- Tej tsoom fwv yeej tau qhia kom tsim nyog koj mus sim cov Rapid Antigen Test (RAT) los yog PCR lab test yog tias koj muaj yam ntxwv mob. Koj muaj peev xwm yuav tau cov twj sim RATs ntawm tej chaw muag tshuaj los yog tej chaw muag cov khoom no, hos cov kev sim PCR tces feem ntau yog sim ntawm tej clinics xwb.
- Koj yuav tsum cais koj tus kheej ntawm tsev thaum tseem tos cov kev sim tias seb puas kis los tsis kis.
- Yog tias tsis kis, ces xav kom koj xyuas seb ho puas muaj yam ntxwv mob, tab sis koj tsis tas cais lawm.
- Yog tias koj sim PCR es paub tias kis lawm, ces koj yuav tau cais 7 hnub suav txij hnub koj tau sim PCR ntawm tej clinics.
- Yog tias tsis muaj yam ntxwv mob ces yuav tau sim RAT test kheej rau hnub 6 hos yog tias tseem muaj tej yam ntxwv mob thiab ces yuav tau sim PCR thiab cais txuas ntxiv.
- Yog tias hnub 7 lawm tsis muaj yam ntxwv mob thiab paub tias sim RAT tsis kis los yog PCR tsis kis lawm, ces tsis tas cais koj tus kheej lawm, tab sis yog tias koj pheej tseem muaj yam ntxwv mob thiab ces yuav tsum cais koj tus kheej.
- Yog twb txog hnub 12 lawm tab sis tseem muaj yam ntxwv mob ces yuav tau rov qab mus sim PCR los yog yus sim yus RAT.
- Koj nco tias cov xeev WA, SA, NT, TAS ces koj yuav tau mus sim PCR test ntawm tej clinic xwb yog tias koj muaj ib cov yam ntxwv mob twg llawmyou yuav tsis sim cov RAT ntawm tej xeev no.
NYEEM TAU NTXIV:
Yog tias kuv tau nyob ze nrog ib tug neeg kis tau kab mob los sis yog muaj ib tug neeg ntawm kuv tsev neeg kis tau kab mob COVID-19 lawm ne yuav ua li cas？
- Yog tias tej nom tswv tswj kev noj qab haus huv qhia rau koj tias koj yog ib tug neeg tau nyob ze nrog lwm tus neeg uas kis tau tus kab mob COVID-19, los yog koj muaj cov yam ntxwv mob lawm, ces yuav tau siv cov twj RAT sim yus tus kheej los yog mus sim cov PCR test ntawm ib lub clinic twg thiab npaj cais koj tus kheej ntawm tsev 7 hnub.
- Yog tias koj cov PCR test qhia tias koj tsis kis, ces nyob twj ywm hauv tsev thiab yuav tsum cais koj tus kheej hauv tsev, thiab nyob rau hnub 6 uas koj cais koj tus kheej ntawd ces koj yuav tau rov qab siv cov twj RAT test los yog yuav tau rov qab sim cov PCR test ntawm ib lub chaw sim dua ib zaug ntxiv. Yog tias thaum sim tag es paub tias tsis kis mob lawm ces koj tsis tas cais lawm.
- Yog tias koj sim PCR test es paub tias kis mob lawm, ces koj yuav tsum cais koj tus kheej 7 hnub pib txij li hnub uas koj tau sim PCR test mus. Yog tias koj tsis muaj yam ntxwv mob dab tsi ces siv cov twj RAT sim koj rau hnub 6, hos yog tias tseem muaj yam ntxwv mob thiab, ces yuav tau rov qab mus sim PCR test thiab cais koj tus kheej txuas ntxiv.
- Yog tias hnub 7 lawm es paub tias tsis muaj yam ntxwv mob thiab sim los paub tias tsis kis lawm ces koj tsis tas cais koj tus kheej ntxiv lawm.
- Yog tias tseem muaj yam ntxwv mob thiab sim tau tias kis mob lawm, ces yuav tsum cais koj tus kheej li qub thiab txog rau hnub tim 12 koj yuav tsum tau rov qab mus sim cov RAT los sis yog PCR test ib zaug ntxiv.
Los lus ‘close contact’ no yog dab tsi?
