Key Points
- Bantayan Island viral sa social media habang tampok ito sa Times Square sa New York City, mapapanood ang video na 'Our Islands 11°16’58.4 N 123°45’07'E na gawa ng Filipino artist na si Martha Atienza mula 11:57 ng gabi hanggang alas-dose ng hatinggabi nitong buong Hulyo bilang bahagi ng Midnight Moment.
- 'National Disability Rights Week” ipinagdiriwang ng Pilipinas mula Hulyo 17-23 isang buwan matapos na ideklara ni pangulong Ferdinand R. Marcos Jr ang naturang selebrasyon.
- Hongkong-American martial artist at aktor na si Bruce Lee inaalala ng mga taga-hanga, kasama ng isang komunidad ng mga Tsino sa Kogarah sa timog Sydney. 51 taon na mula nang pumanaw si Lee noong Hulyo 20, 1973.
LISTEN TO THE PODCAST
Trending Ngayon_Bantayan Islands at Times Square_PH National Disability Rights Week_remembering Bruce Lee.mp3
05:56
Bantayan Islands sa Times Square
Bilang bahagi ng Midnight Moment, mapapanood sa New York Times Square, ang Bantayan Island ng probinsya ng Cebu sa Pilipinas. Tampok ang bahagi ng pelikulang 'Our Islands 11°16'58.4”N 123°45'07.0”E' na gawa ng Filipino artist na si Martha Atienza, ipinapalabas sa mga digital billboard mula 11:57 ng gabi hanggang alas-dose ng hatinggabi tuwing gabi ngayong buong Hulyo.
Ang Midnight Moment ay itinuturing na pinakamalaki at pinakamatagal na digital public art program sa mundo, na nagtatampok ng mga makabagong gawa ng mga kontemporaryong artist sa mga iconic na electronic billboard ng Times Square.
Ang "Our Islands" ni Atienza, na orihinal na 72 minutong pelikula, ay nagpapakita ng mga eksena sa ilalim ng dagat mula sa Bantayan Island. Ang mga compressor diver ay nagsasagawa ng prusisyon sa pinaka-ilalim ng karagatan, na ginagaya ang parada ng Ati-Atihan. Nagsuot sila ng iba't ibang kasuotan at gamit na tumutukoy sa kulturang Pilipino, mula sa Santo Niño hanggang sa isang karikatura ni Manny Pacquiao na may suot na boxing gloves, at mga Romanong senturyon.
Part of the film, 'Our Islands 11°16’58.4”N 123°45’07.0”E' by Filipino artist Martha Atienza is being shown at Times Square this whole July. Credit: Times Square Arts
Ang pelikula ay naaayon sa adbokasiya ni Atienza patungkol sa kapaligiran, na nagbibigay-liwanag sa mga panganib na naranasan ng mga compression divers mula sa Bantayan Island sa gitna ng pagkasira ng karagatan.
Ang 'Our Islands' ay ginawaran ng Baloise Art Prize noong 2017 at nakuha ng Guggenheim Abu Dhabi noong 2021, kasama ang mga nakaraang screening sa buong Asia, Australia, at Europe.
'National Disability Rights Week'
Noong Hunyo, idineklara ni Pangulong Ferdinand R. Marcos Jr. ang Hulyo 17 hanggang 23 bawat taon bilang "National Disability Rights Week," na nagpapatibay sa pangako ng Pilipinas na itaguyod ang pangako sa United Nations Convention on the Rights of Persons with Disabilities (UNCRPD).
Sa dalawang pahinang Proclamation No. 597 na nilagdaan ni Executive Secretary Lucas P. Bersamin noong Hunyo 13, inatasan ni Pangulong Marcos ang Social Welfare and Development (DSWD), sa pamamagitan ng National Council on Disability Affairs (NCDA), na manguna, makipag-ugnayan at pangasiwaan ang “National Disability Rights Week.”
Ang NCDA ay inatasan din na tukuyin ang mga programa, aktibidad at proyekto para sa pagdiriwang.
Pinagtibay ni Pangulong Marcos na pagtutok ng Pilipinas sa mga layunin ng UNCRPD, na naglalayong itaguyod, protektahan, at ginagarantiyahan ang ganap at pantay na pagtatamasa ng lahat ng karapatang pantao at mga pangunahing kalayaan para sa mga indibidwal na may mga kapansanan habang pinalalakas ang paggalang sa kanilang likas na dignidad.
Pag-alala kay Bruce Lee
Inaalala ng mga tagahanga ng Hong Kong-American martial artist at aktor na si Bruce Lee na namatay noong Hulyo 20, 1973.
Sa lugar ng Kogarah sa timog ng Sydney sa New South Wales, isang memorial event ang ginanap upang markahan ang refurbishment ng isang pampublikong rebulto ng yumaong martial artist at aktor.
Ang rebulto ay regalo mula sa kapatid na lungsod ng Kogarah sa Guangdong, ang ancestral home ni Bruce Lee.
