ces yuav tau nrhiav tej xub ke los qhia yus tej txuj ci ntawd rau tej tswv lagluam. Tsis yog tsuas qhia tias yus muaj tej txuj ci ntawd xwb ces tau lawm. Yus yuav tsum tau npaj ib co piv txwv los qhia kiag tias yus siv txuj ci dab tsi thaum twg li cas.Natalie Peart from the Jobspeak Academy.
Yog li tej tswv lagluam yeej xav kom yus npaj tej piv txwv no rau hauv yus daim resumer thiab daim cover letter.
Txoj xub kev sai tshaj plaws uas ib tug tswv lagluam muaj peev xwm paub txog yus ces yog paub los ntawm cov kev tau nyeem yus daim ntawv curriculum vitae (cv) los yog resume. Source: Moment RF / Narisara Nami/Getty Images
Yus daim ntawv resume (Cirriculum Vitae-CV)
Txoj xub kev sai tshaj plaws uas ib tug tswv lagluam muaj peev xwm paub txog yus ces yog paub los ntawm cov kev tau nyeem yus daim ntawv curriculum vitae (cv) los yog resume.
Uas tsim nyog koj sau li ntawm ob los yog peb nplooj ntawv qhia txog koj tej keeb kwm ua hauj lwm, koj tej kev kawm, koj tej txuj ci thiab tej koj tau ua tiav. Thiab yog ib lub cib fim rau koj qhia txog koj lub tsab peev xwm.
Thiab yeej tsis muaj ib co cai nruj twg teev tsis ntsee tias kom kom tsim kom tej resume zoo li cas, tab sis yeej xav kom kom tsim ntau hom resume cia siv.
Tej resumes zoo tshaj plaws ces yog tej ua yuav tau tsim kom haum raws li txoj hauj lwm ntawd.Ravi Moerman, People and Culture professional
Thiaj xav kom siv qee cov lo lus uas sau rau ntawm txoj hauj lwm uas siv coj los haub tau yaum ntawd. Tsis hasi yog cov lo lus tseem ceeb, tej sob lus los yog cov references.
Thiab tsis tas koj yuav lo koj daim duab rau, qhia koj tej hnub yug los sis qhia seb koj yog hom neeg pawg tsawg twg rau li.
Tej ntawd yeej tsis cuam tshuam dab tsi txog tej txheej txheem nrhiav neeg ua hauj lwm, thiab tej zaum kuj yuav yog tej yam uas lwm tus siv coj los faib cais yus tau thiab.Ravi Moerman from People and Culture professional.
uas pheej nug txog lwm tus lub hnoob nyoog, nws cov kev coj ntseeg, nug seb nws puas yog neeg puas cev los seb nws cov gender yog li cas rau ntawm tej txheej txheem nrhiav neeg ua hauj lwm feem coob.
Tsis tas li ntawd los kuj muaj tej xov xwm ntau yam thiab cov templates ntau yam hauv online rau yus siv, thiab yeej muaj cov kev pab cuam rau tej neeg tsiv teb tsaws chaw li cov kev pab cuam ntawm lub koom haum AMES Australia thiab Migrant Resource Centres uas pab yus npaj tsim yus daim resume.
Sau daim ntawv cover letter
Tej tswv lagluam yeej xav kom yus sau ib daim ntawv cover letter uas muaj tib nploog xwb. Thiab kuj yog ib lub cib fim rau yus tshab txhais tias dab tsi ua rau yus xav nrhiav txoj hauj lwm no ua thiab vim li cas yus thiaj yog tus neeg uas phim ua txoj hauj lwm no dua.
Tej neeg nrhiav neeg ua hauj lwm yeej pom tej ntawv cover letters ntau heev, yog li yus thiaj yuav tsum tau ua tib zoo sau kom yog daim ntawv uas ua rau lawv kub siab txog tshaj plaws.
Tej tswv lagluam yeej xav kom yus sau ib daim ntawv cover letter uas muaj tib nploog xwb. Thiab kuj yog ib lub cib fim rau yus tshab txhais tias dab tsi ua rau yus xav nrhiav txoj hauj lwm no ua thiab vim li cas yus thiaj yog tus neeg uas phim ua txoj hauj lwm no dua. Credit: Willie B. Thomas/Getty Images
Peb tsis xav pom tej cover letters uas tsuas sau dog dig xwb. Yog yus ua tib zoo sau kom daim ntawv no haum raws li txoj hauj lwm npaum li cas thiab siv tej lo lus tib yam li siv ntawm cov kev haub tau yaum txog txoj hauj lwm ntawd, ces yog tej yam yuav qhia rau tej neeg tau nyeem daim ntawv no tias, 'Kuv yeej kub siab txog cov kev npaj los nrhiav txoj hauj lwm no ua thiab kuv yeej tau siv sij hawm me ntsis los teeb txheeb txog txoj hauj lwm no.Ravi Moerman, People and Culture Professional.
Yuav siv tej ntsiab cai dab tsi los txiav txim xaiv yus (Selection criteria?)
Tej zaum tej tswv lagluam kuj yuav nug kom yus teb ib cov lus nug los yog nug raws cov selection criteria. Thiab yuav nug kom yus piav tias yus ho muaj tej peev xwm dab tsi thiab kom teev ib co piv txwv qhia txog yus tej txuj ci rau lawv paub.
