Ntaus kev phooj ywg nrog leej twg thiaj muaj peev xwm mus xeem ua pej xeem Australia

Who you know can determine if you're able to apply for Australian citizenship — but not in the way you may think.

You may hit a hurdle in your Australian citizenship application if you haven't known the right people for long enough. Source: SBS

Puas yog tias koj xav pib xav ntawv mus thov xeem ua pej xeem Australia?

Ib yam ntawm ntau yam uas koj yuav tau ua ces yog yuav tsum muaj ib tug neeg qhia tias seb koj puas yog tus neeg uas koj hais tias koj yog ntawd.

Ces lawv thiaj yuav txheeb xyuas koj tej ntau ntawv cim thawj thiab txheeb koj ib daig duab.

Txawm tias zoo li yooj yim xwb, los yeej yuav ua rau muaj teeb meem rau koj cov kev thov xeem ua pej xeem thiab yog tias tsis muaj koj ib tug phooj ywg twg yog tus muaj cai los ua tus pab qhia tau tias yus yog tus neeg tseeb tiag.

Leej twg muaj peev xwm pab qhia tau yus lub cim thawj thaum yus mus thov xeem ua pej xeem Australia?

Thawj yam ces tus neeg ntawd yuav tsum yog ib tug pej xeem Australia.

Tsis tas li ntawd los tus neeg ntawd yuav tsum tsis yog tus neeg yug ntawm yus tsev neeg, cuam tshuam txog kev txij nkawm, los yog nyob ua ke tab sis tsis tau ua ntaub ntawv sib yuav, thiab yuav tsum muaj peev xwm hu tau xov tooj yooj yim rau tus neeg ntawd thaum nws tseem ua hauj lwm.

Txuas ntxiv ntawd los koj yuav tsum paub tus neeg ntawd yam tsawg li ib lub xyoos, thiab tam sim no ces tus neeg ntawd yuv tsum yog ib tug neeg uas ua 39 yam hauj lwm li hais hauv qab no:

• Australian consular or diplomatic officer
• Bailiff
• Bank officer
• Building society officer
• Chiropractor
• Clerk of court
• Commissioner for Affidavits
• Commissioner for Declarations
• Credit union officer
• Dentist
• Fellow of the National Tax and Accountants' Association
• Finance company officer
• Judge of a court
• Justice of the peace
• Legal practitioner
• Magistrate
• Marriage celebrant
• Master of a court
• Medical practitioner
• Member of Chartered Secretaries Australia
• Member of Engineers Australia (students excepted)
• Member of the Association of Taxation and Management Accountants
• Member of the Australian Defence Force
• Member of the Institute of Chartered Accountants in Australia, the Australian Society of Certified Practicing Accountants, or the Institute of Public Accountants
• Member of the federal, state or territory parliaments, or a local government authority
• Minister of religion 
• Nurse
• Optometrist
• Permanent employee of a Commonwealth, state or local government authority
• Permanent employee of Australia Post
• Pharmacist
• Physiotherapist
• Police officer 
• Psychologist
• Registered migration agent
• Registrar, or deputy registrar, of a court
• Sheriff
• Teacher at a school or tertiary education institution (must be full-time)
• Veterinary surgeon

Tsuas nyog rau ntawm seb tus neeg ntawd ua hauj lwm dab tsi xwb, nws yuav tsum yog ib tug neeg uas ua hauj lwm txog li 5 xyoos los yog ntev tshaj ntawd sib law liag los yog ntev tshaj ntawd thiab.

Thiab yog tias koj tab tom yuav thov xeem pej xeem rau ib tug me nyuam hnoob nyoog qes dua 6 xyoo, ces tus neeg uas yuav qhia tias seb koj tus me nyuam ntawd puas yog koj tus tiag yuav tsum paub koj tus me nyuam ntawd yam tsawg li 1 xyoos.

LISTEN TO

Make friends in Australia: the importance of cross-cultural friendships

SBS English

24/07/202308:32

Play

Yog tias koj tsis nyob ntawm Australia thaum koj thov xeem uas pej xeem Australia ne ho yuav ua li cas?

Txawm tias koj thov xeem pej xeem Australia txawv teb chaws thiab koj tsis paub ib tug pej xeem Australia li los xav kom koj tsis txhob ntshai thiab.

Vim koj yeej muaj peev xwm nrhiav ib tug pej xeem ntawm lub teb chaws koj nyob ntawd los qhia koj lub cim thawj tau — yog tias tus neeg ntawd yeej tau pob koj ntev tshaj ib xyoos lawm.

