ການສຳພາດ : ທ່ານ ບຸນທັມ ວົງໄຊຍ໌ຍາ, ປະທານສະມາຄົມສົ່ງເສີມຊຸມຊົນລາວ ຣັດນີວຊາວແວນລ໌ (ສສຊລ).
ສະຖານະພາບນະການກ່ຽວກັບ ໂຄວິດ-19 ໃນອອສເຕຼເລັຍ ໂດຍສະເພາະໃນຣັດນີວຊາວທ໌ແວນລ໌ ແມ່ນໜັກເມືອໜ້າຢູ່.
ນີ້ໄດ້ພາໃຫ້ນາຍົກຣັຖມົນຕີນີວຊາວທ໌ແວນລ໌, ອອສເຕຼເລັຍແລະຣັດອື່ນໆ ຮຽກຮ້ອງຕ້ອງການໃຫ້ທຸກຄົນຈົ່ງໄປໃຫ້ສັກຢາວັກຊີນກັນ ໂຄໂຣນາໄວຣັສ ໄວ້.
ໂດຍອີງຕາມ "ອາວເອີໂວນດ໌ດາຕາ" ເຖິງຄາວຫວ່າງບໍ່ນານແລ້ວນີ້ ປາກົດວ່າຈຳນວນຄົນໃນອອສເຕຼເລັຍປະມານ 13 ລ້ານ 7 ແສນຄົນ ຖຶກສັກວັກຊີນໂຄວິດໃຫ້ໄປແລ້ວ ໂດຍທີ່ຖຶກສັກເຂັມສອງໃຫ້ໄປແລ້ວມີເຖິງ 4 ລ້ານ 6 ແສນຄົນ 10 ພັນຄົນ ອັນຕົກເປັນ 18.2% ຂອງພົນລະເມືອງອອສເຕຼເລັຍ.
ທ່ານເປັນຄົນນຶ່ງຈາກຈຳນວນດັ່ງກ່າວຫຼືບໍ່?
ສຳຮັບຊຸມຊົນລາວເຮົາໃນອອສເຕຼເລັຍແລ້ວ ບໍ່ຊາບວ່າຖຶກສັກໃຫ້ຈັກຄົນກັນແທ້ ແຕ່ຊາບໄດ້ວ່າລາວເຮົາມີການລັ່ງເລໃຈແດ່ທີ່ຈະໄປໃຫ້ສັກໃຫ້.
ໃນແງ່ນີ້ ທ່ານ ບຸນທັມ ວົງໄຊຍາ ປະທານ ສສຊລ ບອກໃຫ້ຮູ້ວ່າ "ກ່ອນນັ້ນກໍລັ່ງເລໃຈ ດຽວນີ້ຍັງມີຄົນລັ່ງເລໃຈຢູ່ ແຕ່ກ່ອນມັນມີຢາມາຫຼາຍ ພະຍາດຍັງບໍ່ທັນມາແຮງນັ້ນກໍ້ ບໍ່ມີໃຜຢາກໄປສັກ ຣັຖບານກະປະກາດຢູ່ຕລອດ ແລ້ວໃນຣະຍະນີ້ ເວລາພະຍາດມາແຮງຫຼາຍຄົນກະຢາກສັກ ຣັຖບານກະເລີຍມາຈັດໃຫ້ໄປສັກຢູ່ຫຼາຍບ່ອນ".
ກ່ຽວກັບວ່າເປັນຫຍັງຈຶ່ງບໍ່ໄປສັກນັ້ນ ທ່ານບຸນທັມບອກໃຫ້ຊາບວ່າ 'ສ່ວນຫຼາຍແມ່ນຢ້ານ ຟັງຂ່າວແລ້ວຢ້ານ ມີຄົນສັກແລ້ວຕາຍ".
ເຫດຜົນບາງອັນທີ່ຄັດຂ້ອງການທີ່ຄົນລາວຈະໄປໃຫ້ສັກຢານັ້ນ ທ່ານບຸນທັມກໍເຫຼົ່າສູຟັງວ່າ "ປະມານ 20 ຫາ 30% ຄົນທີ່ຢ້ານຫຼາຍ ກະແມ່ນໄປສັກແລ້ວ" -ວ່າຊັ້ນ!
ສິາງງນຶ່ງທີ່ທາງ ສສຊລ ມີບົດບາດໃນການກະທຳດີຕໍ່ສັງຄົມ ແມ່ນທີ ສສຊລ ໄດ້ຊົດຊ່ວຍທາງການນີວຊາວທ໌ແວນລ໌ສັກຢາວັກຊີນ ໂຄວິດ-19 ແກ່ປວງຊົນແລະເພື່ອຊົດຊ່ວຍຄົນລາວມີຄວາມສະດວກສະບາຍທີ່ຈະໄປໃຫ້ສັກຢານັ້ນດ້ວຍ.
ໃນເຣື່ອງນີ້ທ່ານເວົ້າສູ່ຟັງ່ວາ "ສຳຮັບໂດຍສະເພາະຊຸມຊົນລາວເຮົານີ້ ກະບໍ່ຢາກອອກໄປ ກະໄປຍາກແດ່ ໄປບຸກກິງບ່ອນອື່ນ ໄປຈອງ ໄປຫຍັງມັນກະຍາກ ໄປສັກຫັນກໍ້. ຍັງບໍ່ເຂົ້າໃຈພາສາແດ່ ແລ້ວທາງສະມາຄົມກະເລີຍຕິດຕໍ່ໄປຫາເຈົ້າໜ້າທີ່ວ່າ ຄັ້ນຊັ້ນມາສັກຢູ່ສູນຂ້ອຍນີ້ ຂ້ອຍສິຮ້ອງຊຸມຊົນມາ. ເພີ່ນກະເລີຍວ່າສິມາເຮັດໃຫ້ ສັກໃຫ້ໃນຮະຍະຫົກອາທິດ ທິດນຶ່ງມື້ດຽວ ວັນພຸດຊື່ໆ".
ນັ້ນລະເປັນແນວນັ້ນ ອັນໜາຍເຖິງວ່າໃຜໆກະຕາມ ໂດຍບໍ່ຕ້ອງໜາຍນັດຫຍັງ ແມ່ນໄປໃຫ້ສັກຢາວັກຊີນກັນ ໂຄວິດ-19 ແຕ່ນັ້ນມາຢູ່ທີ່ສູນກາງວັທນະທັມລາວ ຂອງ ສສຊລ ນະທີ່ 711 - 715 Smithfield Road, Edensor Park, NSW, Australia, 2176.
ສຳຮັບຈະຟັງການສຳພາດທ່ານ ບຸນທັມ ວົງໄຊຍານັ້ນກະຣຸນາກົດ :
