Lub koom txoos tawm tswv yim txog kev nrhiav thiab ua tej hauj lwm

Lub koom txoos seminar tham txog tej hauj lwm thiab kev nrhiav hauj lwm.

Credit: Career seminar preview/Dr Kong Pheng Vang via Hmong Brisbane Culture Inc

Dr Koob Pheej Vaj uas yog tus coordinator ntawm lub koom haum Hmong Brisbane Culture Inc qhia rau SBS Hmong tias lub 10 hli ntuj no yuav muaj ib lub koom txoos sab laj sib tham ntawm tej neeg ua hauj lwm ntau yam los tawm tswv yim qhia rau Hmoob Australia tej hluas kom nkag siab thiab paub tias yuav npaj ua hauj lwm dab tsi.

Dr Koob Pheej hais tias ''Cov education program no yuav ua li cas ntxiv kom thiaj pab tau cov tub ntxhais hluas Hmoob thoob plaws teb chaws Australia. Ces thiaj siv qhov opportunity no los npaj seb tsim puas tau ib qho career seminar rau peb cov tub ntxhais hluas Hmoob kom pab taw qhia lawv cov career choices rau yav tom ntej.''

Hom phiaj tiag ces xav rub Hmoob tej niam txiv los yog tej hlob uas twb mus tau ib ruam los yog tau ua hauj lwm lawm kom los kom tig rov qab los pab cov tseem nyuam qhuav yuav pib ua hauj lwm los yog tseem pib xav tias yuav ua dab tsi. Kom tej hluas thiaj paub tias muaj ntau yam yus ua tau, tsis yog tias yuav mus kawm Uni (tsev kawm qib siab xwb), yeej muaj ntau yam yus muaj peev xwm ua tau kom tiav. Yus ua hauj lwm los tau, ua ib qho lagluam los tau, yus yuav ua ib qho trade los tau.

Dr Koob Pheej Vaj, Coordinator, Hmong Brisbane Culture Inc

Dr Koob Pheej hais tias yeej hais tias yeej tau tshaj xo tawm thiab mam li update ntxiv rau sawv daws paub ntawm lub koom haum Hmong Brisbane Culture Inc Facebook page lawm, thiab xav tau ib co volunteers tuaj qhia thiab share lawv tej career experience uas yeej muaj qho tus qhia tias xav tuaj koom thiab tsis hais cov ua hauj lwm arts (sau ntawv/ua yeeb yam), medicine thiab nurses yuav tuaj koom thiab.

Nws hais tias yuav npaj ua lub career seminar no rau yav lig lub 10 hli ntuj tawm li ntawm 2 los yog 3 teev. Thiab mam li qhia xov xwm kom ntxaws tias yuav ua rau qhov chaw twg thiab yuav ua li cas ntxiv kom sawv daws thiaj koom tau.

Nws kuj hais ntxiv tias tsis yog ua tib zaug ces tag li ntawd xwb tab sis yog tej neeg kub siab txog tej no ntau ces yuav los ua ib co content rau sawv daws tau saib ua ntuv zus rau yav tom ntej thiab.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.