Australia yeej yog ib lub teb chaws uas muaj tej ntug hiav txwv zoo nkauj thiab nto npe hauv ntiaj teb no. Tab sis yog tej yam tsis muaj hmoo uas tej chaw no tseem yog ib cov chaw muaj tau kev piam sij puas ntsoog loj thiab. Tsaib no ces twb muaj neeg txog li 294 leej poob deg ntawm teb chaws Australia no lawm. Los yog muab xam tias muaj neeg poob deg coob tuaj ntxiv txog li 20% yog piv rau xyoo dhau los (245 leeg).
Tej neeg tsiv teb tsaws chaw yog cov yuav raug kev phom sij
Yeej muaj ntau cov xwm txheej poob deg tsis ntev los no cuam tshuam nrog cov neeg tsiv teb tsaws chaw los yog tej neeg nyuam qhuav tuaj tshiab rau lub teb chaws no. Lub koom haum tau ntsuam xyuas tej xov xwm rau lub caij 10 xyoo (2009-2019) thiab kuj txheeb tau tias 27% ntawm tej neeg poob deg tas sim neej ntawd yog cov neeg yug txawv teb chaws.
Tej laj thawj tseem ceeb uas tau raug tej xwm txheej no ces yog raug cov kev phom sij muaj ntawm tej ntug hiav txwv thiab tsis paub ua luam dej.
Stacy Pidgeon ntawm lub koom haum Royal Life Saving Society Australia tshab txhais tias “Peb yeej paub tias tej neeg ntawd yeej ib txwm tsis yog cov neeg ib txwm muaj kev ua kev lom zem thiab cuam tshuam txog dej li. Thiab yeej muaj tej neeg coob ntawm tej teb chaws uas tej zaum tsuas siv dej ua lwm yam, siv coj los ua dej num ntau yam xwb, ces thaum lawv tuaj txog rau teb chaws Australia ces lawv txawm xav xyaum uas li neeg Australia txoj kev ua neej tab sis lawv yeej tsis muaj tej txuj ci yuav pab tau lawv kom kawv tau txais kev nyab xeeb thaum cuam tshuam txog dej li."
Gurnam Singh yog tus teeb tsa lub koom haum , uas pab tej tub kawm txawv teb chaws kom lawv muaj muaj kev lom zem ntawm teb chaws Australia no. Nws hais tias vim txoj kev tsis paub dab tsi ces thiaj ua rau ib txhia neeg tuaj tshiab rau teb chaws Australia no yuav raug kev phom sij tau rau lawv txoj sia.
Source: Getty Images/Ahmed Mohamed
“Tsis yog tib co kev ua luam dej nkaus xwb. Muaj ib txhia neeg ces txhob txwm mus yees duab xwb. Kuv xav tias tsaib no twb tau muaj ib cov xwm txheej uas muaj ib tug neeg mus yees duab, tab sis nws poob rau qhov chaw dej tob ces nws thiaj tas sim neej lawm."
Thiab tsis hais yuav yog tsav neeg twg li, dej caw yeej yog ib feem tseem ceeb yuav ua rau tej neeg muaj cib fim poob dej tuag ntau tuaj ntxiv thiab.
Source: Getty Images/Simon McGill
Tej kev nuv ntses ntawm tej ntug hiav txwv uas muaj pob zeb kuj yog ib cov kev phom sij tau thiab
Rock fishing los yog cov kev mus nuv ntses ntawm tej ntug hiav txwv uas muaj pob zeb ntawd ces yog tej chaw uas yeej muaj tej tub koom siab ntawm tej neeg zejzog tsiv teb tsaws chaw nyiam heev, thiab yeej raug lees paub tias yog Australia ib co sport uas phom sij tshaj phaws.
Txhua txhua xyoo ces ces tej dej uas siab tuaj, tej chaw uas nplua thiab tej nthwv dej loj yeej tau ua rau tej neeg tsis paub ua luam dej tas sim neej coob tus.
Pidgeon thiaj hais tias "Peb thiaj xav txhawb nqa thiab taw qhia rau tej neeg sawv daws kom hnav ib lub tsho pab cawm siab (Life jacket) tsis hais lub caij twg uas lawv mus nuv ntses li, tsis hais yuav yog nyob hauv ib lub nkoj los yog mus nuv ntses ntawm tej pob zeb li. Vim yus yeej tsis paub tias xyov yuav yuav npleem taw ntog rau hauv tej dej thaum twg txawm tias tsis yog yus txhob txwm, yog li ntawd lub tsho cawm siav (Tsho ntab) no thiaj yuav muaj peev xwm cawm tau koj txoj sia."
