ਭਾਰਤ ਦੀ ਕੌਮੀ ਨਸ਼ਾ ਵਿਰੋਧੀ ਏਜੇਂਸੀ ਨੇ ਬੀਤੇ ਹਫਤੇ ਇੱਕ ਕੌਮਾਂਤਰੀ ਨਸ਼ਾ ਤਸਕਰੀ ਗਿਰੋਹ ਦੇ ਮੈਂਬਰਾਂ ਨੂੰ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ ਹੈ ਜੋ ਕਿ ਹੋਰਨਾਂ ਦੇਸ਼ਾਂ ਤੋਂ ਅਲਾਵਾ ਆਸਟ੍ਰੇਲੀਆ ਵਿੱਚ ਨਸ਼ਾ ਤਸਕਰੀ ਵਿੱਚ ਕਥਿਤ ਤੌਰ ਤੇ ਸ਼ਾਮਲ ਸਨ।
ਨਾਰਕੋਟਿਕਸ ਕੰਟਰੋਲ ਬਿਊਰੋ ਵੱਲੋਂ ਫੜੇ ਕਥਿਤ ਦੋਸ਼ੀਆਂ ਵਿੱਚ ਪੰਜ ਭਾਰਤੀ, ਦੋ ਨਾਇਜੀਰਿਅਨ, ਇੱਕ ਅਮਰੀਕੀ ਅਤੇ ਇੱਕ ਇੰਡੋਨੇਸ਼ੀਆ ਦੇ ਨਾਗਰਿਕ ਸ਼ਾਮਲ ਹਨ। ਦੱਸਿਆ ਗਿਆ ਹੈ ਕਿ ਇਹ ਵਿਅਕਤੀ ਜਿਸ ਗਿਰੋਹ ਨਾਲ ਸਬੰਧਤ ਹਨ ਉਹ ਬੀਤੇ ਜੂਨ ਮਹੀਨੇ ਵਿੱਚ ਭਾਰਤ ਤੋਂ 55 ਕਿਲੋ ਕੋਕੇਨ ਆਸਟ੍ਰੇਲੀਆ ਭੇਜਣ ਲਈ ਜਿੰਮੇਦਾਰ ਸੀ।
ਇੱਕ ਭਾਰੀ ਮਸ਼ੀਨਰੀ ਵਿੱਚ ਲਕੋ ਕੇ ਸਮੁੰਦਰ ਦੇ ਰਾਹੀਂ ਭੇਜਿਆ $20 ਮਿਲੀਅਨ ਦਾ ਨਸ਼ਾ ਆਸਟ੍ਰੇਲੀਆ ਦੀ ਬਾਰਡਰ ਫੋਰਸ ਵੱਲੋਂ ਬਰਾਮਦ ਕਰ ਲਿਆ ਗਿਆ ਅਤੇ ਇਸ ਸਬੰਧ ਵਿੱਚ ਤਿੰਨ ਸਿਡਨੀ ਨਿਵਾਸੀਆਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ।
The ABF said 55 kg cocaine was found stuffed in the cavity of this machine in July 2019. Source: ABF
ਸ਼੍ਰੀ ਝਾਅ ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਪਹਿਲਾਂ ਇੱਕ ਭਾਰਤੀ ਨਾਗਰਿਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਜੋ ਕਿ ਦੱਸ ਸਾਲ ਆਸਟ੍ਰੇਲੀਆ ਵਿੱਚ ਰਹਿ ਚੁੱਕਿਆ ਹੈ ਅਤੇ ਉਸ ਨੇ ਕਥਿਤ ਤੌਰ ਤੇ ਆਸਟ੍ਰੇਲੀਆ ਵਿੱਚ ਆਪਣੇ ਸਬੰਧਾਂ ਰਾਹੀਂ ਤਸਕਰੀ ਦੀ ਇਸ ਘਟਨਾ ਨੂੰ ਨੇਪਰੇ ਚਾੜ੍ਹਨ ਦੀ ਕੋਸ਼ਿਸ਼ ਕੀਤੀ ਸੀ।
ਓਹਨਾ ਇਹ ਵੀ ਦੱਸਿਆ ਕਿ ਇਸ ਕਥਿਤ ਗਿਰੋਹ ਦਾ ਸਰਗਨਾ ਪੰਜਾਬੀ ਮੂਲ ਦਾ ਇੱਕ ਕੈਨੇਡੀਅਨ ਨਾਗਰਿਕ ਹੈ ਜੋ ਗਿਰੋਹ ਦੇ ਕਈ ਹੋਰ ਮੈਂਬਰਾਂ ਸਮੇਤ ਕੈਨੇਡਾ ਰਹਿੰਦਾ ਹੈ ਅਤੇ ਪਹਿਲਾਂ ਵੀ ਪੰਜਾਬ ਵਿੱਚ ਉਸ ਵਿਰੁੱਧ ਨਸ਼ਾ ਤਸਕਰੀ ਦੇ ਮਾਮਲੇ ਚੱਲ ਰਹੇ ਹਨ।