Xov xwm luv tshaj tawm hnub zwj Quag (Tuesday news 30.07.2024):
Senator David Pocock tau nqua hu kom Australia tus nom tswj dej num tsiv teb tsaws chaw tshiab qhia tias seb puas pub cov humanitarian visas rau tej neeg tsiv tawm ntawm Gaza siv coj los ua ib cov qhia txog nws txoj kev ua tus coj.
Kuj tau muaj tej neeg yam tsawg li 22 leeg tau tus mob Legionnaires disease uas cuam tshuam txog tej chaw tso cua txias uas ua rau mob ntsws sab thiab raug coj mus kho ntawm chav ICU. Ces nom tswv tswj dej num noj qab haus huv thiaj hais tias tej neeg tau tus mob no feem ntau yog cov muaj hnoob nyoog tshaj 40 xyoo thiab tej neeg mob hnoos thiab tej tau mus xyuas nroog Melbourne.
Meskas tus president Joe Biden tau xav thov kho nws lub teb chaws lub tsev hais plaub Supreme Court uas xav xyuas kom tej kws lij choj tau ua hauj lwm rau ib ntus xwb thiab kom ua raws tej cai tsim nyog ua ''kom thiaj tau txais kev ntseeg siab thiab kev dawb huv''. Rau qhov tam sim no ces 9 tug kws lij choj ib tug twg yeej muaj cai ua tau kws lij choj ntawm lub tsev txiav txim no tag ib sim neej. Ua ke no los Mr Biden yeej xav thov kho txhooj cai tswj haiv kom ib tug president twg tsis txhob muaj fwj chim dhau heev tom qab lub tsev hais plaub Supreme Court tau muaj nws ib cov kev txiav txim tsis ntev los no.
The Laotian Times tau tshaj tawm tias nom tswv Nplog tau npaj yuav los qhia Nplog tej neeg coj neeg ntoj ncig kom ua tau hauj lwm li pej kum haiv tej; nom tswv Nplog kuj tau tso cai pom zoo rau Suav tuam tshoj uas tus yuav los tsim txoj kev tsheb ntawm Luangnamtha - Oudomxay mus rau Botaen.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