Yuav ua li cas kom thiaj tau txais kev nyab xeeb thaum koj twb nyob hauv dej lawm los yog nyob ib puag ncig tej dej
Clinton Rose ces yog ib tug manager uas pab cuam rau ntau thaj ntug hiav txwv ntawm lub zos Northern Beaches Council ntawm xeev New South Wales. Nws hais tias yeej muaj ntau yam uas tej neeg sawv daws muaj peev xwm ua tau kom thiaj pab tau lawv kom tau txais kev nyab xeeb thaum ua luam dej ntawd li:
“Tsis txhob ua luam dej rau thaj chaw tsis muaj chij txhos rau thiab ua tib zoo xyuas kom thaum koj ua luam dej ntawd ces ua rau ntu nruab nrab ntawm ob tug chij ntawd xwb. Kom nkag siab txog tsab xo no thiab ho qhia rau lwm tus paub thiab xav kom mus kawm xyaum ua luam dej. Ces thiaj li yuav tau txais kev lom zem rau yus. Tab sis thaum yus mus rau tom tej ntug hiav txwv lawm ces thawj yam ntawd ces xav kom yus yuav tsum paub ua luam dej tso."
Nws hais tias yog yus tsis paub tias puas yuav tau txais kev nyab xeeb rau yus ua luam dej rau thaj chaw ntawd, ces xav kom nrog cov neeg pab cawm neeg poob deg (lifeguards) ntawm thaj ntug hiav txwv ntawd tham. Ces nug lawv kom lawv qhia rau koj tias thaj chaw twg yuav muaj tau teeb meem los yog qhov chaw twg uas tsim nyog koj ua luam dej los yog qhov twg tsis tsim nyog koj ua luam dej.
Lifeguard on Manly beach, Sydney Source: Getty Images/Laurie Noble
Yog tias muaj xwm txheej kub ntaiv ne ho yuav ua li cas
Tej kev poob deg no mas tshwm sim sai heev - ib tug neeg hnoob nyoog 18 xyoo lawm yuav tsis nco qab rau lub sij hawm li ntawm 1 ntiag tiv (1 minute) lawm - yog li ntawd thiaj tseem ceeb heev uas yuav tau tswj koj tus kheej kom tus thiab hu thov kev pab cuam kiag tam sim ntawd.
Ros tshab txhais tias “Thawj yam tshaj plaws ces tsis txhob ceeb txhob ntshai, vim yog thaum koj ntshai lawm ces koj yuav siv dag zog ntau heev ces yuav ua rau tsis muaj oxygen (cua) mus yug txaus rau koj lub paj hlwb ces yuav ua rau koj tsis muaj peev xwm yuav xav meej tias yuav ua li cas. Yog li ntawd qhov tseem ceeb tshaj plaws ces xav kom koj ua tib zoo xyuas kom ua luam dej ntxeev tiaj kom koj lub cev ntab kom zoo npaum li qhov koj muaj peev xwm ua tau ces mam tsa tes rau saum ntuj thiab qw thov kev pab cuam. Thiab thaum uas koj pib ntsib teeb meem lawm, ces tsis txhob txaj muag dab tsi; uas tib zoo xyuas kom koj muaj peev xwm thov tau kev pab cuam thaum ntxov."
Resources
Lub ces yeej yog ib lub app siv dawb xwb thiab yeej muaj tej xov xwm ua 72 hom lus diam. Lub app no yuav qhia ntau yam xov xwm txog tias ib thaj ntug hiav txwv twg puas muaj tej neeg pab cawm cov neeg poob deg saib xyuas, ho muaj tej chaw pab cuam dab tsi, yuav muaj teeb meem dab tsi, qhia txog huab cuab, thiab qhia txog cov nthwv dej ntas los yog qhia tias dej nce siab tuaj los yog dej nqeg lawm.
Lub koom haum Surf Life Saving Australia kuj muaj lub vas sab hu ua uas yeej muaj xov xwm qhia ua ntau hom lus, thiab yeej muaj and
