Суперхероината ја истрча и последната животна трка со насмевка

Марија Макри, мајка на три деца и хуманитарка од Сиднеј, која неуморно трчаше маратони со цел да ја подигне свеста за предизвиците на децата и возрасните кои живеат со церебрална парализа, ја “истрча” и последната животна трка со насмевка, оставајќи, со нејзините само 37 години, огромен печат во средината каде што живееше.

Поранешниот македонски атлетичар Стевче Георгиевски, неговата прерано почината ќерка Марија Макри и внукот Марк, кој на 10-годишна возраст ја изгуби битката со церебралната парализа во 2023 година за време на австралискиот добротворен настан STEPtember 2020.

Марија Макри и нејзиното синче Марк, кое ја изгуби битката со церебрална парализа во 2023 година, беа насмеаните профилни лица на хуманитарниот проект STEPtember.

Тоа е годишен настан кој што се одржува ширум светот со цел да се соберат средства за унапредување на истражувањата за лекување на церебралната парализа како и да им се обезбедат помагала, терапија и други услуги на болните.