ශ්‍රී ලංකා ක්‍රිකට් ක්‍රීඩාවේ සිදුවූ දූෂණ සහ අක්‍රමිකතා සෙවීම සඳහා ජාත්‍යන්තර ක්‍රිකට් කවුන්සිලය විසින් පූර්ණ කාලීන දූෂණ මර්දන කාර්යාලයක් ශ්‍රී ලංකාවේ ස්ථාපිත කිරීමට තීරණය කර ඇති බව ක්‍රීඩා අමාත්‍ය හරීන් ප්‍රනාන්දු මහතා පවසයි.
ඊයේ (31/12) දිනයේදී ක්‍රීඩා අමාත්‍යංශයේ පැවති මාධ්‍ය හමුවකදී අමාත්‍යවරයා මේ බව පැවසීය.
පසුගිය 27 වනදා අයි.සී.සී දූෂණ මර්දන ඒකකයේ සාමාන්‍යාධිකාරී ඇලෙක්ස් මාර්ෂල් මහතා සහ තමන් අතර පැවති සකච්ඡාවකදී මාර්ෂල් මහතා මේ බව සඳහන් කළ බව හරීන් ප්‍රනාන්දු අමාත්‍යවරයා පැවසීය.
මේ අතර ක්‍රීඩක ක්‍රීඩිකාවන්ගේ ප්‍රශ්න වලට සවන් දෙන Ombudsman වරයෙක් ක්‍රීඩා අමාත්‍යාංශය යටතේ නව වසරේ සිට පත් කරන බවද ඔහු එහිදී වැඩි දුරටත් පැවසීය.
