"Өөр гарал үүсэлтэй эцэг эхчүүдэд санаа зовоосон олон асуудал байдаг" гэж Австралийн Гэр бүл төлөвлөлт эрүүл мэндийг дэмжих байгууллагын менежер Хатагтай Lin Chang SBS Examines-д өгсөн ярилцлагадаа хэлсэн юм. Жишээ нь, ийм төрлийн боловсрол нь миний хүүхдийг бэлгийн харьцаанд оруулахад түлхэц болох уу?" гэх мэт.
"Бэлгийн боловсролыг оюутнуудад тохирсон байдлаар эмзэг сэдвүүдийг соёл, насны онцлогт нийцүүлэн олгох ёстой боловч мэдээллийг нууж болохгүй. "Үүнийг хүлээн авч байгаа хүүхдүүдийн хэрэгцээ шаардлагад тохируулан өөрчилж, хувь хүн бүрийн соёл, шашин шүтлэг нь тэдний үзэл бодлын нэг хэсэг байх болно гэдгийг хүлээн зөвшөөрөх явдал юм." гэж хэллээ.
Edith Cowan их сургуулийн Боловсролын сургуулийн ахлах багш, доктор David Rhodesийн хэлснээр сургалтын хөтөлбөр нь хоёрдмол утгатай бөгөөд тайлбарлахад нээлттэй" гэж хэлээд, "Бид Австралийн бүх сурагч, залуучуудад ижил зүйлийг заагаагүй бөгөөд тэдэнд ижил материал, мэдээлэл өгдөггүй" гэж тэр нэмж хэлэв.
Залуус секс, бэлгийн харилцааны талаар хариултаа олж чадаагүй бол өөр газраас хайх болно. Порно сайт, chat room гэх мэт зохисгүй эх сурвалжид хандаж магадгүй гэж тэр үзэв. Хэдийгээр залуучуудтай сексийн талаар ярихыг хориглодог ч бэлгийн харилцааны цогц боловсрол нь амин чухал гэж тэр хэлэв. "Эдгээр сургалтууд нь хүний онцлог шинж чанар, эрүүл харилцаатай болоход чухал ач холбогдолтой ... бид өөрсдийн хүмүүжүүлж байгаа хүүхдүүдийн хэрэгцээг хангах ёстой." хэмээн ярилаа.
SBS Examines нэвтрүүлгийн энэ удаагийн дугаар Австрали дахь бэлгийн боловсролын эргэн тойрон дахь байр суурийг судлан хүргэлээ.
