2019 ලෝක කුසලාන ක්රිකට් තරගාවලියේ පිරි නමන තෑගී මුදල් පිළිබඳ ICC ය නිල වශයෙන් නිවේදනය කර තිබේ.
ඒ අනුව මෙවර ක්රිකට් ලෝක කුසලානය දිනාගන්නා කණ්ඩායමට කුසලානයට අමතරව ඇමෙරිකානු ඩොලර් මිලියන 4 ක ත්යාග මුදලක් හිමිවන අතර අනුශූරයින්ට ඇමෙරිකානු ඩොලර් මිලියන 2 ක ත්යාග මුදලක් හිමි වේ.
එමෙන්ම සෙසු කණ්ඩායම් 8 ට ඇමෙරිකානු ඩොලර් ලක්ෂ 8 බැගින් පිරි නැමීමට ද ICC ය තීරණය කර තිබේ.
එළඹෙන මැයි 30 වන දින ආරම්භ වන මෙවර ලෝක කුසලාන ක්රිකට් තරගාවලියේ අවසන් මහා තරගය ජූලි 14 වන දින එංගලන්තයේ Lords ක්රීඩාංගනයේදී පැවැත්වේ.
කණ්ඩායම් 10 ක් තරග වදින මෙවර ලෝක කුසලාන ක්රිකට් තරගාවලියේ ශ්රී ලංකාව මුහුණ දෙන පළමු තරගය ජුනි 01 වන දින නවසීලන්තය සමග Wales හි Cardiff ක්රීඩාංගනයේදී පැවැත්වේ.