ကညီသးပှၢ်ကရၢနုာ်လီၤပၣ်ဃုာ်ဖဲအဲန်ဇဲၣ်မုၢ်နံၤတၢ်ပာ်ဖျါဆိသးတၢ်မၤလၤကပီၤမူးအပူၤ

ကိးနံၣ်ဒဲးဖဲလါအ့ဖြ့ၣ် ၂၅သီအနံၤန့ၣ် ပှၤအီစထြ့လယါဖိသ့ၣ်တဖၣ် သ့ၣ်နီၣ်မၤလၤကပီၤဝဲဒၣ်အဲန်ဇဲၣ်မုၢ်နံၤအသိး ကညီဖိလၢအဟဲတုၤအိၣ်ဆိးဖဲအီစထြ့လယါကီၢ်ပူၤသ့ၣ်တဖၣ် နုာ်လီၤပၣ်ဃုာ်စ့ၢ်ကီးဝဲဒၣ်ဖဲ တၢ်သ့ၣ်နီၣ်မၤလၤကပီၤ မုၢ်နံၤအံၤန့ၣ်လီၤ။

Western Karen Elder Group Anzac Day pre-march, 24th April, 2022. Werribee/Melbourne, Australia. Source: WKEG

ဖဲတနံၣ်အံၤတၢ်လဲၤထီၣ်ပာ်ဖျါသး လၢတၢ်သ့ၣ်နီၣ်မၤလၤကပီၤ အဲန်ဇဲၣ်မုၢ်နံၤ အဂီၢ်န့ၣ် မဲလ်ဘၢမုၢ်နုၤ ဝ့ၤရဘံၤတၢ်လီၢ်ဟီၣ်ကဝီၤ အီစထြ့လယါကီၢ် အါအဲၣ်စ်အဲလ် ကွဲမုာ်ဝဲဒၣ် မုၢ်နုာ်ကညီသးပှၢ်ကရၢဖဲတၢ်လဲၤထီၣ်ပာ်ဖျါသး လၢအဲၣ်ဇဲန်မုၢ်နံၤအဂီၢ်န့ၣ်လီၤ။

Australian Karen Organisation - Victoira and Western Karen Elder Group at Anzac Day pre-march, Werribee, Melbourne of Australia. Source: AKO-Vic

တနံၣ်အံၤ ကညီဖိအတၢ်လဲၤပာ်ဖျါသးလၢအဲန်ဇဲၣ်မုၢ်နံၤအဂီၢ်အံၤ မ့ၢ်ဝဲဒၣ်လီၢ်ကဝီၤပှၤဘၣ်မူဘၣ်ဒါ အီစထြ့လယါကညီကရၢ ဒီး မုၢ်နုာ်ကညီသးပှၢ်ကရၢ အတၢ်ဖီၣ်လိာ်စုမၤသကိးဃုာ်တၢ်တခါစ့ၢ်ကီးန့ၣ်လီၤ။

Western Karen Elder Group at Anzac Day pre-march Source: WKEG

ဝ့ၤရဘံၤ အါရ်အဲၣ်စ်လဲလ် အတၢ်သ့ၣ်နီၣ်မၤလၤကပီၤ အဲန်ဇဲၣ်မုၢ်နံၤအံၤ မ့ၢ်ဝဲဒၣ်ဖဲလါအ့ဖြ့ၣ် ၂၄သီ ဒ်အမ့ၢ် တၢ်ပာ်ဖျါဆိသးတခါဒီး လီၢ်ကဝီၤ တၢ်မၤလၤကပီၤ တခါန့ၣ်လီၤ။

Western Karen Elder Group at Anzac Day pre-march. Source: WKEG

မုၢ်နံၤအံၤတၢ်ဟံးန့ၢ်ပာ်ပနီၣ်အီၤလၢ အီစထြ့လယါဒီး နယူဇံၣ်လဲၣ် ပှၤသုးဖိသ့ၣ်တဖၣ်လဲၤတုၤဖဲ ကၢလံဖိလံး ဟီၣ်ကမျိၤ အမုၢ်နံၤ ဖဲ၁၉၁၅နံၣ်အခါန့ၣ်လီၤ။