Tej xeev feem coob yeej pom zoo tias lo lus 'close contact' yog ib tug neeg uas nyog los yog tau nyob nrog ib tug neeg uas kis tau kab mob COVID-19 lawm
rau lub sij hawm 4 teev, tab sis ib txhia xeev kuj siv tswv yim txawv los txheeb thiab los qhia tej neeg :
- Ntawm SA ces koj yog ib tug neeg tau nyob ze nrog tus neeg kis tau tus mob COVID-19 lawm yog tias muaj ib tug neeg hauv koj tsev neeg yeej raug txheeb tau tias kis tau tus mob no lawm. cov neeg Close contacts ntawm SA tsim nyog sim PCR test thiab cais 7 hnub. Thiab rov qab sim rau hnub 6 ntxiv yog tias muaj yam ntxwv mob ntxiv ces mam li cas ntxiv.
- Ntawm xeev WA, ces tej neeg txheeb cov neeg tau nyob ze nrog tej neeg kis kab mob mam qhia rau koj tias seb puas kom koj cais koj tus kheej li cas.
- Ntawm xeev NT, cov contact tracers mam li qhia rau tej neeg tau nyob ze ntawm tus neeg kis kab mob lawm ces yuav tau sim PCR test thiab cais 14 hnub. Thiaj yuav tau cais koj tus kheej mus txog rau thaum nom tswv qhia rau koj tias tau txais kev nyab xeeb tso. Hos tej neeg ntawm ib tse neeg uas tau nyob ze nrog tus neeg kis kab mob los yuav tau cais mus txog rau thaum uas sim paub tias tsis kis mob lawm .
Yog tias kuv yog ib tug neeg tau nyob ze nrog tus neeg kis tau kab mob lawm tas sis ho tsis muaj yam ntxwv mob ne ho yuav ua li cas?
- Yog tias tau nyob ze ib tug neeg kis kab mob tab sis tsis muaj yam ntxwv mob ces tsim nyog koj sim RAT test thiab cais 7 hnub thiab soj seb koj puas muaj yam ntxwv mob dab tsi.
- Yog tias koj muaj yam ntxwv mob ces xav kom ua raws li cov kev taw qhia cais thiab sim li tau hais saum toj no.
- Yog tias koj tsis muaj yam ntxwv mob ces sim RAT dua rau hnub 6 uas koj cais ntawd, yog tias tsis kis thiab tsis muaj yam ntxwv mob lawm ces tsis tas cais koj tus kheej ntxiv lawm.
Yog tias kuv raug teev tias yog ib tug close contact (tus neeg tau nyob nrog ib tug neeg kis kab mob COVID-19 ne)?
Tej xeev feem ntau yeej teev tias koj tsis yog ib tug close contact yog tias koj tsis tau nrog ib tug neeg hauv koj tsev uas paub meej tias kis kab mob lawm nyob ntev tshaj 4 teev.
Yog tias koj tau nyob nrog ib tug neeg kis tau kab mob lawm ces yuav tsu sim RAT test los yog PCR test thiab soj seb koj puas muaj yam ntxwv mob thiab yuav tsum tau cais koj tus kheej mus txog rau thaum paub tias cov kev sim ntawd sis kis mob tso.
Yog koj xav nrog ib tug neeg txhais lus tham kom paub tej xov xwm txog kab mob COVID-19 ces hu tau rau lub koom haum , thiab hu tau rau lub koom haum no tus xov tooj 1800 131 450.
Yog koj xav paub xov xwm ntxiv txog cov kev hno tshuaj COVID-19 vaccine thiab teem caij mus hno tshuaj vaccine ces hu tau rau lub koom haum tus cov tooj 1800 020 080.
Thiab yog koj xav tau xov xwm ntxiv txog kab mob COVID-19 ces xav kom koj sab laj nrog koj tus kws kho mob los yog tej neeg ua hauj lwm kho mob.
Vim tau muaj cov kev pauv hloov rau tej kev taw qhia txog tej tshuaj vaccines tas mus li, ces yog koj xav paub txog tej xov xwm tshiab txog tej no xav kom koj mus xyuas uas koj muaj peev xwm nyeem tau ua koj hom ntawv.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
