Ntsiab lus tseem ceeb:
- Yeej ib txwm ua lub koom txoos Easter rau lub caij nplooj zeeg ntawm Australia no thiab yeej ib txwm ua rau lub caij tej me nyuam so tsis kawm ntawv (School holidays).
- Dua ntawm qhov tseem ceeb ntawm cov kev ua tej kab lis kev cai lawm, ces lub caij Easter yeej raug xam tias yog ib lub koom txoos kab lis kev cai thiab yog ib lub caij uas tej cuab yig tau sib ntsib sib sau ua ke, yog cov kev muaj feem sib cuag nrog tej zejzog, yuav muaj kev ntoj ncig, muaj kev koom tej koom txoos thiab koom ua ntau yam nraum zoov.
- Easter bilby ces yeej yog Australia ib cov kab lis kev cai uas txawv thiab raug coj los hloov Easter bunny tam li yog tus uas coj tej qe chocolate los faib rau me nyuam yaus los yog coj mus zais. .
Yog tham txog cov kev ntseeg Christianity lawm ces lub caij Easter yog lub caij nco txog tswv Yesxus (Jesus Christ) cov kev rov qab ciaj sawv los, uas yog muaj kev ua kev zoo siab tseem ceeb rau hnub Easter Sunday ntawm cov Christian calendar, uas yog qhov tseem ceeb tshaj plaws ntawm lub limtiam dawb huv (Holy Week).
Yog thaum tham txog Easter lawm ces neeg Australia yeej ib txwm paub tias yog cov hnub so ntev txog 4 hnub, li Good Friday, Easter Sunday thiab Easter Monday uas yog cov hnub so tag nrho rau zej tsoom. Tab sis yog tham txog Easter Saturday lawm ces yeej yog cov hnub so rau tej xeev feem coob tsuas tshuav xeev
Danielle Corrie ces yog ib tug neeg Australia caj ceg neeg Labanese uas yeej tau loj hlob nrog cov kev tau ua kev zoo siab nrog ob lub koom txoos Catholic thiab Orthodox Easter.
Nws hais tias yeej muaj neeg coob heev thov so hauj lwm kom tau mus ntoj ncig, los yog siv caij mus ua ib yam dab tsi nraum zoov los sis yog mus koom tej koom txoos.
“Yeej muaj tej neeg sib txawv ntau yam ua kev zoo siab lub caij no, thiab kuj yog lub caij uas tej me nyuam yaus so tsis kawm ntawv, ces thiaj muaj sij hawm ntev zog rau lawv tau koom nrog lawv tsev neeg, los yog ho mus ncig rau lawm qhov chaw. Tsis tas li no los Easter kuj yog lub caij nplooj zeeg ntawm Australia no thiab, ces thiaj muaj peev xwm ua tau ntau yam nraum zoov li ci nqaij noj los yog noj mov picnics.”
Children can make their own basket as an arts & crafts activity to use for their Easter egg hunt. Credit: Fly View Productions/Getty Images
Tej kab lis kev cai ua koom txoos Easter rau tej me nyuam yaus
Lisa Baker, yog ib tug kws teeb txheeb txog early childhood education ntawm tsev kawm qib siab University of Melbourne hais tias yog tham txog lub koom txoos no rau tej me nyuam yaus lawm ces, Easter yog ib lub caij uas muaj ntau yam games thiab ntau yam rau tej me nyuam yaus koom.
“Tej me nyuam uas tseem kawm preschool, primary school, ces tej koom txoos tseem ceeb ntawm Easter yog cov kev nrhiav cov qe Easter eggs thiab Easter Bunny. thiab cov kev mus nrhiav cov qe Easter egg yeej yog tej yam uas muaj Australia tej me nyuam yaus coob heev nyiam.”
Tej cuab yig los yog tej koom haum zejzog yeej tau npaj game rau tej koom txoos no ntawm parks thiab tej vaj rau hnub Easter Sunday thiab nrhiav qe Easter egg li tej qe chocholate, tej kob thaj thiab tej qe tiag tiag uas zas kob rau los sis yog tej qe cuav.
Thiab raws li tej dab neeg uas ib txwm qhia rau tej me nyuam yaus lawm ces tus Easter Bunny (Tus luav) yog tus xa cov qe thiab yog tus coj tej qe no coj mus zais.
Tab sis niaj hnub niam no yeej muaj cov kev pauv hloov rau tej kab lis kev cai ua Easter no lawm thiab, li coj tus tsiaj hu ua bilby coj los hloov tus luav kom haum raws li Australia cov ecosystem lawm.
Ms Baker thiaj tshab txhais tias “Tej luav ces yog ib co tshiaj coj txawv teb chaws tuaj tso rau Australia no xwb thiab kuj tsim teeb meem ntau yam rau peb tej nroj tsuag xyoo ntoo thiab tej tsiaj txhu ib txwm nyob ntawm lub teb chaws no. Yog li peb thiaj tau hloo los siv lub tswv yim uas siv tus tshiaj Easter bilby lawm..”
