Praem Minista Albanese i pat long Pacific Island Forum Miting

Praem Minista Anthorny Albanese I stap long Cook Islands blong attendem Pacific Island Forum (PIF) we I stat finis hemia long Novemba 7 – 9, 2023.

Praem Minista blong Ostrelia, Anthony Albanese i kasem Cook Island blong pat long Pacific Island Forum (PIF) hemia long Rarotonga, Cook Islands, Tusde, Novemba 7, 2023. Source: AAP / MICK TSIKAS/AAPIMAGE

Praem Minista Anthony Albanese I stap long Cook Islands blong attendem Pacific Island Forum (PIF). Hemi mekem trip ia afta long 3 dei trip blong hem I go long Beijing, China blong mit wetem Chinese President Xi Jinpin. Trip blong hem blong attendem PIF long Cook Islands, hemi stap olsem fes fala trip blong hem olsem Praem Minista mo hemi seken taem blong hem blong attendem wanfala PIF Lidas miting.

Ostrelia hemi luk Pacific olsem family mo I nogat wan long yumi I save akjivim wan samthing hem wan

Praem Minista Anthony Albanese

Presiden blong Kiribati, Taneti Maamau mo Ostrelian Praem Minista, Anthony Albanese bifo long stat blong wan bilateral miting hemia long Pacific Island Forum (PIF) long Rarotonga, Cook Islands, Tusde, Novemba 7, 2023. Source: AAP / MICK TSIKAS/AAPIMAGE

Praem Minista Albanese i talem se:

"Hemi impoten se mi stap wetem ol narafala regional lida blong Pacific Islands Forum Lidas Miting long Cook Islands. Mi talem tankyu long Cook Islands mo Praem Minista Mark Brown we i stap olsem Chairman mo host blong 52nd PIF miting ia. Ostrelia hemi luk Pacific olsem family mo I nogat wan long yumi I save akjivim wan samthing hem wan. So yumi mas wok tugeta, thru long Pacific Islands Forum, from hemi impoten se yumi kipim Pacific I stap gud mo sef oltaem long wan tinktink we i mekem yumi evri wan gro."

PIF hemi stap karem tugeta ol Pacific Island lidas I kam tugeta evri yia blong ova long 50 yia finis blong diskasem ol impoten isius mo jalens mo faenem ol regional solusen blong ol isiu ia mo Ostrelia hemi stap olsem wan praod memba blong PIF.

PIF forum miting ia I karem tugeta ol pacific island lida blong 18 kantri mo teritori evriwan blong diskasem ol impoten isiu mo wan long olgeta nao hemi climate change mo regional sikiuriti isiu.

Wan long ol impoten diskasen bae hemi blong deliverem 2050 strateji blong blue Pacific continent, weh oli endosem long 2022.

Samfala regional lida we oli no stap long PIF miting ia hemi Praem minister blong Papua New Guinea, Solomon Islands mo Vanuatu, weh Minista blong Climate Change, Hon. Ralph Regenvanu nao I attendem lo abscense blong Praem Minista Charlot Salwai.

Praem Minister Albanese hemi stap long miting ia wetem Minista blong Intanasonal Developmen mo Pacific, Hon. Pat Conroy.