Twb yuav txog hnub tim 26 January uas yog hnub Australia Day lawm peb ho mus txheeb xyuas 10 yam tsim nyog koj paub txog hnub Australia Day no seb ho yog li cas tiag:
Thawj pab nkoj uas ncaim teb chaws Askiv (England) tau aws thaj chaw ntawm Botany Bay ua Askiv tug thiab nyob qab tswj hwm ntawm nws tom qab tej nkoj no tuaj txog li ntawm hnub tim .
Source: NITV
2. Cov kev txwv tsis pub cov neeg raug txim yuav Australia tej keeb cag neeg cov poj niam rau hnub tim 26 January 1824
Robert thiab Maria Lock tau sib yuav ua txij nkawm ntawm Paramatta rau hnub tim 26th uas yog ib cov xwm txheej tau tshwm sim rau hnub Australia Day uas peb sawv daws paub thiab. Tab sis Maria Lock yeej yog ib tug neeg tseem ceeb rau teb chaws Australia tej keeb cag neeg cov keeb kwm.ralia thiab Australia Maria yog uas yog tus coj Australia cov keeb cag neeg 'Richmond Tribes', thiab nws tus niam hluas hu ua Colebee uas raug txhom nrog Bennelog rau xyoo 1789 thiab muab kaw ntawm Government House, tab sis tom qab tuaj ces Colebee kuj nyiag kev khiav lawm.Xyoo 1814, Maria thiaj yog thawj tus me nyuam keeb cag neeg tau mus nyob rau ntawm lub koom haum Native Institution ntawm Parramatta, uas muaj neeg ntseeg tias xyoo 1819, thaum nws muaj hnoob nyoog 14 ntawd, nws yog ib tug me yes tshau txuj tau tshaj lij tshaj 20 tus me nyuam keeb cag neeg ntawm lub koom haum no uas muaj cov me nyuam neeg European zes li ntawm 100 kawm thiab.
St John's Cathedral Church in Parramatta, built 1803 (Wikimedia Commons) Source: Wikimedia Commons
3. Henry Parkes tau hais dab tsi rau cov kev ua kev zoo siab txwm 100 xyoo tuaj tswj hwm Australia
Thaum Parkes tseem ua tus hau xeev rau New South Wales thiab tseem tau tab tom npaj yuav ua kev zoo siab txwm 100 xyoo uas cov neeg European tuaj tswj hwv teb chaws Australia, ces muaj neeg nug nws tias seb nws puas npaj dab tsi ua kev zoo siab rau Australia cov keeb cag neeg rau lub sij hawm no thiab ces nws teb tias "Tsis ua rau lawv, tab sis peb cov kev ua kev zoo siab 100 xyoo no yog ib cov xwm txheej qhia kom lawv nco tias peb tau tuaj nyiag lawv lub teb chaws xwb puas yog mas?" Uas yeej yog lo lus teb phem heev tab sis yeej muaj tseeg tiag, thiab yeej tseem yog ib lo lus uas tej nom tiam vam meej tam sim no yeej tsis lees paub hlo li.
Statue of Henry Parkes in Centennial Park, Sydney. (Centennial Parklands) Source: Centennial Parklands
Henry Parkes muaj tswv yim los qhib lub vaj rau zej tsoom sawv daws ntawm New South Wales siv tab sis txwv tsis pub Australia cov keeb cag neeg Aboriginal and Torres Strait mus koom lub koom txoos qhib lub vaj no..
4. Australia cov keeb cag neeg Aboriginal cov kev tawm tsam xyoo 1938 tsis pom zoo rau hnub Australia Day thiab hu hnub no tias yog ib hnub nyiav-'Day of Mourning'
Tau muaj Australia tej keeb cag neeg tau teeb ib lub rooj sab laj sib tham, tom qab ntawd ces lawv tau mus taug kev ntsiag to los tawm tsam thiab tau pom zoo ua ib nqag los sau ib sob lus tias "Peb yog cov neeg sawv cev rau Australia tej keeb cag neeg, thiab tau tuaj sib sau koom sab laj ntawm Australian Hall, Sydney, rau hnub tim 26th January, 1938, rau lub sij hawm txwm 150 xyoo uas tej neeg dawb tau tuaj txeeb peb lub teb chaws lawm, yog li peb thiaj tuaj tawm tsam ntawm no tsis pom zoo rau cov neeg dawb cov kev tsub muaj tsim txom peb cov neeg rau lub caij no, thiab peb xav thov thiab nqua hu kom haiv neeg Australia tam sim no tsim dua cov cai tshiab los pab kom peb tej neeg tau kawm txuj ci thiab tau txais kev tsom kwv, peb xav thov kom tsim tau ib tsab cai tshiab los pab kom peb muaj cai los ua tau ib tug pej xeem Australia puv npo tib yam li tej zejzog."
