ਬਾਰਡਰ ਫੋਰਸ ਅਧਿਕਾਰੀਆਂ ਨੇ ਬ੍ਰਿਸਬੇਨ ਏਅਰਪੋਰਟ ਉੱਤੇ ਨੌਂ ਭਾਰਤੀ ਵਿਅਕਤੀਆਂ ਤੋਂ ਆਸਟ੍ਰੇਲੀਆ ਵਿੱਚ ਮਨੁੱਖੀ ਤਸਕਰੀ ਦੇ ਕਥਿਤ ਦੋਸ਼ਾਂ ਹੇਠ ਪੁੱਛ ਪੜਤਾਲ ਕੀਤੀ ਹੈ।
ਇਸ ਸਬੰਧੀ ਆਸਟ੍ਰੇਲੀਅਨ ਫੈਡਰਲ ਪੁਲਿਸ ਨੇ ਵੀ ਕੱਲ ਰਾਤ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਸੀ।
ਏਬੀਸੀ ਅਨੁਸਾਰ ਸ਼ੱਕ ਹੈ ਇਹ ਵਿਅਕਤੀ ਕਾਮਨਵੈਲਥ ਖੇਡਾਂ ਵਿੱਚ 'ਅਖੌਤੀ ਪੱਤਰਕਾਰ' ਬਣਕੇ ਆਸਟ੍ਰੇਲੀਆ ਵਿੱਚ ਦਾਖਿਲ ਹੋਣਾ ਚਾਹੁੰਦੇ ਸਨ।
ਇਹਨਾਂ ਵਿਚੋਂ ਅੱਠ ਲੋਕਾਂ ਨੂੰ ਮੁੜ ਭਾਰਤ ਭੇਜ ਦਿੱਤਾ ਗਿਆ ਹੈ ਤੇ ਨੌਵੇਂ ਵਿਅਕਤੀ ਨੂੰ 'ਮਨੁੱਖੀ ਤਸਕਰੀ' ਦੇ ਕਥਿਤ ਦੋਸ਼ਾਂ ਤਹਿਤ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਹੈ।
੪੬ ਸਾਲਾ ਰਾਕੇਸ਼ ਕੁਮਾਰ ਸ਼ਰਮਾ ਨਾਂ ਦੇ ਇਸ ਵਿਅਕਤੀ ਨੂੰ ਜਦ ਪੁੱਛਿਆ ਗਿਆ ਕਿ ਕੀ ਉਸਨੂੰ ਅੰਗਰੇਜ਼ੀ ਆਓਂਦੀ ਹੈ ਤਾਂ ਉਹ ਚੁੱਪ-ਚਾਪ ਖੜ੍ਹਾ ਰਿਹਾ।
ਅਗਲੀ ਪੇਸ਼ੀ ੬ ਅਪ੍ਰੈਲ ਨੂੰ ਇੱਕ ਹਿੰਦੀ ਦੁਭਾਸ਼ੀਆਏ ਦੀ ਹਾਜਰੀ ਵਿੱਚ ਹੋਵੇਗੀ।
ਇਸ ਸਬੰਧੀ ਹੋਰ ਵੇਰਵੇ ਦੀ ਉਢੀਕ ਹੈ....