Txawm li cas los tus neeg ntawd yuav tsum tsis yog tus neeg yug ntawm koj tsev neeg, tsis cuam tshuam txog kev txij nkawm thiab tus neeg ntawd yuav tsum yog ib tug neeg uas teev rau daim ntawv teev txog 39 hom neej ua hauj lwm.

Them nqe thov xeem pej xeem Australia npaum li cas?

Tsuas nyog ntawd seb koj ho poob rau tej xwm txheej li cas xwb, tej zaum yuav tau them txog li $560 rau daim ntawv xa mus thov xeem ua pej xeem Australia.

Muaj peev xwm txheeb tau tag nrho tej nqe ntawm no.

Hos tej neeg uas xav thov xeem ua pej xeem tam li yog tej tub ki thiab xeeb leej xeeb ntxwv ntawm ib tug twg los yog thov xeem tam li ib tug me nyuam saws ces yuav tsum yog cov neeg uas tau nyob ruaj raws li cov xyoos nom tswv tau teev tseg thiab yuav tsum yog ib tug neeg tau visa nyob ruaj lawm.

Yog tias koj yog ib tug neeg muaj hnoob nyoog txij 18 txog 59 xyoos thaum tseem tab tom thov xeem ua pej xeem Australia tam li yog ib tug neeg tau nyob ntau xyoo raws li nom tswv teev tseg thiab tau cov visa nyob ruaj lawm ces koj yuav tsum xeem kom tau mas thiaj tau ras los ua pej xeem Australia.

Thiab kuj muaj hmoo uas koj tsis tas them nyiaj xeem ntxiv, vim tus nqe them ntawd yeej duav cov nqe xa koj tsab ntawv thov xeem lawm thiab.

Yog tias koj tsis tas xeem ua pej xeem, ces tej zaum lub tuam chav Department of Home Affairs kuj yuav interview koj. Thiab yog poob rau tej xwm txheej zoo li hais no ces lawv mam hu nrog koj tham.

Cov kev xeem ua pej xeem Australia nyuaj npaum li cas?

Koj yuav xeem tau los ua ib tug pej xeem Australia yog tias koj:

• teb 20 nqe lus nug uas yuav tau xaiv ntau yam lus teb,
• teb raug 5 nqe lus nug tag nrho txog Australia values,
• thiab yuav tsum teb kom raug cov lus nug 20 nqe no yam tsawg li 75 feem pua.

Tab sis xav ceeb toom tias ntau xyoo tsis ntev los no kuj muaj neeg xeem tau los ua pej xeem tsawg lawm thiab.

Xyoo 2019 ces muaj tej neeg txog 87 feem puas yeej xeem tau los ua pej xeem, tab sis xyoo 2021 ces tsuas muaj tej neeg xeem tau ua pej xeem txog li 68 feem pua lawm xwb.

Txawm li cas los kuj muaj tej xov xwm ntau yam pab koj npaj li cov Australian Citizenship: Our Common Bond booklet thiab ib co xov xwm kaw uas lus qhia txog tej no rau koj.

Tab sis tam sim no ces yeej xeem ua ntawv Askiv xwb.

Tab sis raws li ntau cov lus taw qhia ntawm Multicultural Framework Review tsis ntev los no tau qhia ces yeej xav kom tsoom fwv tsim cov kev xeem ua pej xeem no ua lwm yam ntawv dua ntawm cov kev xeem ua ntawv Askiv lawm, los yog siv lwm txoj xub ke txawv ntau ntxiv tuaj kom lwm tus thiaj nrog siv tau.

LISTEN TO

How do you prepare for the Australian citizenship test? 

SBS Assyrian

12/09/202310:40

Play

Ntev npaum li cas nom tswv mam txheeb yus daim ntawv xa mus thov xeem ua pej xeem?

Kuj txawv thiab tsuas nyob rau ntawm seb yus ho paub rau tej xwm txheej zoo li cas.

Ib nrab ntawm tag nrho tej neeg thov xeem ua pej xeem uas yuav tau nyob txwm ntau xyoo thiab tau daim ntawv nyob ruaj ces yeej raug txheeb rau lub caij 6 hli, dua ntawd ces yeej muaj 90 feem pua ntawm tej neeg tej ntaub ntawv raug txheeb rau lub caij 10 hli.

Hos tej neeg uas thov xeem ua pej xeem tam li yog tej tub kis xeeb leej xeeb ntxwv ntawm ib tug neeg twg ces 50 feem puas ntawm tej neeg no tej ntaub ntawv yeej nom tswv txheeb rau lub caij 79 hnub, thiab muaj tej neeg no txog li 90 feem pua tej ntaub ntawv yeej raug txheeb rau lub caij 5 hlis.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.