اسپورٹس راونڈ اپ: پاکستان کے ہیرو ارشد ندیم نے چالیس سال بعد پاکستان کے لیے گولڈ میڈل جیت لیا

سیاسی کشیدگی ،بنگلہ دیش اے کرکٹ ٹیم کا دورہ پاکستان تاخیر کا شکار اور وقار یونس نے ایک بار پھر پاکستان کرکٹ بورڈ کو جوائن کر لیا

PARIS, FRANCE - AUGUST 08: Arshad Nadeem of Team pakistan celebrates winning Gold in the Men's Javelin on day thirteen of the Olympic Games Paris 2024 at Stade de France on August 08, 2024 in Paris, France. (Photo by Ian MacNicol/Getty Images) Credit: Ian MacNicol/Getty Images

پیرس اولمپکس میں پاکستان کے ایتھلیٹ ارشد ندیم نے تاریخ رقم کر دی ارشد ندیم نے اولمپکس میں 40 سال بعد گولڈ میڈل جیت کر جمود توڑ دیا ہے ارشد ندیم نے جیولن تھرو میں پاکستان کو یہ گولڈ میڈل جتوایا ۔ پیرس اولمپکس میں مینز جیولین تھرو ایونٹ کے فائنل میں ارشد ندیم نے92.97 میٹر کی تھرو کرکے اولمپک ریکارڈ بناتے ہوئے یہ اعزاز حاصل کیا ہے۔

روایتی حریف بھارت کے نیرج چوپڑا نے دوسری پوزیشن کے ساتھ سلور میڈل جیتا ۔ ارشد ندیم پہلے پاکستانی ہیں جنہوں نے تاریخ میں پہلا انفرادی گولڈ میڈل حاصل کیا ہے اس سے قبل پاکستان ہاکی ٹیم نے 1984 میں گولڈ اور 1992 میں سلور میڈل جیتا تھا ۔ اولمپکس مقابلوں کی تاریخ میں پاکستان اب تک گیارہ میڈل جیت چکا ہے جن میں چار گولڈ ، تین سلور اور چار برونز شامل ہیں

PARIS, FRANCE - AUGUST 06: Arshad Nadeem of Team Pakistan competes during the Men's Javelin Throw Qualification on day eleven of the Olympic Games Paris 2024 at Stade de France on August 06, 2024 in Paris, France. (Photo by Patrick Smith/Getty Images) Credit: Patrick Smith/Getty Images

اولمپئین رشید الحسن نے ایس بی ایس اردو سے گفتگو کرتے ہوئے کہا کہ پاکستان کی تاریخ کا بہت بڑا دن ہے پاکستان نے چالیس سال بعد اولمپکس میں گولڈ میڈل حاصل کیا ہے یہ گولڈ میڈل انفرادی حیثیت میں جیتا گیا ہے اس کی تو بات ہی الگ ہے ارشد ندیم نے اولمپکس کی ہسٹری میں ایک منفرد اعزاز اپنے نام کیا ہے ارشد ندیم کی جتنی بھی تعریف کی جائے وہ کم ہے، اولمپئن ہونے کے ناطے میں ارشد ندیم کی کامیابی پر بہت خوش ہوں. کھیلوں سے ملک کا نام روشن ہوتا ہے اور دنیا میں پازیٹو امیج جاتا ہے. ارشد ندیم کو مبارکباد پیش کرتا ہوں کہ انہوں نے پوری دنیا میں پاکستان کا پرچم لہرایا۔

ادھر پاکستان ایتھلیٹکس فیڈریشن کے صدر بریگیڈیئر ریٹائرڈ وجاہت حسین نے اولمپکس میں گولڈ میڈل جیتنے پر پوری قوم کو مبارکباد دی ہے

PARIS, FRANCE - AUGUST 08: Gold medalist, Arshad Nadeem of Pakistan celebrates victory during the Men's Javelin Throw on day thirteen of the Olympic Games Paris 2024 at Stade de France on August 8, 2024 in Paris, France. (Photo by Xavier Laine/Getty Images) Credit: Xavier Laine/Getty Images

