सोमबार ४ जनवरीदेखि मास्क नलगाएको खण्डमा २०० डलर जरिवाना तिर्नु पर्ने हुन्छ। १२ वर्ष भन्दा मुनिका बालबच्चाहरूलाई मास्क अनिवार्य नभए तापनि, सम्भव भएसम्म सबैलाई मास्क लगाउन न्यु साउथ वेल्सका अधिकारीहरूले आग्रह गरेका छन्।
आतिथ्य उद्योगका सबै कर्मचारीहरूले र क्यासिनोमा काम गर्ने मानिसहरूले पनि मास्कको प्रयोग गर्नु पर्ने छ।
धार्मिक स्थलहरू, विवाह समारोह र अन्त्येष्टि समारोहहरूमा १०० जना भेला हुन पाउने छन् र प्रत्येक ४ वर्ग मिटरमा एक व्यक्ति उपस्थित हुनु पर्ने नियम छ। नाइट क्लबहरू पूर्ण रूपले निषेधित गरिएका छन्। जिम कक्षाहरूमा ३० जना एक पटकमा भेला हुन पाउने छन् (पहिले यो सङ्ख्या ५० थियो)।
भवन बाहिर गरिने प्रदर्शन, कार्यक्रम तथा विरोधहरूमा ५०० जना भेला हुन पाउने छन्। त्यस्तै, बाहिरी स्थानमा सिटमा बसी, टिकेट किनेर, या भवन बाहिर कुनै बन्द ठाउँमा भने २००० जना सम्म भेला हुन पाइन्छ।
आफ्नो राज्य या टेरिटोरीको पछिल्लो नियमका हेर्नुहोस्:
- न्यु साउथ वेल्स
- भिक्टोरिया
- क्वीन्सल्यान्ड
- वेस्टर्न अस्ट्रेलिया
- साउथ अस्ट्रेलिया
- नर्दन टेरिटोरी
- अस्ट्रेलियन क्यापिटल टेरिटोरी
- तास्मेनिया