“Ces tam sim no koj thiaj muaj peev xwm yuav tau tej chocolate Easter bilbies tib yam li cov chocolate Easter bunnies thiab.”
Tam li yog ib lub teb chaws muaj tej neeg coj ntseeg ntau yam kab lis kev cai, ces Australia yeej ua ntau yam kab lis kev cai ua kev zoo siab rau lub koom txoos Easter no thiab.
Ms Baker thiaj hais tias yeej muaj pov thawj qhia txog tej no ntawm tej teej kawm, hais tsi ntsees rau tej me nyuam tseem pib kawm, uas yeej muaj tej txhooj cai qhia ntawv tau txhawb nqa kom muaj feem koom thiab muaj ntau yam tswv yim tshiab los ua tej kab lis kev cai no.
Tej lees kais thiab tej teej kawm los yeej yuav tau ua tib zoo xyuas ntau yam kab lis kev cai uas tej me nyuam coj mus koom ntawm lawv tej chav kawm thiab xyuas kom muaj tej kab lis kev cai no coj los koom ua kev zoo siab ua ke.Lisa Baker
“Piv txwv li dua ntawm cov kev nrhiav Easter egg los yog cov chocolate Easter eggs lawm tej zaum lawv kuj yuav muab ib co qe coj los zas kob ua cov Easter eggs thiab, uas yeej ib txwm yog cov kev cai Orthodox, los sis kuj siv lwm yam xub ke los npaj tej qe los sis yog coj tej qe mus dai rau ntawm tej ceg xyoob ceg ntoo thiab.''
Raws li Ms Baker hais ces cov kev npaj ib lub koo mom Easter thiab koom ntoo koo mom tau kev rau lub caij Easter yeej yog ib co kab lis kev cai uas tej me nyuam thiab tej teej kawm xaiv koom tau. Credit: OMG/Getty Images
Ua ob yam koom txoos Easters, thiab muaj ntau txoj kev xaiv rau cov kev ua kab li kev cai
Born in Sydney to first- and second-generation Lebanese Australian parents, Ms Corrie was raised celebrating both Catholic and Orthodox Easter.
Yeej muaj ob pawg neeg Christian ua lub koom txoos Easter no rau cov hnub sib txawv.
Ms Corrie tshab txhais tias “Tej neeg Christian ua cov Catholic Easter ces ua raws li cov Gregorian calendar thiab kuj muaj tej neeg Christian uas ua lub koom txoos Orthodox Easter raws cov Julian calendar. Thiab muaj qee zaus ces kuj ua lub koom txoo no rau tib lub caij hos muaj qee zaus ces kuj ua sib nrug li ntawm 5 limtiam.”
Nws hais tias tsis hais yuav yog cov koom txoos li cas li, lub caij ua Easter ces yeej yog lub caij ib yig neeg twg tau los sib ntsib sib sau ua ke koom noj ntau yam qav, li hot cross buns, tej biscuits ua ntawm tsev thiab tej khoom noj qab zib, los yog ntses hau thiab ntau pluas hno los yog tej nqaij ci ntau yam rau hnub Easter Sunday.
Thiab tej kev cai Orthodox Easter uas pom ua tas li ces yog cov kev zas kob rau tej qe lis siv tej nplooj dos, los yog tej tub koom siab ntawm ib tse neeg twg xuas qe sib txawb.
Ms Corrie yeej tseem nco tau txog tej xwm txheej siv qe sib tw ntawm tsev.
“Ces thiaj yog ib cov kev sib tw rau phab ntsuj plig thiab muaj feem koom nrog lwm tus tub koom siab ntawm tsev neeg. Thiab thaum yus tig lub qe ib sab coj los twb rau lwm sab qe, ces yog tias ob sab qe twg, ces yus swb, thiab tus neeg uas muaj lub qe uas tsis muaj ib sab twg tawg los yog tsuas tawg ib sab xwb ces yog tus yeej.”
Ces thiaj li muaj ntau pawg neeg sib txawv ua koom txoos Orthodox Easter ntawm Australia, li tej neeg Greek Orthodox, Russian Orthodox thiab Macedonian Orthodox. Credit: LOUISE BEAUMONT/Getty Images
Ms Baker tshab txhais tias “Ces tej kab lis kev cai no thiaj ua rau yuav tau siv tej khoom yus muaj hauv yus tej txee txhab khoom no coj los ua noj rau lub caij ua lub koom txoos no.”
Nws hais tias cov kev qhia me nyuam yaus ua pancake kuj yog tej yam yuav pab kom tej me nyuam muaj feem koom thiab.
“Yeej ib txwm yog ib co koom txoo uas ib yig neeg twg koom, tab sis kuj caw tej neeg ib puag ncig yus ua tej panckes no rau hnub ntawd thiab kuj tsis muaj dab tsi txawv rau tej yus ua no thiab.”
