ශ්‍රී ලංකාවේ සුපිරි බොක්සිං ක්‍රීඩිකා අනූෂා කොඩිතුවක්කු ඔස්ට්‍රේලියාවේ පැවැත්වෙන පොදු රාජ්‍ය මණ්ඩලයීය ක්‍රීඩා උළෙලේ කිලෝග්‍රෑම් 45 – 48 කාන්තා බොක්සිං තරග ඉසව්වේ ලෝකඩ පදක්කම දිනා ගැනීමට ඊයේ (11/04) සමත් විය.
ඊයේ පැවති අවසන් පූර්ව තරගයේදී ඉන්දියාවේ බොක්සිං ශූරිය ලෙස විරුදාවලිය ලත් ඔලිම්පික් ලෝකඩ පදක්කම් ලාභීනී මේරි කොම් සමග පැවැති තරගයේදී ඇය අතින් පරාජයට පත්වූ අනුෂා මෙලෙස කිලෝග්‍රෑම් 45 – 48 කාන්තා බොක්සිං තරග ඉසව්වේ ලෝකඩ පදක්කම දිනා ගැනීමට සමත් විය.
කෙසේවෙතත්, අනුෂා, මේරි කොම් හට තියුණු තරගයක් අවසානය තෙක්ම ලබා දුන් අතර වැඩි දක්ෂතාවක් ප්‍රදර්ශනය කළ මේරී කොම්
තරගයේ ජය තහවුරු කර ගත්තා ය.
බොක්සිං තරගවල තුන්වන ස්ථානය සඳහා තරගයක් නොපැවැත්වීම හේතුවෙන් අවසන් පූර්ව වටයේදී පරාජය වන ක්‍රීඩකයින් හා ක්‍රීඩිකාවන්ට ලෝකඩ පදක්කම හිමි වේ.
Source: Commonwealth Games
පසුගිය 8 වැනිදා පැවති අර්ධ අවසන් පුර්ව තරගයේදී කේමන් දුපත් හී Brandy Barnes පරාජයට පත් කල අනුෂා අවසන් පුර්ව තරගයට සුදුසකම් ලබන්නට සමත් විය.
මේ අනුව 1950 වසරෙන් පසු ජාත්‍යන්තර තරගාවලියකදී ශ්‍රී ලංකාවට පළමු වරට කාන්තා බොක්සිං තරගයකදී පදක්කමක් දිනා දුන් ක්‍රීඩිකාව ලෙසද අනූෂා කොඩිතුවක්කු වාර්තා අතරට එක් වෙයි.
