NTSIAB LUS TSEEM CEEB:
- Tej zaum tej neeg tsiv teb tsaws chaw kuj yuav ntsib ib yam xwm txheej ua rau lawv txhawj xeeb thiab thaum uas muaj ib tug neeg lawv hlub tshua tau nruam sim yam tsis nco faj txog.
- Ces tus neeg tswj lub ntees thiaj yog tus los xyua kom ua tau lub ntees raws li qhov tsim nyog ua.
- Tus neeg txheeb thiab ntsuam tus neeg tuag yuav muaj feem cuam tshuam los txheeb kom tau tej xov xwm tias vim li cas ib tug neeg twg thiaj tas sim neej.
- Ces lub koom haum Births, Deaths and Marriages Registry thiaj muaj ntau cov kev pab li ua ntawv pov thawj teev yug me nyuam, ua txij nkawm thiab tas sim neej, thiab yuav qhia tej xov xwm txog ib tug neeg nruam sim twg rau ntau lub koom haum paub.
Thaum muaj ib cov kev nruam sim twg tshwm sim lawm, ces tej neeg ntawm ib tse neeg twg yeej ceeb thiab tu siab thiab tej zaum tsis paub tias yuav ua li cas ntxiv. Thiab yog tham txog coob leej ntau tus lawm ces tej zaum kuj yuav yog thawj zaug uas lawv ntsib thiab.
Yog li tej txheej txheem cuam tshuam txog ces yeej txawm tej ntawm lwm cov teb chaws.
LISTEN TO
Tsim nyog koj paub txog dab tsi thaum npaj ntees ntawm Australia
SBS Hmong
03/07/202217:23
Nrog ib tug neeg tswj lub ntees tham
Raws li Scott Duncombe uas yog ib tug funteral director ntawm lub tuam txhab Sydney Funerals Co hais ces yog tias poob rau tej xwm txheej zoo li no lawm, ces thawj yam uas tsim nyog ua ces nrog ib tug neeg tswj lub ntees tham.
''Thaum txog lub caij zoo li no ces qhov tseem ceeb tshaj plaws ces nrog ib tug neeg tswj ntees tham vim rau qhov alwv yog tus paub thiab totaub txog txhua leej txhua tus thiab tej txheej txheem uas tsim nyog ua, tsis hais seb yuav cia tus qauv ntawm Australia los yog yuav xa tus qauv mus txawv teb chaws.''
Thiaj yog tej yam tseem ceeb tsis txhob maj ua ntau tsav yam vim yog ib lub caij uas tsis paub tias yuav muaj dab tsi tshwm sim thiab yog ib lub caij nyuaj heev. Tej neeg tswj tej ntees los yeej koom tes zoo heev nrog yim neeg los nrhiav kom tau tej ntees uas haum raws li qhov tsim nyog siv thiab kom muaj peev xwm them tau rau lawv siv.
“Peb yeej ib txwm saib xyuas tej neeg peb hlub tshua, thiab mam li mus ntsib lawv tom qab ntawd ntau hnub li 5 mus txog rau 10 hnub tom qab uas ib tug twg nruam sim lawm.''
Teev tus neeg ntawd cov kev nruam sim
Cov kev teev zwm ib tug neeg cov kev nruam sim yog tej yam tseem ceeb tshaj plaws uas yuav tau ua thaum npaj ib lub ntees twg.
Thiab tus tswj lub ntees yeej ua hauj lwm ua ke nrog lub tuam chav teev tej ntaub ntawv thaum yug ib tug me nyuam, thaum ib tug twg tas sim neej thiab sib yuav ua txij nkawm thiab yuav pab teev zwm ib tug neeg twg cov kev tas sim neej.
Thiab feem ntau ces Amit Padhiar uas yog tus kis uas ntwm NSW lub tuam chav uas teev tej neeg yug tshiab, tas sim neej thiab siab yuav hais tias tus neeg tswj lub ntees yeej qhia tias xav tau xov xwm dab tsi kom thiaj muaj peev xwm ua tau daim death certificate.
