පැමිණෙන සංක්‍රමණිකයින් හට අදාළ ප්‍රාදේශීය ප්‍රදේශ වලම රැදී සිටිය යුතු ලෙස බල කිරීමට ඔස්ට්‍රේලියානු රජය සූදානම් වේ.
ප්‍රාදේශීය නිපුණතා වීසා හරහා ඔවුන් ඔස්ට්‍රේලියාවට සංක්‍රමණය වී ස්ථිර පදිංචිය ලබා ගත් පසුවද මෙලෙස ඔවුන් අදාළ ප්‍රාදේශීය ප්‍රදේශ වලම සිටිය යුතු බවට බල කිරීමට රජය සැරසෙන බව ඔස්ට්‍රේලියානු රජයේ නවතම වාර්තාවක් දක්වයි.
ස්ථිර පදිංචිය ලැබීමෙන් පසුව තීරණය වෙනස් කරයි.
ප්‍රාදේශීය නිපුණතා වීසා හරහා ඔස්ට්‍රේලියාවට පැමිණෙන බොහෝ සංක්‍රමණිකයින් තමන්ගේ ස්ථිර පදිංචිය ලැබුණු පසුව වැඩි කලක් අදාළ ප්‍රාදේශීය ප්‍රදේශ වල වාසය නොකරන බවත් ඔවුන් ප්‍රධාන නාගරික කලාප වලට ඇදී එන බවත් ඔස්ට්‍රේලියාවේ බහු සංස්කෘතික කටයුතු අමාත්‍ය Alan Tudge, Daily Telegraph පුවත්පතට පැවසීය.
මේ ක්‍රියාව හේතුවෙන් ප්‍රාදේශීය ප්‍රදේශ වල ශ්‍රම හිඟයක් ඇතිවීමේ ඉඩ කඩක් නිර්මාණය වී ඇති බවද ඔහු පෙන්වා දෙයි.
Avustralya federal hükümeti, yeni göçmenleri kırsal bölgelere yetleştirmek istiyor. Source: SBS
ඔස්ට්‍රේලියාවේ ප්‍රාදේශීය වීසා
ඔස්ට්‍රේලියාවේ ප්‍රාදේශීය ප්‍රදේශ වල සේවය කිරීමට කැමති උදවිය සඳහා ඔස්ට්‍රේලියාව ක්‍රියාත්මක කරන වීසා වර්ග ඇත්තේ ඉතා අතළොස්සකි.
ඒ අතරින් Skilled Regional (887) සහ Regional Sponsored Migration Scheme (187) යන වීසා ප්‍රධාන ස්ථානයක් සහ ජනප්‍රියත්වයක් උසුලයි.
මෙම වීසා යටතේ අදාළ අයදුම්කරුවන්ට එම ප්‍රාදේශීය ප්‍රදේශ වල වසර කිහිපයක් සේවය කිරීම අනිවාර්ය කෙරෙන අතර නොකඩවා සේවයට වාර්තා කිරීම සඳහා දිරි දීමක් වශයෙන් එක පසෙකින් ඔවුන්ට ඔස්ට්‍රේලියාවේ ස්ථිර පදිංචිය ලබා ගැනීමට යා හැකි මාර්ගයක්ද ඒ හරහා සකස් කර දෙයි.
නමුත් ස්ථිර පදිංචිය ලැබුණු විගස අදාළ ප්‍රාදේශීය ප්‍රදේශ වල රැදිය යුතු හා සේවය කළ යුතු යනාදී බැදීම් සහ නීති බල නොපැවැත්වෙන හෙයින් බහුතරයක් සංක්‍රමණිකයින් එම ප්‍රදේශ හැර යයි.
Source: Getty Images
ස්වදේශ කටයුතු දෙපාර්තමේන්තුවේ සැලැස්ම
ඔස්ට්‍රේලියාවේ ප්‍රාදේශීය කලාප වෙත ප්‍රාදේශීය වීසා හරහා පැමිණෙන සංක්‍රමණිකයින් එම ප්‍රදේශ වලම රඳවා තබා ගැනීමට ඔස්ට්‍රේලියාවේ ස්වදේශ කටයුතු දෙපාර්තමේන්තුව විසින් මෙම සැලැස්ම පිළියෙළ කරමින් පවතී.
නමුත් රට තුළ සංක්‍රමණය වීමේ දිගු කාලීන නිදහස යටතේ මෙම නීති බන්ධන අභියෝගයකට ලක් වීමට ඉඩ ඇති බව ස්වදේශ කටයුතු දෙපාර්තමේන්තු ප්‍රධානී Michael Pezzullo සෙනට් කමිටුවට පවසා තිබේ.
නමුත් එය එතරම් බරපතල ගැටළුවක් නොවන්නට ද ඉඩ ඇති බව එහිදී පැවසිණි.
ප්‍රාදේශීය කලාප වල සමාගම් අදාළ සංක්‍රමණිකයින් හට අනුග්‍රාහකත්වය පවා දක්වා තිබියදී එම සමාගම් සහ ප්‍රදේශ හැරදා නගර වෙත සංක්‍රමණය වීම ඉතා කණගාටුදායි කරුණක් බව පවුල් කටයුතු පිළිබඳ සහකාර අමාත්‍ය නැෂනල්ස් පක්ෂ මන්ත්‍රී David Gillespie පැවසීය.
Source: Home Affairs
"අපිට මේ රටේ ඕනෑම තැනක ජීවත්වීමට අයිතිය තිබෙනවා. නමුත් ඔබට වීසා ලැබුණේ ප්‍රාදේශීය කලාප වල ගිහින් සේවය කරන්න. නමුත් මෙය නිසි පරිදි වෙන්නේ නැහැ. මිනිස්සු මේ ක්‍රමය වැරදි විදියට ප්‍රයෝජනයට අරගෙන" යනුවෙන් ඔහු වැඩි දුරටත් පැවසුවේය.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්‍රහස්පතින්දා, සිකුරාදාපෙ.ව 11 සිට 12 දක්වා
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්‍රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
“SBS සිංහල ගුවන් විදුලිය - සමස්ත ඔස්ට්‍රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
