ඔස්ට්‍රේලියානු වෙළෙඳ පොලට නිකුත් කළ ස්ට්‍රෝබෙරි වල තිබී ඉඳිකටු හමු වීමේ සිද්ධීන් කිහිපයක් පසුගිය සතියේදී වික්ටෝරියානු, ටස්මේනියා සහ ක්වීන්ස්ලන්ත ප්‍රාන්ත වලින් වාර්තා වූ අතර, තවත් එවැනි සිදුවීමක් දකුණු ඕස්ට්‍රේලියානු ප්‍රන්තයෙන්ද වාර්තා වී තිබේ.
ස්ට්‍රෝබෙරි වල තිබී ඉඳිකටු හමුවූ පස්වන ඔස්ට්‍රේලියානු ප්‍රාන්තය ලෙසද දකුණු ඔස්ට්‍රේලියාව වාර්තා වේ.
පොලිසිය මේ පිලිබදව සොයා බැලීමට මේ වන විටත් විශේෂ පරීක්ෂණයක් ආරම්භ කර ඇති අතර, ජාතික ආහාර සුරක්ෂිතතා ආයතනයටද මේ පිළිබඳ පරීක්ෂණයක් පවත්වන ලෙස සෞඛ්‍ය ඇමති Greg Hunt විසින් නියෝග ලබාදී තිබේ.
මේ අතර ඔස්ට්‍රේලියාවේ වෙළෙඳපොල තුළ අලෙවියට ඇති ස්ට්‍රෝබෙරි ආහාරයට ගැනීමට පෙර ඒවා කපා පරීක්ෂා කර ආහාරයට ගන්නා ලෙස බලධාරීන් සියලු පාරිභෝගිකයින්ට දැනුම් දෙයි.
Source: SBS
ස්ට්‍රෝබෙරි වල තිබී ඉඳිකටු හමු වීම හේතුවෙන් Berry Obsession සහ Berry Licious නාමයන් ඇති ස්ට්‍රෝබෙරි දැනටමත් යම් පාරිභෝගිකයෙකු ඇත්නම් ඒවා ආහාරයට නොගෙන ඉවත දමන ලෙසටද සෞඛ්‍ය බලධාරීන් නිවේදනය කර සිටී.
