නව අගවිනිසුරු, වැඩබලන නීතිපති, වැඩබලන පොලිස්පති සහ නව විගණනාධිපති ඇතුළු නව පත්කිරීම් කිහිපයක් ජනාධිපති මෛත්රිපාල සිරිසේන මහතා විසින් අද (අප්රේල් 29) ජනාධිපති ලේකම් කාර්යාලයේදී සිදු කරන ලදී.
ඒ අනුව නීතිපති ජයන්ත ජයසූරිය මහතා නව අගවිනිසුරු ලෙස ජනාධිපති මෛත්රීපාල සිරිසේන මහතා ඉදිරියේ දිවුරුම් දුන්නේය. ඒ අනුව වැඩ බලන නීතිපතිවරයා වශයෙන් සොලිස්ටර් ජෙනරාල් ජනාධිපති නීතිඥ දප්පුල ද ලිවේරා මහතා පත්කර තිබේ.
වැඩබලන පොලිස්පතිවරයා වශයෙන් ජ්යෙෂ්ඨ නියෝජ්ය පොලිස්පති සී.ඩී. වික්රමරත්න මහතා දිවුරුම් දී ඇති අතර පොලිස්පති පූජිත් ජයසුන්දර මහතා අනිවාර්ය නිවාඩු යවා ඇති බව වාර්තා වෙයි
මේ අතර අතිරේක විගණාධිපති චූලන්ත වික්රමරත්න මහතා නව විගණකාධිපතිවරයා වශයෙන් ජනාධිපති මෛත්රීපාල සිරිසේන මහතා විසින් පත් කළ අතර ඔවුන්ට අදාළ පත්වීම් ලිපි ජනාධිපති ලේකම් කාර්යාලයේ දී ජනාධිපති මෛත්රීපාල සිරිසේන මහතා අතින් ප්රදානය කිරීම සිදු කෙරිණ.
sources
President media unit - Sri Lanka
SBS correspondent - Nadeeka Bandara