کچھ آسٹریلوی مسافر اگلے سال جنوری سے امریکہ کے کسٹمز اور امیگریشن کے ذریعے فوری رسائی کے لیے درخواست دے سکیں گے کیونکہ گلوبل انٹری پروگرام پہلے سے اجازت یافتہ مسافروں کو امریکہ کے بڑے ہوائی اڈوں پر تیز تر امیگریشن اور کسٹم چینلز تک رسائی کی اجازت دیتا ہے۔
اس پر تبصرہ کرتے ہوے آسٹریلوی وزیر خارجہ پینی وونگ نے کہا:"گلوبل انٹری پروگرام میں شمولیت ہمارے دونوں ممالک کے درمیان تعلقات کی قربت اور مضبوطی کی علامت ہے۔"
یاد رہے کہ برطانیہ، سنگاپور اور جنوبی کوریا سمیت 15 ممالک کے شہریوں کو پہلے ہی گلوبل انٹری پروگرام تک رسائی حاصل ہے۔
وزیر خارجہ کے بقول محدود تعداد میں آسٹریلوی شہری جو اکثر امریکہ کا سفر کرتے ہیں جنوری 2025 میں درخواست دے سکیں گے۔
آسٹریلیا کے مالیاتی جائزے کے مطابق، تقریباً 1,000 آسٹریلیائی باشندے جنہوں نے گزشتہ 12 مہینوں میں کم از کم 5 بار امریکہ کا سفر کیا ہے، انہیں پہلی بار فوری طور پر اولیت دی جائے گی۔
پروگرام کے دوسرے مرحلے کے تحت لامحدود تعداد میں فوری درخواست جمع کی جاسکے گی، جس کے لیے پہلے آسٹریلیا کی وفاقی پارلیمنٹ سے قانون سازی کی ضرورت ہوتی ہے۔ درخواست دہندگان کو پس منظر کی سخت جانچ اور ذاتی انٹرویو سے گزرنا ہوگا۔
امریکی ہوم لینڈ سیکیورٹی کی ویب سائٹ گلوبل انٹری پروگرام کے لیے US$100 ($153) ڈالرز اور TSA پری چیک پروگرام کے لیے US$77.95 ($119.25) فیس متعین کی گئی ہے۔