Lub luag hauj lwm ntawm lub tuam chav Births, Deaths and Marriages Registry thoob teb chaws no cuam tshuam txog ib cov kev nruam sim twg ces, xub thawj tshaj plaws yuav tau ua tib zoo xyuas kom yuav tau teev tus neeg nruam sim ntawm peb tej xeev.
Mr Padhiar hais tias "Feem ntau mas yog tej tswj tej ntees yog cov lis tej hauj lwm no thiab yeej ua hauj lwm nrog peb, ces lawv thiaj yog cov neeg yuav qhia tej xov xwm tsim nyog qhia rau peb kom thiaj muaj peev xwm los teev zwm txog ib tug neeg twg cov kev nruam sim.''
‘Death certificate’ yog dab tsi?
Death certificate ces yog nom tswv ib daig ntawv pov thawj coj los qhia raws kev raws cai tias ib tug neeg twg nruam sim lawm. Tsis tas li ntawd los kuj yog ib daim ntawv qhia tias tus neeg tas sim neej ho muaj kev sib raug zoo nrog lwm tus li cas. Thiab kuj pab tej cuab yig tswj tej txheej txheem los tswj ib lub ntees tom qab uas tau muaj ib tug twg tau tuag lawm.
Ces lub tuam chav Births, Deaths thiab Marriage Registry thiaj tau tsim daim ntawv pov thawj tas sim neej (Death Certificate) no tom qab los uas tib zoo txheeb txog ntau yam xov xwm ntawm tus neeg uas tau tas sim neej lawm.
Daim ntawv pov thawj tas sim neej ces teev txog tus neeg ntawd ntau yam xov xwm ntxaws, teev txog nws cov kev sib raug zoo nrog nws tsev neeg, thiab ib tug kws kho mob los yog tus neeg ntsuam thiab txheeb tias vim li cas ib tug neeg twg thiaj tas sim neej.
Thiab muaj qee zaus ces tej zaum kuj yuav tau tshuaj ntsuam tias yog tim dab tsi thiaj tas sim neej, los yog yuav muaj kev cuam tshuam txog ntau yam uas ua rau ib tug neeg twg tas sim neej. Yog tias muaj tej xwm txheej no ces tus coroner yuav ua tus los txheeb.
Source: Getty / Getty Images/Kris Loertscher/EyeEm
Tus neeg coroner lub luag hauj lwm
Jacqui Hawkins uas yog tus lwm coj Victoria lub koom haum State Coroner hais tias cov kev txheeb txog ib tug neeg tas sim neej lub cim thawj yog ib yam ntawm 3 yam hauj lwm tsi ntsees uas ib tug coroner ua.
Nws hais tias ''Kuj muaj cov kev tshuaj ntsuam tej xwm txheej uas tsis faj txog los yog tej xwm txheej tsis muaj peev xwm yuav tshab txhais tau tias vim li cas ib txhia neeg thiaj tas sim neej uas suav tej xwm txheej siab tua ntawm tsev, ua tsheb sib nrau tom tej kev, cov kev tua tus kheej, thiab cov kev noj tshuaj ntau heev. Thiab yeej muaj tej xwm txheej no txog li ntawm 7,000 cov ib xyoos twg ntawm xeev Victoria diam.''
Li Ms Hawkins tshab txhais txog lub luag hauj lwm tseem ceeb ntawm tus coroner ces yog los ua 3 txoj hauj lwm tsi ntsees li:
- yog tus txheeb lub cim thawj ntawm tus neeg nruam sim,
- yog txheeb tias tim dab tsi thiaj ua rau tus neeg ntawd tas sim neej, thiab
- yog tus txheeb tias tej xwm txheej dab tsi cuam tshuam txog cov kev tas sim neej los yog tej zaum muaj peev xwm ua tau rau ib tug neeg twg tas sim neej.
Nws thiaj hais tias “Peb kuj muaj ib cov kev taw qhia rau tej neeg kom muaj peev xwm tiv thaiv kom tsis txhob muaj neeg tas sim neej sib xws li ntawd ntxiv thiab pov puag Victoria tej zejzog.''
