Cov ntsiab tseem ceeb:
- Yeej muaj tej cai tswj kom tau txais kev nyab xeeb, yog koj yuam tej cai no ces yuav rau nplua hnyav thiab yuav raug kev phom sij cuam tshuam rau koj txoj sia
- Yog ib tug neeg twg uas koj nrog nuv ntses ua ke poob deg ces tsis txhob dhia mus pab cawm nws
- Lub caij ntuj so no tej zaum yuav muaj dej nyab tau thiab dej muaj ceem ua rau tej khoom raug kuv tau ntawm Queensland, NSW thiab Victoria.
Ntawm tej neeg 248 tus uas poob deg ntawm teb chaws Australia tej dej ntawd, ces muaj txog li 80% yog txiv neej raws li lub koom haum ).
Lub caij hnub tim 1st July 2019 txog rau hnub tim30th June 2020, ces tsab ntawv cej luam no tau kwv yees tias yuav muaj neeg txog li 504 tug poob deg tab sis tsis raug teeb meem loj uas phom sij dab tsi.
Feem ntau mas tej xwm txheej poob dej yeej muaj ntau rau ntawm tej dej, tej kwj ha, ntxiv ntawd ces muaj neeg poob deg rau tom tej hiav txwv txog 21%, thiab poob deg ntawm tej chaw nres nkoj txog 20% hos poob deg ntawm tej ntug hiav txwv txog li 18% xwb.
Natashar Wills yog ib tug neeg ua hauj lwm ntawm lub koom haum Victorian Fisheries Authority hais tias 3 yam ua rau tej neeg poob deg ntau tshaj plaws ces yog cov kev ua luam dej, caij nkoj thiab ntog los yog vau thaum nuv ntses.
Nws hais tias tej tub koom siab ntawm tej zejzog coj ntseeg ntau yam kev cai dab qhuas thiab hais ntau hom lus yeej tsis swm rau tej cai muaj siv coj los tswj tej kev nyab xeeb txog ntau yam uas cuam tshuam txog dej.
Yog tej yam tseem ceeb heev uas yuav tau paub txog tej cai tswj cov kev nuv ntses, thiab yuav tsum tau ua raws tej cai no vim muaj cov kev nplua hnyav.
Nyob ntawm ces tej xov xwm qhia txog cov kev nyab xeeb rau tej kev nuv ntses tsuas muaj ua lus Askiv, lus suav, lus Nyab laj, lus Korean thiab lus Malay xwb.
A view from the walk Byron Bay to the Cape Byron Lighthouse - Paris Jefferson - Getty Images Source: Getty Images
Natashar Wills hais tias tej cai siv tswj kom tau txais kev nyab xeeb yog ib co tseem ceeb vim yuav pab cawm tau tej neeg txoj sia.
Npaj mus nuv ntses nrog neeg yam tsawg li 2 leeg, kom thiaj li sib pab saib xyuas tau ib tug twg, thiab xav kom hnav cov tsho tshuab pab kom yus ntab kom thiaj pab cawm siav thaum yus mus nuv ntses.
Natashar Wills taw qhia tias thaum yus xaiv tau ib qho chaw nuv ntses lawm ces kom siv sij hawm me ntsis xav tias seb yog muaj ib yam xwm txheej dab tsi phem tshwm sim ne ho yuav muaj txoj xub ke twg khiav li cas kom dim.
Nws tseem ceeb toom kom tej neeg txhob cia li dhia mus pab ib tug neeg twg uas poob deg thiab raug dej tshoob mus lawm.
Muaj neeg coob heev xav tias lawv muaj peev xwm ua tau luam dej. Tab sis peb yeej pom tias yeej tau muaj tej neeg uas xav mus pab cawm lwm tus yog cov poob deg lawm.