Yog lub caij muaj kev sib ntsib sib cuag
Yog lub caij tej neeg mus camping los yog mus koom ib co koom txoos twg, thiab yeej ib txwm yog lub caij tej neeg mus holiday los yog muaj ntau txoj xub ke ua kev lom zem rau lub caij tej neeg Australia ua koom txoos Easter.
Ms Corrie los yeej zoo tib yam li coob leej ntau tus neeg Sydney uas yeej tseem nco tau thaum nws tseem yog ib tug me nyuam yaus tias nws tsev neeg yeej tau mus koom lub koom txoos Easter Show (Sydney Royal Easter Show), uas yog ib lub koom txoos ua kev zoo siab rau tej zejzog ua liaj ua teb thiab.
“Yog tej yam ua rau tej neeg kub siab thiab xav paub xav pom heev. Peb yeej tau pom txog ntau yam txog tej zos yaj sab, tej paj, thiab tej txuj ntau yam coj los tso rau epb saib, thiab yeej pom muaj tej txuj txhib taws los sis kuj tau muaj cib fim khaws qee cov piv txwv ntoo coj los ua qee yam projects ntawm peb tej teej kawm. Thiab peb yeej tau cov hnab ntim tej khoom easters uas muaj ntau yam ua rau peb zoo siab thiab muaj tej khoom kob thaj thiab tej qos yaj ywm kib nrog.”
Lub koom txoos Sydney Royal Easter Show ces ua ntev txog 2 limtiam thiab kuj yog Australia lub koom txoos loj tshaj plaws uas ua ib xyoos ib zaug thiab muaj neeg coob tshaj 800,000 tus mus koom. Credit: Mark Metcalfe/Getty Images
Murray Wilton uas yog tus General Manager ntwm lub koom txoos Agriculture and Sydney Royal Easter Show hais tias “Tau muaj kev txiav txim siab rau lub caij xyoo 1890s los ua lub koom txoos no rau lub caij Easter, thiab tos ua los vim yog lub caij so rau cov hnub so ntev ntau hnub. Thiab kuj yog lub cib fim rau tej neeg ho tso tseg lawv tej lagluam thiab ncaim tej liaj teb rau lub caij ob peb hnub. Ces thiaj tau ras los ua lub caij uas muaj kev ua kev zoo siab rau lub koom txoos ua rau lub caij Easter no lawm.”
Lub koom txoos no los yeej zoo tib yam li lwm cov koom txoos Easter ntawm Australia thiab uas yeej muaj tej tsheb rau sawv daws caij, muaj games rau sawv daws koom, muaj ntau yam cuam tshuam txog tej tsiaj txhu thiab muaj ntau cov kev sib tw.
Mr Wilton hais tias lub koom txoos Sydney Royal Easter Show ces yeej yog lub koom txoos ua raws li lub tswv yim uas Australia muaj ntau tsav neeg coj ntseeg ntau yam kab lis kev cai, ces tej neeg npaj tej koom txoos no thiaj npaj hnub Australian Citizenship Day uas ua ib xyoos ib zaug twg thiab.
''Ces tej neeg thiaj tau nrog tej neeg ua liaj ua teb phaum plaub los yog phaum tsib tham. Thiaj yog tej yam zoo uas pom tag nrhot ej zejzog no tau mus sib sau ua ke rau lub caij 12 hnub, vim yog tej yam zoo coj los txhawb nqa Australia tej kab lis kev cai ua liaj ua teb thiab.''
Thiaj tsis ua li cas li txawm tias yus tuaj lub teb chaws twg tuaj li, los yeej tsis ua li cas txawm yus ntseeg hom kev ntseeg twg, lub koom txoos Sydney Royal Easter Show no yeej qhib rooj lub tos txais sawv daws.Murray Wilton
Raws li Ms Baker hais ces, Easter yog lub cib fim rau cov kev sib cuag nrog lwm tus thiab yog cov kev ua kev zoo siab coj los txhawb nqa kom tej neeg muaj feem koom thiab mloog tau tias yog ib feem ntawm tej zejzog thiab kom tau txais kev noj qab nyob zoo.
“Tsis hais yog ntau pawg neeg zejzog, tej teej kawm, tej nom tswv zejzog los yog tej kiab khw los sis ib cov koom txoos twg. Lub caij so plaub hnub no thiaj yog ib lub cib fim mus koom koj tej zejzog thiab mus ntsib lwm tus neeg. Yog li Easter los yog peb lwm cov koom txoos ua kev zoo siab, tsis hais yog koom txoos kev ntseeg, koom txoo cuam tshuam txog tej kab lis kev cai los yog koom txoos rau zej tsoom, yeej yog ib lub tswv yim pab kom tej neeg tau sib ntsib thiab muaj kev ua kev zoo siab rau peb cov kev tau sib ntsib thiab peb tsev neeg xwb..”
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