Aborigines day of mourning, Sydney, 26 January 1938 (State Library of NSW) Source: State Library of NSW
5. Cov neeg European tau yuam kom Australia tej keeb cag neeg mus koom cov kev nco txog thawj fij nkoj tau tuaj rau teb chaws Australia rau lub koom txoos 150 xyoo
Ib cov xwm txheej tseem ceeb uas tau tshwm sim muaj rau cov kev ua kev zoo siab xyoo 1938 ces yog rov qab los lees paub hnub thawj fij nkoj tuaj txog teb chaws Australia no dua tshiab thiab cov kev lees paub Captain Arthur Phillip. Raws li lub vas sab tau qhia: "Ces txhua tus neeg Aboriginal nyob ntawm Sydney tsis kam mus koom thiab lees paub, ces tej neeg tsim tsa lub koom txoos no thiaj nrhiav tug rog ntawm nizers Menindee, uas nyob sab hnub poob ntawm New South Wales, muab Australia tej keeb cag neeg kaw ntawm Redfern Police Barracks lub chaw yug nees txog rau thaum uas lawv lees paub tej xwm txheej no tag lawm xwb. Nyob rau hnub ntawd ces Australia cov neeg keeb cag neeg raug yuam kom mus koom cov neeg Askiv tab sis tsis muaj tseeb tiag raws li ib daim yeeb yaj duab yees tau qhia ces tej txiv neej ntawd yeej tsis txaus siab mus koom li."
Mitchell Library, State Library of NSW – Home and Away 17955 Source: Mitchell Library, State Library of NSW
6. Tau muaj Australia cov keeb cag neeg tau teeb tsa Aboriginal Tent Embassy rau hnub tim 26 January 1972
Nyob rau hnub tim 26 January 1972, tau muaj 4 tug txiv neej neeg keeb cag neeg hu ua Michael Anderson, Billie Craigie, Bert Williams thiab Tony Coorey tau lso teeb tsa ib tsev pheeb suab ntawm lub tuaj nyom saib tim ntsej tim muag rau Parliament House ntawm Canberra, tis npe tias yog ‘Aboriginal Embassy’, thiab siv tam li yog ib lub cim mus zaum zov tawm tsam tias tsoom hwv Australia tau ua rau cov neeg keeb cag neeg yog ib cov neeg txawv teb chaws ntawm lawv lub teb chaws raw li Tony Coorey tau hais. "Vim li ntawd peb thiaj yuav tsum tau muaj ib lub embassy."
Aboriginal Tent Embassy, 26 January, 1972 (State Library of NSW) Source: State Library of NSW
7. Hnub tim 26 January 1988, muaj neeg coob tshaj plaws txog li 40,000 leej tau mus taug kev ntawm Sydney txij li tau muaj cov kev rwg npoj tawm tsam rau lub caij xyoo 1970s kom xaus cov tsov rog Vietnam
Yog li thiaj tau muaj tej neeg keeb cag neeg thiab cov tsis yog keeb cag neeg uas txhawb nqa cov kev tawm tsam no tau pib taug kev ntawm Redfern Park mus rau Hyde Park ces tom qab ntawd mam mus rau Sydney Harbour coj los ua cov kev nco txog lub koom txoos txwm 200 xyoo uas Australia raug Askiv tuaj nam nias liaj ia teb chaws.