Thiab yog tias lawv xav kom yus teb rau lawv paub raws li cov selection criteria, ces yus yuav tsum ua tib zoo sau kom luv thiab tsis txhob hais lo lus qub tas los rov qab hais dua ntxiv. Tab sis yog yus xav kom yus yog ib tug uas ua rau lwm tus pom tias yus yeej xav ua txoj hauj lwm ntawd tiag, ces yus yuav tsum tau npaj tej ntaub ntawv txhua yam uas tej tswv lagluam xav tau thiab.
Thiab kauj ruam kawg ces...
Yuav tau nyeem txhua yam yus sau los yog thov kom ib tug twg pab yus nyeem yus daim ntawv nrhiav hauj lwm, kom sau yus tej xov xwm ntiag tug raug thiab yog tsis yuam kev txawm tias yus yuav paub ntawv Aaskiv zoo npaum li cas. Ntxiv ntawd los yuav tau xyuas kom npaj tau yus daim ntawv nrhiav hauj lwm ua no kom tiav ua ntej lub sij hawm nrhiav hauj lwm yuav tag.
Tej zaum tsim nyog yus xyaum teb tej lus nug thaum mus interview nrog yus ib tug phooj ywg kom yus thiaj mus teb tau tej lus nug no xoo tshaj plaws thaum mus interview thiab. Credit: fotostorm/Getty Images
Npaj mus interview
Txhawm tias sawv daws yeej npaj zoo npaum li qhov ua tau, los tsuas yog tej neeg uas phim ua txhoj hauj lwm ntawd tshaj plaws thiaj yuav raug caw kom mus interview nrog tus tswv lagluam ntawd xwb. Yog li cov kev npaj thiaj yog ib co tseem ceeb heev. Thiab yus yeej muaj peev xwm mus txheeb tau ntau yam lus interview hauv online.
Yus yuav tau rov qab mus nyeem dua txoj hauj lwm uas raug coj mus haub tau yaum ntawd dua ntxiv, vim yeej muaj txhua yam xov xwm uas tej neeg nrhiav neeg ua hauj lwm xav tau. Thiab yus yuav tsum npaj ib co dab neeg qhia txog yus tej experience kom muaj peev xwm qhia tau rau lawv tias thaum twg yus tau siv ib yam txuj ci dab tsi, thiab yus yuav tau teeb txheeb txog lub koom haum ntawd kom yus nkag siab txog lawv tej cai coj taug ua zoo seb ho puas haum raws li yus tej thiab.Natalie Peart, Jobspeak Academy.
Mandy Ratcliffe cov kev taw qhia tseem ceeb tshaj plaws rau lub caij mus interview ces yog 'hnav khaub ncaws kom du dai'.
“Yog tej yam tseem ceeb heev uas yuav tau xyuas kom yus yog ib tug neeg muaj xam lees ntxiag thaum mus koom job interview, vim yog tej yam yus qhia txog yus tus kheej tias yus ntseeg yus tus kheej npaum li qhov yus muaj peev xwm ua tau.”
Tsis tas li ntawd los raws li Ms Peart hais ces Australia tej neeg nrhiav neeg ua hauj lwm yeej ris tej txiaj ntsim ntawm cov kev muaj peev xwm nrog lwm tus sib txuas lus thiab seb yus puas yog ib tug neeg qhia qhov tseeb, yog neeg siab ncaj thiab qhib siab dawb paug rau lwm tus thiab.
Ms Peart hais tias “Yeej muaj kev teeb txheeb qhia tias ib yam ntawm ntau yam txuam thawj (factors) tseem ceeb tshaj plaws ntawm cov kev ntiav ib tug neeg ua hauj lwm ces yog txheeb tias seb tus neeg ntawd puas haum nrog lub koom haum ntawd tej kab lis kev cai.”
Lawv xav paub tias seb yus puas yog ib tug neeg zoo uas yuav muaj peev xwm koom ua tau hauj lwm nrog lawv ib pab neeg twg, kom lawv thiaj paub tseeb tias seb yus yog tus neeg zoo li cas tiag.Natalie Peart, Jobspeak Academy
Ib tug tswv lagluam zoo twg yeej ib txwm hu xov tooj qhia yus seb yus puas tau txoj hauj lwm ntawd ua los yog muaj lus taw qhia zoo rau yus tias tseem tshuav qhov twg uas tsim nyog yus npaj kom zoo tshaj qub ntxiv. Source: iStockphoto / nortonrsx/Getty Images/iStockphoto
Lub caij tseem tos
Txawm tias tej zaum tsis yog tej yam uas ib txwm pom muaj tas mus li, los yeej tsim nyog tej tswv lagluam xa email los yog hu xov tooj qhia yus tias lawv tau txais yus daim ntawv nrhiav hauj lwm ua lawm, thiab mam li qhia rau yus paub ntxiv tias seb ho yuav muaj tej txheej txheem dab tsi uas tsim nyog yus yuav tau npaj txuas ntxiv li cas.
Thiab yog tias lawv ho tsis txais yus ua hauj lwm, los lawv yeej yuav xa email qhia yus. Thiab ib tug tswv lagluam zoo twg yeej yuav hu xov tooj nrog yus tham thiab qhia tias yus tseem npaj yam twg tau tsis tshua zoo li cas rau cov kev nrhiav txoj hauj lwm ntawd ua.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