Yog thaum tus coroner cuam tshuam, ces kub caij los npaj lub ntees kuj txawv thiab tsuas nyob rau ntawm ntau cov kev sim uas tus coroner yuav tsum tau txheeb kom paub tias yog tim dab tsi thiaj ua rau tus neeg ntawd tas sim neej.
Ces tom qab ua tau daim ntawv pov thawj tas sim neej los yog lwm yam uas yuav tau ua ntawd tiav lawm thiaj mam li los npaj lub ntees.
Japanese funeral scene Source: Getty / Getty Images/Arrow
Cov hom ntees
Raws li Mr Duncombe hais ces cov hom ntees tseem ceeb ces yog coj tus qauv coj mus faus los yog coj mus hlawv, thiab kuj nyob ntawm seb tsev neeg xaiv qhov twg. Thiab kuj tsuas nyob ntawm tsev neeg ntawd tej kab lis kev cai thiab lawv tej kev ntseeg xwb.
Nws hais tias Australia yeej yog lub teb chaws muaj tej neeg coj ntseeg ntau yam kab lis kev cai thiab tej coj tswj tej ntees yeej koom tes ua hauj lwm nrog ntau cov neeg zejzog sib txawv los ua tib zoo xyuas kom ua tau raws li tej kab lis kev cai uas yuav tau ua.
Vim Australia yog lub teb chaws muaj ntau tsav neeg coj ntseeg ntau yam kab lis kev cai, ces tej coj tswj tej ntees feem coob thiaj yuav tau nrog tej neeg zejzog thiab tej kab lis kev cai ntau yam ua hauj lwm ua ke.
Thiab kuj yog tej yam tseem ceeb uas yus nrog ntau tus coj tswj tej ntees tham thiab txheeb seb ho muaj txoj xub ke ua ntees twg uas siv tau haum raws li yus yim neeg tej kab lis kev cai los yog yus cov kev ntseeg xav tau tshaj plaws.
Piv txwv li raws li tej cai Islamic law lawm ces yuav tau npaj kiag tej ntees ntawd tam sim ntawd tom qab uas tau muaj ib tug neeg hlub tshua tas sim neej lawm, thiab yuav tsum coj tus qauv mus zais kom sai npaum li sai tau.
Ces tsev neeg ntawd yeej muaj peev xwm sib cuag nrog ib lub koom haum Islamic ntawm zejzog tham kom pab lawv npaj lub ntees.
Tsis tas li ntawd los ib txhia coj uas tswj ntees yeej npaj ib co ntees tsi ntsees rau tej neeg Muslim los sis yeej yog tej coj tswj ntees uas yeej tau ua hauj lwm nrog tej cuab yig neeg Muslim dhau los thiab.
Funerals can be costly Source: Getty / Getty Images/Peter Dazaeley
Mr Kuriakose hais tias yeej muaj ntau zaus hais tsi ntsees rau tej neeg tsiv teb tsaws chaw tuaj tshiab ces tej nqe ntees kuj yog tej yam ua rau lawv txhawj xeeb kawg li thiab.
Nws hais ntxiv tias ''Kuv yuav tau txheeb seb hom kev ua ntees twg pheej yig dua. Ces kuv thiaj yuav tau hu xov tooj rau ntau lub tuam txhab tswj tej ntees kom nrhiav tau ib lub zoo siv.''
Thiab yog xam raws tus nqe theem nrab ntawm cov kev ua tej ntees ntawm Australia lawm ces yeej raug nyiaj txij li ntawm $4,000 txog $15,000 los yog kim tshaj ntawd thiab.
Yog tias tsev neeg ntawd tsis muaj nyiaj ua ntees, los yog tus neeg tas sim neej ntawd muaj nyiaj tsis txaus, ces tsoom fwv mam li them tej nqe ua ntees yooj yooj yim pab uas tsev neeg muaj peev xwm mus koom.
Muaj cov kev pab cuam ua koj hom lus pab rau koj
Ms Hawkins hais tias yeej muaj ntau yam xwm txheej uas tej zaum ib tug coroner yuav muaj feem cuam tshuam txog ntau yam coj los pab rau tej zejzog coj ntseeg ntau yam kab lis kev cai sib txawv thiab li xa tsev neeg ntawd mus ntsib tej neeg sab laj pab daws kev tus siab thiab.
