Key Points
- Pensioner at concession cardholders sa NSW, papayagan na makakuha ng hanggang 10 libreng RAT kits
- Pambansang Gabinete tatalakayin ang pagbabawas sa isolation period sa Miyerkules
- Libreng flu shot magtatapos na ngayong katapusan ng Agosto
Ngayong Lunes, umabot sa 11 ang naitalang namatay dahil sa COVID-19, kabilang ang tig-apat na naiulat sa New South Wales at Victoria.
Patuloy pa rin ang pagbaba ng naiuulat na kaso ng COVID-19 kada araw sa lahat ng estado at teritoryo sa Australia.
Samantala, umani ng batikos ang plano ng Victoria na magbigay ng libreng kurso para sa mga nais maging nurse at midwife sa taong 2023 at 2024.
Ayon kay Michael Roff, chief executive ng Australian Private Hospitals Association, hindi ito magandang balita para sa sistema ng pampublikong ospital ng estado.
“Victoria’s public hospitals are already groaning under the strain of COVID-19, influenza, and massive elective surgery backlogs."
“They are currently relying on the private sector to help them manage all of this. If the private sector loses hospitals, the pressure on the public system only increases.”
Simula ngayong araw, papayagan nang makakuha ng hanggang 10 libreng RAT ang mga pensioners at concession cardholdholders sa kahit saang Service NSW Service Centre, Mobile Service Centre o Disaster Recovery Centre.
Sa darating na Miyerkules, tatalakayin ng pambansang gabinete ang pagbabawas sa isolation period. Mula pitong araw, gagawin na lamang na limang araw ang pag-isolate kung magpositibo sa coronavirus.
Samantala, batay naman sa pag-aaral ng mga researcher sa University of Queensland, napag-alamang maraming kababaihan ang nakaranas ng problema sa pananalapi at naapektuhan ang kalusugan sa pag-iisip na naidulot ng pandemya.
Ayon sa lead researcher na si Dr Terry Fitzsimmons, may ilang kababaihang nagbawas ng kanilang oras sa trabaho o tumigil sa pagtatrabaho noong panahon ng lockdown. Marami umano ang umako ng gawain sa bahay kumpara sa mga kalalakihan.
Alamin kung saan ang mga COVID-19 testing clinic sa inyong lugar
I-register ang resulta ng inyong RAT dito, sakaling kayo ay nakakuha ng positibong resulta.