Natashar Wills hais tias qhov zoo tshaj plaws uas yus ua tau rau tej xwm txheej ntau yam ntawd ces pov ib txoj hlua los yog pov ib daim phiaj ntab rau tus neeg poob hauv dej thiab siv yus lub xov tooj ntawm tes hu tus xov tooj 000 los yog 112 thov kev pab cuam.
Caij nkoj nuv ntses - Ingetje Tadros - Getty Images Source: Getty Images
Zulfi Hydari tau tsiv teb tsaws chaw tuaj nyob teb chaws Australia 8 xyoo dhau los.
3 lub xyoos dhau los ces nws yeej tau ua hauj lwm yeem thaj nrog lub koom haum State Emergency Services (SES) ntawm Greater Dandenong Unit ntawm xeev Victoria.
Ntawm lub koom haum SES no ces peb yeej ua txhua yam pab tej neeg sawv daws hauv pem teb, li pab cawm tej neeg, ntawm ntau cov xwm txheej li dej nyab, nag xob nag cua los yog txhua yam tsuas yog tsis ua cov hauj lwm cuam tshuam txog hluav taws xwb.
Nws hais tias muaj ntau tus neeg ua hauj lwm yeem thaj ntawm lub koom haum SES yog cov neeg ntawm tej zejzog coj ntseeg ntau yam kev cai dab qhuas thiab hais ntau hom lus.
Kuv muaj peev xwm hais tau 4 hom lus. Yog li peb thiaj muaj ib tug neeg ntawm peb pab neeg los ygo ib pawg neeg twg uas muaj peev xwm pab daws tau lwm tus cov kev txhawj xeeb. Ces thiaj yog tej yam zoo heev.
Caij nkoj nuv ntses -Sean Gunsworthy - Getty Images Source: Getty Images
Dr Andrew Watkins uas yog tus coj lub chaw SES uas tshuaj ntsuam huab cua hais tias tej neeg muaj peev xwm mus txheeb xyuas ntau yam xov xwm ntawm lub chaw ) kom paub tias seb ntuj los nag li cas, dej nce dej nqes li cas los yog huab cua zoo li cas rau lub caij ntuj so no.
Vim yuav muaj tau kev phom sij los ntawm tej dej nyab ntau dua rau xeev Queensland, New South Wales thiab Victoria tib yam.
Nws txhawj txog cov xwm txheej ntuj los nag hlob heev es dej ntws los nyab thiab kuav ntau thaj chaw uas raug hav zoov kub hnyiab rau lub caij ntuj so dhau los.
Peb txhawj tias tsem tej chaw raug kub hnyiab ntawd yuav muaj dej nyab thiab yuav raug dej kuav muaj ceem heev los yog tsam ho muaj tau av toj pob thiab.
Zulfi Hydari hais tias yog tham txog dej nyab lawm ces feem ntau yeeg yog tej neeg tej cwj pwm plhom moj tsis ceev faj uas ua rau tej neeg no raug teeb meem.
Tej neeg yeej tsis nkag siab tias tsis tsim nyog lawv tsav tsheb mus hla los yog kwm dej vim yuav tsis tau txais kev nyab xeeb.
Raws li Zulfi Hydari tau pom kiag dhau los lawm ces nws xav tias yeej muaj peev xwm tiv thaiv tau ntau cov xwm txheej ua rau tej neeg poob deg tau.
Dej hiav txwv yog tej yam phom sij heev, yog koj tsis paub ua luam dej ces tsis txhob mus kov dej zoo dua.
Txheeb tau seb dej nce dej nqes los yog txheeb tau huab cua ntawm ).
Yog xav tau txais cov kev taw qhia kom tau txais kev nyab xeeb thaum mus nuv ntses ces txheeb tau ntawm ).
Yog xav tau neeg txhais ntaub ntawv thiab txhais lus pub dawb ces txheeb tau ntawm lub koom haum Translating and Intepreting ).
Nuv ntses ntawm tus dej South Esk River, Tasmania - Lesley McEwan Images - Getty Images Source: Getty Images
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