Ces thiaj yuav muaj ib daim ntawv quav ntau tsem me me rau txhua yim neeg hu ua yuav muaj dab tsi tshwm sim tam sim no. Thiab yuav tshab txhais txog peb tej txheej txheej ntau yam uas lus Askiv yooj yooj yim, thiab daim ntawd no los yog lwm cov ntawv ces yeej muaj peev xwm mus txheeb ntau ntawm peb lub vas sab .
Tsis tas li ntawd los qee cov ntaub ntawv no yeej raug muab txhais ua 15 yam lus uas muaj neeg sib ntau tshaj plaws thiab.
Mr Padhiar thiaj hais tias ces thiaj muaj ntau yam twj thiab cov kev pab cuam coj los tswj ib tug twg lub ntees. Ib co ces kuj yog uas tus tsoom fwv New South Wales tsim coj los siv.
"Tsoom fwv New South Wales yeej muaj ib cov twj hu ua end of life planner coj los pab yus thiab ua tib zoo xyuas kom yus muaj peev xwm tswj tau ntau yam hauj lwm ntawm lub ntees raws li qhov yus xav ua yog tias yus ho tsis muaj peev xwm txiav txim siab ntawm yus tus kheej los yog yus tas sim neej lawm ... ces thiaj suav ntau yam li cov kev npaj tej ntaub ntawv tseem ceeb ntau yam li yus daim will (Daim ntawv faib cuab yeej cuab tam) thiab tus neeg yuav los tswj ntau yam yog tsis muaj yus lawm.''
Family at grave Source: Getty / Getty Images/Phillippe Lissac
Raws li Mr Duncombe hais ces tus coj tswj lub ntees ntawd thiaj li yuav koom tes ua hauj lwm nrog ntau lub koom huam kom thiaj muaj peev xwm los lis tau tej hauj lwm no raws li qhov tsim nyog.
Ces tus coj uas tswj lub ntees ntawd thiaj yuav thov kom tau txais kev tso cai ua ntej yuav xa tus qauv ntawd los yog tus neeg nruam sim tej hmoov tshauv pob txha ntawd rov qab mus rau nws lub teb chaws.
Nws hais tias ''Yog tias tus qauv ntawd raug muab hlawv thiab raug muab faus ntawm teb chaws no lawm, ces kuj tsis muaj ib co txheej txheej dab tsi ntau yuav taw qhia rau tus neeg nruam sim ntawd lub embassy thiab raws li tus coj tswj lub ntees xav.''
Ces thaum kawg tsev neeg ntawd mam li ua tus taw qhia rau tej nom tswv paub tias ho muaj tej txheej txheem yuav coj tus qauv ntawd mus zais los yog yuav coj mus hlawv li cas xwb.
Cov kev qhia txog ib tug twg cov kev nruam sim
Mr Padhiar hais tis lub koom haum (DNS) ces yeej yog ib lub koom haum uas ua tus pab qhia rau ntau cov koom haum txog ib tug neeg twg cov kev tas sim neej. Thiab kuj yog ib cov kev pab uas siv tau dawb xwb uas tej hoom haum Births, Deaths and Marriage Registry li 70 lub thoob teb chaws Australia no uas cov lis.
Ib txhia koom haum li tej txhab nyiaj, tej tuam txhab muag xov tooj thiab internet siv (telecommunications), tej tuam txhab muag gas, hluav taws xob siv, thiab muag nyiaj tuav pov hwm (insurance) los yog tsoom fwv lwm cov tuam chav ces yeej yog ib feem ntawm DNS tej hauj lwm uas nws yuav tau qhia rau.
Tsis tas li ntawd los lub koom haum no kuj muaj cov kev pab cuam no txhais ua 50 hom lus thiab.
Yog koj xav tau xov xwm kom ntxaws ntxiv txog tej nqe ua ntees ces txheeb tau ntawm los yog nyem raws li cov links hauv qab no:
loog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