Source: Wordpress
8. Archie Roach zaj nkauj tawm tsam xyoo 1988 muaj lub npe tias'Khaws nej tej nyiaj pab cuam rau peb tseg cia thiab muab peb lub teb chaws rov qab cob rau peb'- 'Keep your handouts, give us back our land"
Zaj nkauj no yog ib zaj uas muaj neeg nyiam mloog heev rau xyoo 2016 ntawm A.B.Original uas tau ua rau muaj teeb meem cov nyom thiab ua rau ib txhia neeg sawv tawm tsam tsis pom zoo rau hnub Australia Day tis npe ua #ChangeTheDate, tab sis yeej tau muaj lwm pab tub nqua yas suab hu ua Midnight Oil yeej tau sau ib zaj nkauj tawm tsam thiab qhia txog tsoom hwv Australia cov kev tuaj txheeb teb chaws Australia thiab muab Australia tej keeb cag neeg tsub muj tsim txom ua ntej lawm thiab. Tab sis Archie Roach zaj nkauj no yog cov kev thuam tsis pom zoo nrog cov kev faib cai ntxub ntxaug lwm tsav neeg ntawm teb chaws Australia thiab tsis pom zoo rau cov kev ua kev zoo siab uas cov neeg European tuaj tswj hwv teb chaws Australia txwm 200 xyoo rau xyoo 1988Cov zaj lus ntawm zaj nkauj no hais tias:200 xyoo mas ntev kawg nkaus, Vim peb twb cia tus nom tswv Australia no tswj hwm thiab ua raws lawv hais los tau 200 xyoo tab sis peb yuav tsis mloog thiab yuav nws hais ntxiv lawm, vim tsis muaj dab tsis yuav pab kom peb ua tau lub neej kaj siab li, tsis muaj, tsis muaj. Qhov peb xav tau yog peb txoj kev twj lij ywj pheej, uas yog tej yam tseem ceeb heev rau peb tej xeeb leej xeeb ntxwv ua ntej yuav lig dhau heev lawm, vim peb yeej tsis tau ib yam dab tsi rau xyoo 1988 no hlo li. Ntshe nej tseem xav tias peb tau ntau yam heev, thiab nej tseem xav tias tsoom hwv yeej them rau peb txaus lawm, tab sis yeej tseem muaj ib yam nej yeej tsis totaub hlo li: kav tsij khaws nej tej nyiaj cia es thim peb lub teb chaws rov qab rau peb.
9. Tsis yog txhua txhua lub xeev yuav ua kev zoo siab rau hnub tim 26 January uas yog hnub txog ntua rau xyoo 1994.
Txawm lub npe 'Australia Day' yeej tau tshwm sim thaum ntxov rau lub caij xyoo 1900s lawm los haiv neeg no yeej tau muab hnub no los ua ib hnub so rau zej tsoom rau tiam vam meej no xwb thiab.
10. Lub xov tooj cua Triple j Hottest 100 yeej tsis nyob rau hnub tim 26 January no thiab
Tom qab uas xov tooj cua Triple J Hottest 100 raug neeg tib tias txhob txwm siv coj los tham txog txog cov kev ua kev zoo siab rau hnub Australia Day no ces yog cov kev qhia txog cov neeg European tuaj nam nias lub teb chaws Australia no xwb, yog li ntawd tsaib no tej hluas lub xov tooj cua no thiaj tau qhia tias lawv yuav tsis ua cov program 100 txoj nkauj uas muaj kev sib cov nyom no ntxiv lawm. Tab sis lub xov tooj cua no yeej tau sau ib cov ncauj lub tias "Cov program The Hottest 100 no tsis yog tsim covj los ua ib cov xwm txheej rau hnub Australia Day," thiab tau muaj ib tug neeg tshaj xov xwm ntawm lub xov tooj cua no tau hais tias "Tsuas yog tsim los ua kev zoo siab nco txog tej nkauj qub xyoo dhau los xwb." Txawm li cas los cov neeg nyiaj hnub Australia Day kuj tu siab tias yog lub xov tooj cua no tsis tsim cov program no lawm ces hnub no kuj yuav txawv lawm thiab, txawm li cas los cov neeg uas tsis pom zoo rau hnub Australia hais tias tsis tsim nyog yuav coj tej nkauj 100 zaj neeg nyiam los tso rau hnub tim 26 January no thiab.
Triple J poster, 1989 (Australian Broadcasting Corporation) Source: ABC Australia
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