بنگلہ دیش میں سیاسی کشیدگی کے باعث بنگلہ دیش اے کرکٹ ٹیم کا دورہ پاکستان تاخیر کا شکار ہوگیا ہے۔ نئے شیڈول کے مطابق بنگلہ دیش کی اے کرکٹ ٹیم اب دس اگست کو پاکستان پہنچے گی جہاں دو چار روزہ اور تین ون ڈے میچز پر مشتمل سیریز کھیلی جائے گی تمام میچز اسلام آباد کلب میں کھیلے جائیں گے۔

اس سے قبل بنگلہ دیش کی ٹیم نے سات اگست کو پاکستان آنا تھا سیریز کی تیاریوں کے لیے پاکستان شاہینز کا تربیتی کیمپ اسلام آباد میں جاری ہے پاکستان شاہینز کے وکٹ کیپر بیٹر سرفراز احمد نے کہا کہ اسلام آباد کا موسم ہمیشہ سے اچھا ہوتا ہے ہماری تیاری بھی اچھی ہو جائے گی. یہ بہت اچھی بات ہے کہ ڈومیسٹک کرکٹ اور پاکستان شاہینز کے کھلاڑیوں کو پرفارمنس دکھانے پر نیشنل ٹیم میں جگہ مل رہی ہے۔

Bangladesh's Soumya Sarkar (C) celebrates New Zealand's Adi Ashok being caught with team mates Litton Kymer Das (L) and Rishad Hossain (R) during the third one-day international (ODI) cricket match between New Zealand and Bangladesh at McLean Park in Napier on December 23, 2023. (Photo by Marty MELVILLE / AFP) (Photo by MARTY MELVILLE/AFP via Getty Images) Source: AFP / MARTY MELVILLE/AFP via Getty Images

ادھر فاسٹ بولر نسیم شاہ کا کہنا تھا کہ تیرہ ماہ سے ریڈ بال کرکٹ نہیں کھیلا ایک لمبے عرصے کے بعد کھیلنا آسان نہیں ہوتا ہے انجری کے بعد بولنگ کے اسپیل لوڈ کو آہستہ آہستہ بڑھا رہاہوں غیرملکی کوچ کے ساتھ زبان کا مسئلہ ہوتاہے بطور پروفیشنل اپنی فٹنس کا خیال رکھنا پڑتاہے، زبردستی کسی کی فٹنس اچھی نہیں کی جاسکتی

پاکستان کرکٹ ٹیم کے سابق کپتان وقار یونس کی ایک بار پھر کرکٹ بورڈ میں انٹری ہوگئی ہے پی سی بی کے چیئرمین محسن نقوی نے کرکٹ کی بہتری کے معاملات وقار یونس کو سونپ دیے ہیں وقار یونس نے چیئرمین محسن نقوی کے ایڈوائزر کے طور پر بورڈ میں کام شروع کر دیا ہے۔

KOLKATA, INDIA - NOVEMBER 11: Former Pakistan bowler and television commentator Waqar Younis during the ICC Men's Cricket World Cup India 2023 between England and Pakistan at Eden Gardens on November 11, 2023 in Kolkata, India. (Photo by Gareth Copley/Getty Images) Credit: Gareth Copley/Getty Images

لاہور میں پریس کانفرنس کرتے ہوئے وقار یونس کا کہنا تھا کہ چیئرمین پی سی بی محسن نقوی کا شکریہ کہ انھوں نے میرے اوپر اعتماد ظاہر کیا، کرکٹ کے حالات سب کے سامنے ہیں ہمیں اپنے کھیلنے کا طریقہ ٹھیک کرنا پڑے گا، یہ بہت اچھا کانسیپٹ ہے کہ بڑے کھلاڑیوں اور لیجنڈز کو اس کام میں شامل کیا جائے اور ان کو ہی ذمہ داریاں دی جائیں کیونکہ کرکٹرز نے کرکٹ نا سنبھالی تو کرکٹ اور نیچے چلی جائے گی اور میری کرکٹ لیجنڈز سے بات بھی چل رہی ہے، شروع ٹی ٹونٹی کرکٹ سے کریں گے پھر ون ڈے کرکٹ اور فور، فائیو ڈے کرکٹ پر جائیں گے۔

(رپورٹ: انس سعید)