Tropikol Cyclone Lola I lego Vanuatu wetem plante Damej

Tropikol cyclone Lola hemi lego behaen plante damej long ol province blong Torba, Sanma, Penama, Malampa mo samfala aelan blong Shefa.

Wan mama mo smol pikinini i staon long jea mo lukluk ol damej weh cyclone i mekem

Vanuatu Dipatmen blong Meteo Sevis I isium finis wan ‘All Clear’ notis I go long evri siks province hemia long tede Tesde 26 blong Oktoba long 6.34am lokol Vanuatu taem. SBS Bislama I toktok wetem Jackson Willie Bulemaru, Eria Administrata blong Not Ambrym Eria Kaonsel blong I kivim smol ripot long ol damej we TC Lola I bin mekem long North Ambrym.

Wan boy i staon long banana plantation long Mele, aotsaet long Port Vila long manis blong Maj namba 19 dei, blong 2015, hemia afta weh Cyclone Pam i damajem nogud Vanuatu. Source: AFP

SBS Bislama I toktok tu wetem Bronwyn Olul, Communication mo Komuniti enagagment Kodineta long Nasonal Disasta Manejmen Ofis long Port Vila blong faenem aot ol plans blong kavman long saed blong ol relief saplae I go long ol ples we TC Lola I bin damejem.